Ձեր վստահելի աղբյուրը

Հայաստանի արտաքին քաղաքականության դիվեսիֆիկացիան ուղեկցվում է Ռուսաստանի հետ կոշտ երկխոսությամբ և «փոխհրաձգությամբ», իսկ ՌԴ-ի հետ լուրջ հիմնախնդիր ունեցող Վրաստանի արտաքին քաղաքականությունն այնպես է կառուցված, որպեսզի հնարավորինս խուսափի Ռուսական կոշտ հռետորաբանությունից։ Դեպի ԵՄ Հայաստանի ընթացքի ուղին ինչպիսին է՝ այդ հարցում Վրաստանի փորձն աչքի դեմ ունենալով։

Վերոնշյալ հարցերի շուրջ «Panorama-հարցազրույցների» տաղավարում իր մոտեցումները հայտնեց  «Օրբելի» վերլուծական-հետազոտական կենտրոնի Վրաստանի հարցերով փորձագետ Ջոնի Մելիքյանը։

Հարցազրույցում հնչեցված հիմնական թեզերի երկրորդ մասը՝ ստորև։

●Ըստ Մոսկվայի, Վրաստանի որևէ դրական քայլ, ասենք Ռուսաստանի նկատմամբ պատժամիջոց չկիրառելու, Արևմուտքի հետ կոնֆլիպտի մեջ մտնելու, պետք է Մոսկվայի կողմից նորմալ վերաբերմունք ունենա։

●Որոշ գործիչներ, նույնիսկ քաղաքական, ասում են. «Տեսեք, Վրաստանը ԵԱՏՄ-ում չէ, բայց ռուսաստանի հետ ունի X առևտուրը։ Մենք էլ կարող ենք չլինել ԵԱՏՄ-ում և նույն բանն ունենալ; Ես ասում եմ՝ ո՛չ»։

●Հայաստանն այսօր ԵԱՏՄ-ում է և այնտեղից դուրս գալն ունենալու է իր բոլոր նեգատիվ արդյունքները։

●Բոլորը պետք է ռեալ հասկանան, թե ինչ սպասեն որոշ սցենարներից։ Որոշ սցենարներում պետք է բնակչությանը նախապատրաստել, որ մարդը պատրաստ լինի Եվրոպայի ուղու համար թանկացած գազի, էլ ավելի թանկացած տրանսպորտի, վառելիքի։

Հարցազրույցն ամբողջությամբ՝ կից տեսանյութում։