ՔՊ-ական պատգամավոր Հայկ Սարգսյանի եղբորն ուղղված ծափահարությունը դուր չեկավ ՔՊ-ական Բաբկեն Թունյանին
«Քանի որ կառավարությունը որպես խոշորների դեմ պայքարելու միջոց որդեգրել է մանին նեղելը՝ խոշորը գտել է դրա լուծումը։ Նա ասում է. «Հարգելի մանր, երբ դու գաս ինձ պահանջներ ներկայացնես, ապա քո համար անգամներով, տոկոսներով թանկ կլինի այդ հումնքը գնելը»-ԱԺ-ում ՓՄՁ-ների համար հունվարի 1-ից հարկերի բարձրացման թեմայով հրավիրված քննարկման ժամանակ ասաց «Կասեցում» քաղաքացիական շարժման համակարգող Սամսոն Գրիգորյանը:
Նա նշեց, որ երբ խոշորից գնում են ոսկի՝ առանց պահանջների մեկ գրամը 92 դոլար է, բայց եթե պահանջեն փաստաթղթեր՝ գինը կարող է դառնալ 95-100 դոլար և այլն։
Նիստը նախագահող ՔՊ-ական պատգամավոր Բաբկեն Թունյանը հարցրեց, թե փաստաթղթով ոսկին թանկ վաճառող տնտեսվարող կոնտակտները կտա՞ն։
Տնտեսվարողներն ասացին, որ չեն տա։
Սամսոն Գրիգորյանն ասաց, որ դրանք այն երեք հոգին են, որ Հայաստան մաքուր ոսկի են ներմուծում։
Նրա խոսքով՝ 2014 թվականին, որ իրենք պայքարում էինք հարկային տեռորի դեմ, հեղափոխությամբ եկած իշխանությունը նույն գծագրով նույն բանը բերում է ԱԺ և անցկացնում։
«Կրկին խոշորը մոնոպոլիստն է կարողանում իրավիճակ թելադրել մանրին, իր ուզելով փաստաթուղթը տա կամ չտա, իսկ պետությունը դրան նպաստում է իր ձևերով»,-ասաց «Կասեցում» քաղաքացիական շարժման համակարգողը։
Նա հիմնավորեց, որ մանր ներկրողի համար մաքսային արժեք է կիրառվում, ոչ թե ինվոյսայինով, քանի որ չունեն այլ հնարավորություն, որ ինվոյսի մեթոդով դիմեն, իսկ մաքսային արժեք կիրառելու դեպքում անգամներով բարձր է լինում։
«Ինչպես 11 տարի առաջ մեր խնդիրը խոշորն է, որը փաստաթղթավորված չէ, նաև մոնոպոլիան և մեր մաքսային դարպասները։ Մենք 20 տարի չենք կարողանում այդ անտեր մաքսային դարպասներն այնպես տիրություն անենք, որ լևի ապրանք չգա Հայաստան և լևի առևտուր չիրականացվի և ինչի՞ համար ենք մենք ամեն անգամ պտտվում-պտտվում՝ կպնում մանրին»,-ասաց Սամսոն Գրիգորյանը և հավելեց. «Ասում են խոշորը տալիս է՝ մանը չի վերցնում, խնդրում եմ, հարգելի ՊԵԿ, մի հավատացեք, հեքիաթ է, էդ խոշորի լոլոներն է, որը ՊԵԿ-ը հավատում է»։
Գործարար Նաիրի Սարգսյանը, ՔՊ-ական պատգամավոր Հայկ Սարգսյանի եղբայրը, ով նստած էր իր կողքին, հայտարարեց, որ ոսկու շուկայոմ ոչ մեկը ՀԴՄ չի տալիս, ինքն անձամբ 10 անգամ ոսկի է գնել և իրեն այն չեն տրամադրել, ինքն էլ չի պահանջեն, որովհետև գիտի, որ հակառակ դեպքում նման հարկերի պայմաններում տնտեսվարողը շահույթ չի կարող ունենալ։
Նա առաջարկեց ընդամենը ոսկու մանր առևտրով զբաղվողների համար սահմանել 1 % հարկ գնած հումքի համար և ոսկու շուկան ստվերից միանգամից դուրս կգա։
Ներկա տնտեսվարողներն այդ խոսքերից հետո ծափահարեցին Սարգսյանին, ինչը դուր չեկավ նիստը վարող Բաբկեն Թունյանին։
Թունյանը հայտարարեց, թե հարկերի բարձրացման նպատակը տնտեսական գործունեության փաստաթղթավորումն է և ինքն էլ կարող է ամբոխահաճո տոկոսներ հնչեցնել և արժանանալ տնտեսվարողների ծափահարություններին։
Լրահոս
Տեսանյութեր
Սահմանադրությունը փոխելու-չփոխելու հարց չկա, Փաշինյանին փոխելու հարց կա. Բագրատ Սրբազան
