Ձեր վստահելի աղբյուրը

Մյունխենի անվտանգության համաժողովում Թուրքիայի արտգործնախարար Հաքան Ֆիդանը Ռուսաստանի և Ուկրաինայի հարցերով ԱՄՆ հատուկ ներկայացուցիչ Քիթ Քելլոգին և պետքարտուղար Մարկո Ռուբիոյին ասել է, որ Անկարան պատրաստ է ընդունել Ուկրաինայի հարցով բանակցությունները։ Այդ մասին հայտնում է թուրքական կառավարամետ Türkiye թերթը՝ հղում անելով աղբյուրներին։

Ավելի վաղ ՌԴ նախագահի մամուլի քարտուղար Դմիտրի Պեսկովը հայտնել էր, որ Ռուսաստանի արտաքին գործերի նախարար Սերգեյ Լավրովը և ՌԴ նախագահի օգնական Յուրի Ուշակովը երեքշաբթի օրը Էր Ռիադում կհանդիպեն ԱՄՆ ներկայացուցիչների հետ։ Հանդիպումն առաջին հերթին նվիրված է լինելու ռուս-ամերիկյան հարաբերությունների վերականգնմանը։  Չնայած շարունակվող մարտերին՝ Ուկրաինայում հակամարտությունը փաստացի ավարտված է, երկուշաբթի օրը գրել է National Interest ամերիկյան ամսագիրը։ Հեղինակի կարծիքով՝ երկրների մեծ մասը կհամաձայնի, որ Մոսկվան գերակշռել է իր թշնամու նկատմամբ։

«Ֆիդանը, ով Մյունխենում հանդիպել է (Մարկ) Ռուբիոյին, ինչպես նաև Ուկրաինայի և Ռուսաստանի հարցերով Թրամփի հատուկ ներկայացուցիչ Քիթ Քելլոգին, Ուկրաինայի նախագահի վարչակազմի ղեկավար Անդրեյ Երմակին և Ուկրաինայի պաշտպանության նախարար Ռուստեմ Ումերովին, կարծիք են հայտնել, որ Թուրքիան պետք է մասնակցի գործընթացին։

Հաղորդվում է, որ Անկարան նաև բարձրացրել է հրադադարի կամ խաղաղ բանակցությունների անցկացման իր հնարավորության հարցը: Անկարան ասել է, որ սերտ կապեր ունի երկու երկրների հետ և կարող է ավելի շատ ներդրում ունենալ, քան շատ այլ խաղացողներ»,-«ՌԻԱ նովոստի»-ի փոխանցմամբ, գրում է պարբերականը։