Ձեր վստահելի աղբյուրը

«Մենք հնարավորություն ենք տալու, որ «Facebook»-ում, «Apple»-ում  և մնացած տեղերում մի քիչ ավելի շատ ներդրում անեն։  Որովհետև այնտեղ ETF-եր կան, որոնք մեր կուտակային ֆոնդերը գնում են, դա ենք մեծացնում։ Նաև ՀՀ տարածում ուղղակի ներդրումներ անելու համար գործիքներն ենք շատացնում»,-Խորհրդարանում ասաց  ԿԲ նախագահի տեղակալ Արմեն Նուրբեկյանը՝ զեկուցելով «Կուտակային կենսաթոշակների մասին» օրենքում փոփոխություններ և լրացումներ կատարելու մասին օրինագիծը։

Նրա խոսքով, եթե նախկինում կուտակային ֆոնդերը միայն ոչ հրապարակային ներդրումային ֆոնդի միջոցով էին կարողանում Հայաստանում ներդրումներ անել , ապա նախագծով գործիքներն ընդլայնվում է։

«Կառավարող Ֆոնդերի 1 տրլն դրամից մոտավորապես 250 մլրդ դրամը գեներացված գումարենրն են, որոնք մեր քաղաքացիների համար աշխատելեն կուտակային ֆոնդերը»,-հայտնեց ԿԲ նախագահի տեղակալը։

ՔՊ-ական Սիսակ Գաբրիելյանը նկատեց.«Դուրս եկավ, որ հայ ժողովուրդը,  «Facebook»-ում փայատեր է դառնում»

 Նուրբեկյանն ասաց. «Այո, Հայաստանը SMP 500-ի և մնացած խոշոր ընկերություններում փայատեր է»։

Նա նաև տեղեկացրեց, որ թոշակների կուտակային ֆոնդերի նիջին տոկոսային եկամտաբերությունը եղել է 8 %, նախորդ տարի՝10.7%, իսկ մինչ այդ 13% էր։