Ձեր վստահելի աղբյուրը

«Հանդիպել եմ մամուլի նման հրապարակումների և պետք է ասեմ, որ ամբողջությամբ չի համապատասխանում իրականությանը, որևէ ծեծկռտուք և որևէ վեճ կուսակցությունում չի եղել և չի կարող լինել՝ հատկապես վարչապետի ներկայությամբ»,-ԱԺ ճեպազրույցների սրահում ասաց ՔՊ-ական պատգամավոր Հայկ Սարգսյանը՝ պատասխանելով տավուշի մարզպետ Ղալոմյանի հետ ծեծկռտուքի մասին տարածված տեղեկատվությանը։

Նա հավաստիացրեց, թե անգամ խոսակցություն չի եղել իր և տավուշի մարզպետի միջև։

Հարցին, թե անգամ խոսակցություն էլ չի եղել՝ Սարգսյանը պատասխանեց. «Մենք կուսակցությունում նման ֆորմատ ունենք, կոչվում է ինքնաքննադատություն, երբ մենք խոսում ենք՝ քննադատում ենք ինքներս մեզ՝ իշխանությանը, կառավարությանը, կամ ԱԺ-ի որոշ գործընկերների գործունեության մասին»։

ՔՊ-ական պատգամավորը նշեց, որ ինքը գրանցվել կուսակցության նիստին և ինքնաքննադատությամբ ելույթ ունենալու հայտ է ներկայացրել, կուսակցությունը բավարարել է իր հայտը և ինքը ունեցել է ինքնաքննադատական ելույթ։

«Ելույթի ընթացքում ես քննադատել եմ ՔՊ-ին, այսինքը՝ իշխող կուսակցությանը և կառավարության մեր որոշ գործընկերների գործունեությունը՝ կապված անտառահատումների հետ, ինչպես նշված է ՔՊ-ի տարածած հաղորդագրության մեջ»,-ասաց Սարգսյանը։

Նրա խոսքով՝ որոշ խոսակցություններ եղել են, բայց խոսքը չի գնացել Տավուշի մարզպետ Ղալումյանի մասին, քանի որ անտառները չեն գտնվում մարզպետի լիազորությունների ներքո, այլ՝ Շրջակա միջավայրի նախարարության տիրույթում են։

«Ես քննադատել եմ ընդհանուր երևույթը և բերել եմ փաստեր»,-հավաստիացրեց Սարգսյանը և տեղեկացրեց, որ ապօևինի ծառահատումների մասով դիմել է Քննչական կոմիտե, դատախազություն և առաջիկայում արձագանք կլինի։