Ձեր վստահելի աղբյուրը

«Ապրելու երկիր» կուսակցության համահիմնադիր Մեսրոպ Առաքելյանը նշում է, որ Նիկոլ Փաշինյանն ապատեղեկատվություն է տարածում։

«Նիկոլ Փաշինյանը հերթական անգամ սուտ տեղեկություններ է տալիս հանրությանը՝ ասելով, որ հայտարարագրման դեպքում կարող եք հետ ստանալ օրինակ ատամնաբուժական ծառայության վճարած գումարը, կամ երեխայի ֆուտբոլի, բասկետբոլի, պարի, նկարչության վճարը։

Կառավարության 29.06.23թ. 1067-Ն որոշման համաձայն բժշկական հաստատություններում կատարված ծախսերը, ինչպես նաև սպորտային և արվեստի դպրոցների վճարները ԵՆԹԱԿԱՆ ՉԵՆ ՎԵՐԱԴԱՐՁՄԱՆ»,- գրել է Մ. Առաքելյանը։ 

Նշենք, որ Նիկոլ Փաշինյանն ընթացող ասուլիսում անդրադարձել է համընդհանուր հայտարարագրմանը.  «Նույնիսկ նվազագույն աշխատավարձ ստացող քաղաքացին կարող է ետ ստանալ տարեկան 100 հազար դրամ։ Այն ծախսերը, որոնք քաղաքացին արել է՝ երեխային մանկապարտեզ է տարել, որոշակի ատամնաբուժական ծառայություններից է օգտվել, երեխան գնացել է ֆուտբոլի, բասկետբոլի, ըմբշամարտի ու վճարել է  դրա համար, երեխան գնացել է  պարի, նկարչության ու ինքը վճարել է  դրա համար, երեխայի համար վճարել է քոլեջի, բուհի ուսման վարձ, գնացել է լեզվի կուրսերի, այդ բոլոր ծախսերի համար ինքը ստացել է  հաշիվ ապրանքագիր, որը հայտարարգրում արտահայտված է, այդ հայտարարագիրը ներկայացնելուց որոշակի ժամանակ անց էլեկտրոնային դիմում է  լրացնում ու այս ամբողջ ծախսերից մինչև 100 հազար դրամ հետ է ստանում իր հաշվին մի քանի օրվա ընթացքում»։