Ազատվել «կապիտուլյացիա, թե պատերազմ» կործանարար երկընտրանքից. Արմեն Ռուստամյան
«Հայաստանի շուրջ ձևավորվող անվտանգային սպառնալիքներն օերեցօր դառնում են առավել անմիջական և խիստ վտանգավոր»,- ԱԺ հայտարարությունների ժամին ասաց «Հայաստան» խմբակցության պատգամավոր Արմեն Ռուստամյանը՝ նկատելով, որ Ադրբեջանի ղեկավարության հայտարարություններն ավելի սանձարձակ են դառնում և վերածվում վերջնագրերի։
Ըստ պատգամավորի, Հայաստանի իշխանություններն էլ իրենց հերթին ահաբեկելով սեփական ժողովրդին վերահաս պատերազմով և դրանում անխուսափելի պարտությամբ լծվել են թուրք-ադրբեջանական տանդեմի անվերջանալի պահանջները հիմնավորելու և բավարարելու ազգակործան գործին։
Ռուստամյանի խոսքով՝ հայ ժողովրդի ազգային ուժերի պատմական առաքելությունն է ազատվել «կապիտուլյացիա, թե պատերազմ» կործանարար երկընտրանքից և հաստատել իսկական և անշրջելի խաղաղություն։
Հայտնելով, որ անհրաժեշտ է բեկում մտցնել ստեղծված իրավիկճակի մեջ ՝ Ռուսատամյանն ասաց, թե պետք է ձևավորել նոր իշխանություն և ազգային պետության զարգացման ուղեգիծ և պետք է փոխել կառավարության քաղաքականության երեք ուղղություններում։
«Հայկական ինքնության և հայոց պետականության պահպանման օրակարգի շուրջ համահայկական զորաշարժի իարկանացում, Հայոց ցեղասպանության վերաբերյալ թուրքական ժխտողականությանը նպաստելը, Արցախի ժողովրդի հայրենազրկումն ու էթնիկ զտումներն անհետևանք թողնելը գոյութենական սպառնալիք է հայկական ինքնությանը և Հայաստանի ինքնիշխանությանը և վավերացնում է ուժի դիրքերից հարցեր լուծելու նախադեպը։
Առաջնահերթ օրակարգ դարձնել բանակի և պաշտպանության համակարգերի հրատապ վերակառուցումը՝ առկա մարտահրավերների հաշվարկմամբ։
Որդեգրել անվտանգային նոր ճարտարապետության ձևավորմանը և անվտանգային նոր դիրքեի վերականգնմանը միտված որակապես նոր բովանդակություն ունենցող արտաքին քաղաքականություն, ինչը ենթադրում է ռազմավարական հարաբերությունների հաստատում ընդհանուր աշխարհաքաղաքական նպատակներ հետապնդող երկրների և դաշինքների հետ, որոնց անմիջական շահերից է բխում հայկական կենսունակ պետության գոյությունը»,-հայտարարեց Ռուսատամյանը։
Այդ նպատակով, ըստ պատգամավորի, պետք է ամրապնդել ՌԴ-ի հետ դաշնակցային հարաբերությունները, Իրանի հետ ռազմաքաղաքական դաշինք կնքելը և զարգացնել տարածաշրջանից դուրս ուժային կենտրոնների և Արևմուտքի հետ փոխլրացնող հարաբերություններ։
Արմեն Ռուստամյանը կոչ արեց ազգային բոլոր ուժերին միավորել իրենց ջանքերն այս օրակարգի շուրջ և Դաշնակցությունը պատրաստ է համագործակցել ցանկություն ունեցողների հետ։
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
