Ձեր վստահելի աղբյուրը

Բրյուսելում մինչև 100 հազար մարդ դուրս է եկել փողոց՝ տարեկան 3 միլիարդ եվրոյով սոցիալական նպաստների և կենսաթոշակների բյուջեն կրճատելու կառավարության ծրագրերի դեմ: Այդ մասին հայտարարել են ակցիայի կազմակերպիչները՝ թագավորության երեք խոշորագույն արհմիությունները, որոնք կապված են թագավորության հիմնական քաղաքական կուսակցությունների՝ սոցիալիստների, լիբերալների և քրիստոնյա դեմոկրատների հետ։

Ոստիկանությունը դեռևս չի տվել իր գնահատականը բողոքի ակցիայի մասշտաբների վերաբերյալ։

«Ցուցարարների մի շարասյուն, որոնց մեծ մասը հագած են հասարակ կարմիր, դեղին, կապույտ և կանաչ բաճկոններով, որոնք խորհրդանշում են իրենց արհմիությունների գույները կամ պատկանելությունը բնապահպանական շարժումներին, երթով անցնում են քաղաքի կենտրոնով՝ Կենտրոնական կայարանից մինչև Արդարադատության պալատ»,-բրյուսելից հայտնում է ՏԱՍՍ-ի թղթակիցը։ Գործողությունը թույլատրված է քաղաքային իշխանությունների կողմից: Քաղաքի կենտրոնը շրջափակված է ոստիկաններով, լուսաթարթիչներով ոստիկանական մեքենաները ուղեկցում են շարասյունը, կողային փողոցներում հերթապահում են ոստիկանական ուժերն ու շտապօգնության մեքենաները հնարավոր միջադեպերը կանխելու համար։

«Մենք դուրս ենք եկել արդարություն պահանջելու։ Կառավարությունը բյուջեի խնայողություններ է ուզում, բայց ստիպում է ամենաաղքատներին վճարել։ Դա անընդունելի է։ Հարուստները պետք է վճարեն»,-ՏԱՍՍ-ի թղթակցին ասել է ցուցարար Քրիստին։