Ձեր վստահելի աղբյուրը

«Սիրելի երևանցինե՛ր, ուզում եմ շնորհակալություն հայտնել, որ Երևանի քաղաքապետարանի վարած քաղաքականությանն աջակցում եք»,-Երևանի քաղաքապետարանի գործակարգավարական խորհրդակցության ժամանակ ասաց քաղաքապետ Տիգրան Ավինյանը և շարունակեց. «Շատ ուրախ եմ, որ մենք ընդհանուր մեկ էջի վրա ենք և հասկանում ենք թե ինչ է տեղի ունենում և ինչի համար է տեղի ունենում։ Միասնական տոմսային համակարգի ներդրումն առաջին հերթին Երևանում որակյալ տրանսպորտ ունենալու համար է արվում»։

Ըստ Ավինյանի՝ միասնական տոմսային համակարգն առաջին հերթին արվում է նրա համար, որ իրենք շարունակաբար կարողանան քաղաքացիներին տեղափոխել որակյալ տրանսպորտով և կրկին շնորհակալություն հայտնեց աջակցության համար։

Նա նաև շնորհակալություն հայտնեց վարորդներին՝ իրենց համբերատարության համար։

«Տարբեր Քաղաքական ուժեր իրենց նպատակներն ունեն և հիմնական իմ գնահատականն է, որ ոչ թե գնի խնդիրն է այլ փորձ էր արվում համակարգը տանել կոլապխսի, որը բացարձակապես ձախողվեց , որովհետև վերադարձ միասնական տոմասյաին համակարգից դեպի 100 դրամների համակարգ ուղղակի անհնար էր»,-ասաց քաղաքապետը և շարունակեց.
«Տարատեսակ քաղաքական շոուները պետք է ավարտվեն քաղաքային տրանսպորտում և այդտեղ էլ մենք գործուն ջանքեր պետք է գործադրենք։ Գիտենք վարորդների նման ծանր աշխատանքը և դրա վերջն էլ պետք է տանք, պարոն Գրիգորյան։ Բայց հանգիստ զսպված նույնիսկ մեր քաղաքական ընդդիմախոսներ հետ հարգանքով և մաքսիմալ բացատրելով, խոսելով»։