Ձեր վստահելի աղբյուրը

«Ժողովուրդ ջան, պետական մեքենան անցել է գրոհի: Փորձում են բոլորիս վախեցնել, որ հետ կանգնենք մեր պայքարից: Բայց դա անհնար է։ Փետրվարի 1-ից բոլորս միասին բոյկոտելու ենք տրանսպորտի թանկացումը։ Իրենցից վախեցող չկա»,-հայտարարել է Երևանի նախկին քաղաքապետ Հայկ Մարությանը։

Նրա խոսքով, իշխանության ներկայացուցիչները հետևել են իր էջերում արված հրապարակումներին, հաշվել են, որ այդ հոլովակները 2 օրում 3 մլնից ավելի դիտում ունեն։ 

«Հասկացել են, որ ժողովուրդը լուրջ է տրամադրված, բոյկոտելու են, պայքարելու են, պաշտպանելու են իրենց իրավունքները։ Մի առնվել են իրար, մեկը առավոտ գիշերով գնացել, մետրո է նստում, էն մեկը 150 հազար դոլարանոց «Լեքսուսից» ինչ-որ գրառումներ է անում, էն մեկը կառավարական դաչաներից 200 հազար դոլարանոց ԲՄՎ-ով գնում է Ազգային Ժողով, ասում է՝ էս ինչ լավ է, որ թանկանում, էդ հերիք չի, մի հատ էլ ԿԳԲ-ն է խառնվել իրար»,-ասաց Մարությանը։