Ձեր վստահելի աղբյուրը

«Ամեն անգամ, երբ մտածում ենք, որ անբարոյականությունն ինչ-որ չափ պետք է ունենան, այս մարդիկ կրկին գալիս են ասելու, որ չէ՝ այդ չափն էլ ավելի կարա իջնի, սրիկայության չափեն էլ կարա իջնի»,-ԱԺ ճեպազրույցների ժամանակ ասաց «Հայաստան» խմբակցության պատգամավոր Լևոն Քոչարյանը՝ մեկնաբանելով Ալեն Սիմոնյանի՝ «արցախցիները մնային կռվեին»։

Քոչարյանը հայտնեց, որ կատարվածի պատճառը իրենք են՝ սկսած 2018 թվականի իրենց 0-ական կետից, «ինչ ուզում՝ բանակցում ենք» -ից, մինչև պատերազմ։

«Հետո էլ գնացին Էրդողանի և Ալիևի դիմաց ստորագրեցին ու ճանաչեցին Արցախն Ադրբեջանի կազմում, որից հետո եղավ 9 ամիս բլոկադա, որից հետո մարդիկ սոված-ծարավ հարձակման են ենթարկվում, որի ժամանակ ՀՀ ղեկավարությունն ասում է, որ չի միջամտելու։ Սա սրիկայություն չէ՞, բա ինչ է, էդ մարդիկ այսօր այստեղ ծանր վիճակում հայտնված՝ մի հատ էլ ասում են՝ պետք է մնայիք, կռվեիք»,-ասաց Լևոն Քոչարյանը, նշելով, որ նորմալ մարդու ուղեղում այն չի տեղավորվում։