Ձեր վստահելի աղբյուրը

«Ավետիք Իշխանյանը լրիվ հուսահատված էր։ Հիմա հասկանում եմ ՝ իր հուսահատության պատճառը։ Նա 88-ի շարժման մեջ է եղել և տեսել է էն ժողովրդին, էն Հայաստանը և հիմա նա այս Հայաստանը չէր կարողանում տանել։ Նա նաև ժողովրդից նեղացած գնաց։ Հիվանդություն էլ ուներ, հոգեբանական ծանր վիճակում էր։ Ավետիքին, երբ հիշում եմ, նա շատ հետաքրքիր ծիծաղ ուներ, անընդհատ հումորներ էր անում, բայց վերջում նա ամբողջովին կերպարանափոխվել էր, ավելի հոռետես էր դարձել։ Ասում էր՝ ժողովուրդն իրեն վատ է պահում, ես հակաճառում էի, բայց հետո հասկացա, որ ճիշտ է»,- Ավետիք Իշխանյանի հոգեհանգստի ընթացքում ասաց  բանաստեղծ․ հրապարակախոս Մարինե Պետրոսյանը։

Նա ընդգծեց, որ Իշխանյանի հիշատակը վառ հնարավոր է պահել միայն ստեղծված իրավիճակը փոխելով։

«Եթե Արցախը հետ բերենք այս կամ այն ձևով, գիտեմ ՝արագ չի լինի, բայց գոնե դրա  ճանապարհին լինենք, ապա դա կլինի իր հիշատակի հարգումը»,- ասաց Պետրոսյանը։

Հիշեցնենք՝ իրավապաշտպան, հասարակական գործիչ  Ավետիք Իշխանյանը մահացել է երեկ՝ երկարատև հիվանդությունից հետո 70 տարեկան հասակում:Իրավապաշտպան, հասարակական գործիչ Ավետիք Իշխանյանի հոգեհանգիստը տեղի  է ունենում  Նուբարաշենի խճուղի 46 հասցեում։