Ձեր վստահելի աղբյուրը

Ալիևը տարեսկսզբին տված հարցազրույցում մի շարք սպառնալիքներ հնչեցրեց Հայաստանի ուղղությամբ, որոնց ՀՀ գործող իշխանություններն ընդամենն արարողակարգային արձագանք ապահովեցին, առանց բովանդակային հակափաստարկների։ Խնդրի շուրջ «Panorama-հարցազրույցներ»-ի տաղավարում իր կարծիքը հայտնեց քաղտեխնոլոգ Վիգեն Հակոբյանը։

Հարցազրույցում հնչեցված թեզերի երրորդ մասը՝ ստորև։

▪Ալիևն ասում է, թե նոյեմբերի 9-ի 9-րդ կետն իրենց առայժմ բավարարում է, բայց Փաշինյանն դա էլ չի կատարում։ Այս պարագայում պարզ է, որ Ռուսաստանը շահագրգիռ կողմ է։ Ռուսաստանին ձեռք է տալիս այն, ինչ ասաց Ալիևը։ Թուրքիային այն ձեռք է տալիս, ԱՄՆ-ին կարող է ձեռք տալ կամ չտալ, բայց, ամեն դեպքում, այն տարբերակ է Թուրքիայի և Ադրբեջանի ամբիցիաները գոնե այս պահին բավարարելու համար։

▪Պրակտիկան ցույց է տվել, համենայնդեպս 2020 թվականից հետո, որ այն ինչի մասին ասում է Ալիևը, սովորաբար կյանքի է կոչվում և շատ՝ 90 % դեպքերում այն արդեն իսկ համաձայնեցված է լինում հայաստանյան այսօրվա վարչախմբի պարագլխի հետ։ Այսինքը ես չեմ կարծում որ Ալիևի հայտարարությունը մեծ սյուրպրիզ էր Նիկոլ Փաշինյանի համար։

▪Այդ բառապաշարը բազմաթիվ անգամ ասվել է և լուրջ դիմադրության այն չի արժանացել, որովհետև տվյալ պարագայում Ալիևի արտաքին քաղաքական ձևակերպումները շահավետ են Նիկոլ Փաշինյանի ներքին քաղաքական ամբիցիաներին՝ իր ներքին քաղաքական հակառակորդներին չեզոքացնելու համար։

Հարցազրույցն ամբողջությամբ՝ կից տեսանյութում։