Ձեր վստահելի աղբյուրը

«Այս նախագծով մենք առաջարկում ենք սահմանել զբոսաշրջային գործունեության սուբյեկտների, մասնավորապես՝ զբոսաշրջային օպերատորի ղեկավարին, զբոսաշրջային գործակալի ղեկավարին ներկայացվող զբոսաշրջային ծառայությունների մատուցման կանոնները և պահանջները»,- լառավարության  նիստում հայտնեց էկոնոմիկայի նախարար Գևորգ Պապոյանը։

Նախարարը զեկուցեց Զբոսաշրջային գործունեության սուբյեկտների կողմից զբոսաշրջային ծառայությունների մատուցման կանոնները և պահանջները սահմանելու մասին որոշման նախագծին։

Ըստ Պապոյանի՝ սահմանված պահանջները նպատակ ունեն հստակ տարբերակելու զբոսաշրջային օպերատորի և զբոսաշրջային գործակալների գործունեությունը, և ապահովել զբոսաշրջության ոլորտում որակյալ ծառայություններ, հավասար մրցակցային դաշտի առկայություն։

Նախարարի խոսքով՝ մեր զբոսաշրջիկներն ունեն խնդիր, երբ որ իրենց գովազդով ներկայացվում է մի բան, իրականում ստանում են բոլորովին այլ բան։

«Այսպիսի իրավիճակներ մենք տեսել ենք վեջին տարիներին ՝ սկսած զբոսաշրջիկին տանել այլ երկիր և չբերել, վերջացրած նրանով, որ մարդկանցից հավաքել 100 հազարավոր դոլարներ և մի օր գալ տեսնել, որ այդ զբոսաշրջային գործակալությունը փակված է, սնանկ է, փող չունի, և մարդիկ խաբված են»-ասաց Պապոյանը և նշեց, թենման դեպքեր պետք է տեղի ունենային, որովհետև ո՛չ օրենք կար, ո՛չ կարգավորումներ, ո՛չ  համապատասխան վերահսկողության գործիքներ և կարգավորում են հիմնվելով ունեցած բացասական փորձի, աշխարհի առաջատար փորձի համադրման վրա։

Նրա խոսքով նախագծով ստանդարտներ են սահմանում՝ որոնք բացարձակապես մեծ ռեսուրսներ չեն պահանջում, բայց շատ օգտակար ծառայություն է ներգնա և արտագնա բոլոր զբոսաշրջիկների համար։