Ձեր վստահելի աղբյուրը

Նախօրեին կայացել է Իսպանիայի Սուպերգավաթի՝ «Ռեալ»-«Բարսելոնա» հանդիպումը, որն ավարտվել է Հանսի Ֆլիկի թիմի՝ «Բարսելոնա»-ի հաղթանակով՝ 5-2 հաշվով։

championat.com-ը գրում է, որ «Ռեալի» գլխավոր մարզիչ Կարլո Անչելոտին բացատրել է, թե ինչ սխալներ է թույլ տվել իր թիմը  «Բարսելոնայի» դեմ հանդիպման ժամանակ։

««Ռեալը» ընդհանրապես չխաղաց, իսկ պլանավորված խաղային պլանը խաղադաշտում այդպես էլ չիրականացավ։ Մենք վատ էինք պաշտպանվում, դա մեր խնդիրն էր հանդիպման ժամանակ։ Նրանք շատ հեշտությամբ գոլեր խփեցին, և մենք վատ խաղացինք ինչպես բարձր պրեսինգում, այնպես էլ խորը պաշտպանությունում: Ընդմիջմանը ես ասացի, որ նախ պետք է փորձենք ֆուտբոլ խաղալ, քանի որ առաջին խաղակեսում ընդհանրապես չխաղացինք։ Մենք պարզապես երկար փոխանցումներ էինք անում,  բայց դա չէր մեր գաղափարը: Գաղափարը ֆուտբոլ խաղալն էր, բայց մենք դա չարեցինք։

Ես ֆուտբոլիստներին ասացի, որ հնարավոր է պարտվել հանդիպումներում, բայց ոչ այնպես, ինչպես մենք արեցինք առաջին խաղակեսում»,- Անչելոտիի խոսքերն է մեջբերել Marca-ն։