Ձեր վստահելի աղբյուրը

«Քաղաքային իշխանությունները ականջալուր չեղան,  իրենց համար մեկ է, թե ինչպես է ժողվուրդն ապրում, ինպես է կարողանալու այս բարդ պայմաններում կազմակերպել քաղաքային տրանսպորտով իրենց և իրենց երեխաների տեղաշարժը»,- այդ մասին ֆեյսբուքյան ուղիղ եթերում հայտարարեց Երևանի նախկին քաղաքապետ Հայկ Մարությանը :

Նա հայտնեց, որ չորեքշաբթի՝ ժամը 13:00, իր թիմով կլինենք մետրո Երիտասարդականի մոտ:

«Չնայած մեր բոլոր զգուշացումներին,  որ սա սխալ որոշում է, մարդիկ այդքան գումար չունեն, որ վճարեն, ուղղակի լրջագույն խնդիրներ կունենան տրանսպորտից օգտվելու հետ կապված, իրենք ականջալուր չեղան  և ուզում են ի կատար ածել իրենց այլանդակ որոշումը:

Տիգրան Ավիինյանին երեք անգամ բանավեճի ժամանակ հարց տվեցի, թե արդյոք վարչապետը տեղյակ է այս որոշումից և ինչ կարծիք ունի այս մասին, նա խուսափեց պատասխանել: Երկու անգամ էլ Նիկոլ Փաշինյանին եմ հարց տվել, նա միտումնավոր խուսափեց հարցին պատասխանելուց: Ինչու եմ ասում միտումնավոր, որովհետև գիտեք՝ ինչքան է նա ժամանակ տրամադրում ֆեյսբուքին, ընդ որում ոչ թե իմ անունից, այլ 70 հազար քաղաքացիների անունից եմ հարցը տվել»,-ասաց նա։