Ձեր վստահելի աղբյուրը

Տղամարդկանց մոտ հաճախակի հանդիպող պաթոլոգիաներից է միզուկի ստրիկտուրան կամ նեղացումը։ Ըստ  ուրոլոգիայի կլինիկայի բժիշկ-ուրոլոգ Արայիկ Սիմոնյանի, նշում է, որ միզուկի ստրիկտուրան առաջային միզուկի լորձաթաղանթի սպիական փոփոխության հետևանքով առաջացած միզուկի լորձաթաղանթի տրամագծի նեղացումն է։ Բժշկի խոսքով՝ այս հիվանդությունը առաջացնում է բազմապիսի բարդություններ, բերում է կյանքի որակի վատացման։

Հիվանդության հիմնական պատճառներն են՝
.Վնասվածքները։
.Միզուկի բորբոքային հիվանդությունները։
.Իդիոպաթիկ/պատճառը պարզել չի հաջողվում։

Նկատվում են հետևյալ գանգատները՝
.Դժվարամիզություն։
.Հաճախամիզություն։
.Մեզի շիթի թուլացում։
.Միզապարկի ոչ լրիվ դատարկման զգացողություն։
.Միզելու ժամանակ առաջացող ցավ և մրմռոց։

Ախտորոշման համար կատարվում է սոնոգրաֆիա՝ մնացորդային մեզի որոշումով, ուրոֆլուրոմետրիա, միզուկի ռենտգենոգրաֆիա, ուրետրոցիստոսկոպիա։

Բժիշկը նշում է, որ այս պաթոլոգիան կոնսերվատիվ բուժում չունի, բուժումը միայն վիրահատական է։ Արայիկ Սիմոնյանի խոսքով՝ վիրահատական միջամտության ընտրությունը կախված է ստրիկտուրայի տեղակայումից և երկարությունից, կարող է իրականացվել

Էնդոսկոպիկ վիրահատություն,
միզուկի բերանակցում ծայրը-ծայրին (նեղացած հատվածի հեռացումով)
Լաթային միզուկային պլաստիկա (բերանի խոռոչից վերցված լորձաթաղանթային լաթով)։