Ձեր վստահելի աղբյուրը

Հայ դերասաններ Կարեն Կարագուլյանի, Վաչե Թովմասյանի մասնակցությամբ  ամերիկացի հայտնի ռեժիսոր Շոն Բեյքերի «Anora»  ֆիլմը Ամերիկյան կինոակադեմիայի «Օսկարի» հավակնորդների ցուցակում է:

Ֆիլմն առաջադրվել է «Երկրորդ պլանի լավագույն դերասան» (Յուրա Բորիսով), «Լավագույն սցենար» անվանակարգերում:

«Անորա» ֆիլմը ներկայացված է նաև «Լավագույն ֆիլմ», «Լավագույն ռեժիսոր» (Շոն Բեյքեր), «Լավագույն դերասանուհի» (Մայքի Մեդիսոն), «Լավագույն օրիգինալ սցենար» և «Լավագույն մոնտաժ» անվանակարգերում։

97-րդ «Օսկար» մրցանակաբաշխությունը տեղի կունենա մարտի 3-ին։

Անորան՝ Բրուքլինի սեքս ոլորտի ախատակից է, նա կարող է Մոխրոտի բախտին արժանանալ, քանի որ հանդիպում է ռուս օլիգարխի որդուն ու ամուսնանում։  Բայց երբ լուրը հասնում է Ռուսաստան, նրա հեքիաթը հայտնվում է սպառանլիքի ներքո,  քանի որ տղայի ծնողները ժամանում են Նյու Յորք՝ ամուսնությունը չեղյալ հայտարարելու համար:

Մանհեթեն ստրիպտիզ ակումբում աշխատող Անորան նախընտրում է, որ իրեն Անի կոչեն, նաև մի քիչ ռուսերեն գիտի, որ սովորել է տատիկից։

Անմեղ, առատաձեռն Իվանը տարբերվում է Անիի մյուս հաճախորդներից, որոնց մեծ մասը նրա հոր տարիքին են և հաճախ էլ ասում են՝ դու նման ես իմ 18-ամյա դստերը: Իվանից ընդամենը երկու տարով մեծ Անին բռնում է նրա ձեռքն ու տանում առանձնասենյակ։ Անիի՝ Իվանին ասած խոսքերն էլ դառնում են ֆիլմի գլխավոր թեման։