Ձեր վստահելի աղբյուրը

«Շվեդիայում մշտապես մտահոգված ենք, երբ երկրների ղեկավարները այլ երներների ղեկավարներին բուլինգի են ենթարկում։ Շվեդիայում  կարծում են, որ դիվանագիտական ճանապարհը պետք է լինի հակամարտությունների և վեճերի լուծման հիմքում։ Նույնը վերաբերում է այս հակամարտությանը»,- ասաց ՀՀ ԱԺ նախագահի և Հյուսիսային Եվրոպա-Բալթյան երկրների պատվիրակությունների ղեկավարների մամուլի ասուլիսի ընթացքում ասաց Շվեդիայի Ռիկսդագի փոխխոսնակ Քենեթ Ֆորսլունդը՝ պատասխանելով այն հարցին,թե ինչպե՞ս կարող են  ժողովրդավար երկրներն Ադրբեջանի նկատմամբ զսպող գործողություններ մշակել՝ Բաքվում պահվող գերիներին ազատ արձակելու համար և որքանո՞վ են հնարավոր  համարում ժողովրդավար երկրների ազդեցությունը Ադրբեջանի վրա,օրինակ՝ որոշ երկրներ դադարեն նավթ գնել Ադրբեջանից։ 

«Ողջ աշխարհում շատ են առաջնորդները, որոնք հիմա ուշադիր դիտում և հետևում են և փորձում են հասկանալ,թե ինչ արդյունք կլինի, որովհետև արդյունքը  կազդի նաև ապագայում մյուս հակամարտությունների լուծմանը։ Այսպիսով՝ շատ կարևոր է դառնում, որպեսզի Ուկրիանան հաղթի և հետ ստանա իրավականորեն իրեն պատկանող տարածքները։ Եթե Ուկրաինան ձախողի,սա նաև ազդակ կլինի աշխարհի մյուս երկրների առաջնորդների համար , ինչը վտանգավոր կարող է լինել։ Շատ կարևոր է , որպեսզի բոլորս միասին աշխատենք։

Հետևաբար, հարցը, որը վերաբերում է այդ Ադրբեջանի նկատմամբ պատժամիջոցներին, հետաքրքիր առաջարկություն է։ Տեղյակ չեմ,թե որ մակարդակի վրա են քննարկվել, ինչ դիրքորոշումներ կան ԵՄ-ում։ Ես այդ հարցն ինձ հետ կտանեմ և կներկայացնեմ քաղաքական գործիչներին, խորհրդարանի անդամներին։ Իհարկե, տնտեսական գործիքակազմից օգտվելը դիվանագիտական աշխատանքի մյուս կողմն է, հետևաբար , ես դրան կողմ եմ, սակայն պատժամիջոցներ կնշանակի ունենալ ԵՄ-ի ներսում միաձայն որոշում։ Անկեղծ կասեմ, որ տեղեկացված չեմ այս հարցի շուրջ մյուս երկրների տեսակետներին»,- ասաց քաղաքական գործիչը։