Ձեր վստահելի աղբյուրը

Աբխազիայում թուրքամետ ընդդիմադիր ուժերը ցանկանում են բախումներ հրահրել տեղի հայկական համայնքի հետ, որը կազմում է երկրի բնակչության 40%-ից ավելին։ Փորձագիտական հանրությունն այն ծայրահեղ ռիսկային իրավիճակ է գնահատում, քանի որ վտանգվում է հայկական խոշոր գաղթօջախներից մեկը։ Աբխազիայում փետրվարի 15-ին նախատեսված նախագահական արտահերթ ընտրություններին ընդառաջ ստեղծված իրավիճակի և աբխազահայությանը սպառնացող գործընթացների մասին «Panorama-հարցազրույցների» տաղավարում իր դիտարկումները ներկայացրեց «Արևմտահայոց հարցերի ուսումնասիրության կենտրոնի» տնօրեն, հայագետ Հայկազուն Ալվրցյանը։

Հարցազրույցում հնչեցված հիմնական թեզերի առաջին մասը՝ ստորև։

●Այն ժամանակ մենք նավթային շահերին զոհեցինք, այսինքը մենք չզոհեցինք, Ռուսաստանը մեզ զոհեց, որովհետև գերիշխող ուժերն իրենք էին և այսօր էլ նավթային շահերին զոհաբերվում են մեր ազգային շահերը։ Արցախը նույնպես «Բրիթիշ պետրոլիումի» նման հզոր ընկերության զոհերից մեկը դարձավ՝ տվյալ դեպքում մեր ապաշնորհ քաղաքական կառավարման, իշխանությունների բացարձակ անկոմպետենտության հոտևանքով կամ, ավելի ճիշտ, այն իշխանությունների, որոնք բերվել են իշխանության հենց նման հարցերը լուծելիս՝ Արևմուտքի շահերը պաշտպանելու համար։

●Արևմուտքի շահերի մեջ բնականաբար զետեղված են թուրք-ադրբեջանական շահերը, որովհետև այդ տնտեսական առանցքը թուրք-ադրբեջանական առանցք է, դուրս է գալիս դեպի Եվրոպա։

●Ի վերջո, աշխարհն այսօր կոմունիկացիաների համար է կռվում, կոմունիկացիաները շատ կարևոր են, և գլոբալ աշխարհ կառուցողներն այդ ծրագիրն ունեն...Ազգային, պետական շահ գոյություն չունի՝ գոյություն ունեն տնտեսական կորպորատիվ շահեր, որոնք վերահսկելու համար անհրաժեշտ են սեփական կոմունիկացիաներ, ճանապարհներ, մայրուղիներ, գազատարեր, նավթատարեր...

●Արևմուտքի ներկայացուցչությունն այնտեղ Թուրքիան է։ Վերջինս շատ մեծ ներկայացուցչություն ունի Աբխազիայում։ Պատճառները պատմական են։

●Կառուցել են մզկիթ Սուխում քաղաքում։ Գագրայում կա ուսումնական քոլեջ, որը թուրքերի հովանավորության տակ է, հիմնականում ընդունում են պրոթուրքական հակումներ ունեցող մարդկանց, աբխազների։

●Այսպես աբխազական հասարակության մեջ գիտակցությունն երկատվել է. մի մասը ռուսական կրթությամբ, խորհրդային միության պրոդուկտ և Ռուսաստանի հովանավորությունը վայելող մի զանգված է։ Մյուս կողմից երբ Ռուսաստանը պատերազմի մեջ է, Վրաստանում երկրորդ ճակատի բացման գաղափարը կարծես թե խամրում է, արևմտյան ուժեը, որոնց հիմնական ռազմաքաղաքական առաջնորդը և ներկայացուցիչը Թուրքիան է, որոշում են Աբխազիայում ջրեր պղտորել, ստեղծել բարդ իրավիճակ, քանի որ Ռուսաստանին ուղղակիորեն սահմանակից է , որպեսզի կարողանան երկրորդ ճակատ բացելու պայմաններ ստեղծեն։

●Դրա համար Աբխազաիյում անհրաժեշտ է ազգամիջյան խժդժություններ, իսկ այն բազմազգ երկիր է։

●Բերում են հայ-աբխպազական ընդհարում են ուզում սարքել, որպեսզի այդ հողերը հայերի ձեռքից վերցնեն, որպեսզի այնտեղ տեղադրեն Թուրքիայի քաղաքացիներին՝ իսլամացած աբխազներին և նրանց միջոցով կարողանան իշխանությունը վերցնեն Աբխազիայում։

●Թուրքիայից Աբխազիայի քաղաքական վերահսկողությունը հանձնված է «Գորշ գայլերի» ազգայնամոլական կուսակցությանը, որի հակահայկականությունն ապացույցի կարիք չունի։ Տեսեք թե ինչ հարց են նրանք մեջտեղ բերում. ասում են՝ բոլոր այն հայերը, որոնք Արցախյան ազատամարտում օգնել են Արցախին, նրանք պետք է հայտարարվեն թշնամի և այդ հայերին պետք է հանձնել թուրքերին։

Հարցազրույցն ամբողջությամբ՝ կից տեսանյութում։