Ձեր վստահելի աղբյուրը

«Հայաստանի Հանրապետության և Ամերիկայի Միացյալ Նահանգների միջև ռազմավարական գործընկերության մասին փաստաթուղթը, որն այսօր ստորագրելու ենք անխոնջ հենք է և ևս մեկ անգամ հաստատում է մեր գործընկերային հարաբերությունները։  Մեր գործընկերությունն ընդլայնվում է մի շարք ոլորտներում, այդ թվում՝ էներգետիկ կապերի, տնտեսական զարգացման , անվտնագության, արդարադատության և այլ»,- այս մասին Վաշինգտոնում ընթացող Հայաստանի Հանրապետության և Ամերիկայի Միացյալ Նահանգների միջև ռազմավարական գործընկերության մասին փաստաթղթի ստորագրման արարողության ժամանակ ասաց ՀՀ ԱԳ նախարար Արարատ Միրզոյանը։

Հիշեցնենք, որ այս պահին  Վաշինգտոնում ՀՀ ԱԳ նախարար Արարատ Միրզոյանը և ԱՄՆ պետքարտուղար Էնթոնի Բլինքենը ստորագրում են  Հայաստանի Հանրապետության և Ամերիկայի Միացյալ Նահանգների միջև ռազմավարական գործընկերության մասին փաստաթուղթը։

«Մեր հարաբերությունները հիմնված են ընդհանուր արժեքների և  փոխադարձ շահերի հիման վրա և վերջին տարիներին նշանակալի զարգացում են ապրել։ Մեր հարաբերությունները հասել են այնպիսի մակարդակի, որի դեպքում ռազմավարական գործընկերության հաստատումը  ոչ միայն համապատասխանում է ներկայիս իրողություններին, այլև էական նշանակություն ունեն բարդ աշխարհաքաղաքական պայմաններում գործելու համատեքստում»,- ասաց Միրզոյանը։

Նա նաև շեշտեց, որ գնահատում են ԱՄՆ-ի աջակցությունը՝ Հայաստանի ինքնիշխանության ու տարածքային ամբողջականության մասով։

«Նույնքան  կարևոր է ԱՄՆ-ի աջակցությունը Հայաստանի ժողովրդավարական ինստիտուտների ամրապնդման և տնտեսական  դիմակայունության խթանման գործում։  Խորապես գնահատում ենք ԱՄՆ-ի ներգրավվածությունը Հարավային Կովկասում կայուն և տևական խաղաղություն խթանելու գործում։ Կարծում ենք՝  կայուն և բարգավաճող  Հարավային Կովկասը բխում է տարածաշրջանային բոլոր դերակատարների և ավելի լայն միջազգային  հանրության շահերից։ Հայաստանը հանձնառու է շարունակել սերտ համագործակցությունն ԱՄՆ-ի հետ՝ ընդհանուր նպատակին հասնելու և խաղաղության կերտման համար»,- իր խոսքում ընդգծեց Միրզոյանը։