Ձեր վստահելի աղբյուրը

Երևանի ՔՊ-ական քաղաքային իշխանությունները ցանկացնում են թանկացնել քաղաքային տրանսպորտի ուղեվարձը՝ հայտարարելով, թե այլևս հնարավոր չէ 100 դրամով ապահովել տրանսպորտային համակարգի զարգացում։ Երևանի Ավագանու ընդդիմությունը և ԱԺ «Հայաստան» խմբակցության պատգամավորները երևանցիներին հորդորում են բոյկոտել և չվճարել 150 դրամը՝ պնդելով, որ քաղաքային իշխանությունները թանկացման օգտին ոչ մի հիմնավորում և խելամիտ հաշվարկ չեն ներկայացրել։ Բոյկոտի և թանկացումների հակափաստարների շուրջ «Panorama-հարցազրույցներ»-ի տաղավարում իր կարծիքը հայտնեց Երևանի ավագանու «Մայր Հայաստան» խմբակցության ղեկավար Մանուկ Սուքիասյանը։

Հարցազրույցում հնչեցված թեզերի առաջին մասը՝ ստորև։

▪Դա գալիս է նրանից, որ իերնց շատ պաշտելի իշխանությունները նաև սոցիալապես են մարդկանց կյանքը վատացրել, բացի անվտանգային և ազգային հարցերից։ Այն մարդիկ, որոնք այս իշխանություններին հավատացել են և չեն ուզում ընդունել իրականությունը, նրանց մոտ որոշակի նեգատիվ ֆոն կա։

▪Վարորդներն իրենք էլ իշխանությունների մամլիչ-ճնշիչ մեքենայի տակ են, անցած տարվա մայիսին գործադուլ եղավ, նոյեմբերին եղավ, հիմա էլ վարորդներին դրդում են գնալ կոնֆլիկտի ուղևորների հետ, որն էլ չի հաջողվում, ինչ-որ մասնավոր մի քանի դեպքեր են լինում։

▪Ով բանկային քարտով է վճարում՝ մոտեցնում է մերժում է,  մի հատ էլ է մոտեցնում, կրկին մերժում է երրորդ անգամ է վալիդատորը մերժում... Մարդը գնում է տուն, բանկից գալիս է ծանուցում, որ այդուհանդերձ երեք անգամ քարտից գանձում է կատարվել։

▪Ստացում է, որ 25-30 մլն դրամ ամեն օր չի մտել քաղաքային բյուջե։ Հիմա ասում են՝ կանխիկի պատճառով ստվեր է եղել։ Ստվերը շարունակել է իր հրեշավոր գործը, ինչ-որ մարդիկ հարստացել են։ Հիմա փոխանակ գնա դրա հետևից, հասկանա, թե էդ փողերն ուր են կորել, ում գրպանն են դրել, իրենք ասում են. «Դե լավ, ինչ եղել՝ եղել է, որպեսզի համակարգը ճգնաժամի չենթարկվի, հարգելի քաղաքացի, արի դու 100-ի փոխարեն 150 դրամ վճարի՝ են էլ տևական ժամանակի մեծ ճնշումներից հետո»։

▪Ու չեն թաքցնում, որ այդ 150-ը վերջը չէ, եթե այդ 150-ը մտավ ուժի մեջ իրենք տարեցտարի այն թանկացնելու են, եթե, իհարկե, մնան իշխանության։

▪Երևան քաղաքի այս տարվա բյուջեն 2024 թվականի համեմատ, ունենալու է 35.4 մլրդ դրամով ավել մուտքեր։ Հարց է առաջանում, բա որ հանրային տրանսպորտի համակարգը շարունակում է շարժակազմերի պակաս զգալ, բա 2025 թվականին ինչու չեք նախաձեռնել նոր ավտոբուսների գնում, միայն տրոլեյբուսներ են գնել ու այն էլ՝ շատ քիչ քանակությամբ։

▪Գազելներն անորակ ծառայություն էին մատուցում, բայց արի ու տեսոր այդ անորակ ծառայությունները շահույթով էին աշխատում։

▪Կարելի է ԱՆԻՖ-ի վնասները հատուցելու համար կառավարությունից փող հատկացնել, իսկ նույն ԱՆԻՖԻ վնասների հեղինակի՝ հիմա էլ քաղաքապետարանում ունեցած հյուրախաղերի վնասների համար չի՞ կարելի, պետք է անպայման մտնեն քաղաքացու գրպանը։

▪Առհասարակ, Տիգրան Ավինյանը որտեղ եղել է կոռուպցին ուղեկցել է նրան՝ լինի կովիդը կանխարգելելը՝ խայտառակ հակառեկորդներ, քրեական գործեր՝ մսխումներ կատարելու համար, ԱՆԻՖ-ը ընդհանրապես խայտառակությունների խայտառակություն էր,

▪Փաշինյանը որ երեսպաշտական թեզ էր առաջ տանում, թե «Ինչ բառ ուզում եք օգտագործեք ԱՆԻՖ-ի հետ կապված, ես համաձայն եմ՝ խայտառակություն, ձախողում և այլն... Հիմա նույն բացասական վնասակար արդյունաների հեղինակին բերել կարգել են քաղաքապե՞տ։ Հարց է առաջանում, բա այդ վատ ու խայտառակ արդյունքնեի հեղինակին, ինչու ես բերել փաթաթել Երևանցիների վզին, որ նույն բանն այստեղ տեղի ունենա՞։

Հարցազրույցն ամբողջությամբ՝ կից տեսանյութում։