Ձեր վստահելի աղբյուրը

Տիկին Գոհարի որդին՝ Գրիգորի Ավակիմյանը 2023 թ. սեպտեմբերի 25-ին շատերի նման գնացել է Ստեփանակերտի վառելիքի պահեստից բենզին ձեռք բերելու, որպեսզի ընտանիքին դուրս բերի օկուպացվող Արցախից։

«Քաոս է տիրել բենզինի պահեստում։ Տղաս ընկերների հետ էր գնացել, բայց այնտեղ իրար կորցրել են, ընկերներից մեկը ևս զոհվել է»,- «Փաստինֆո»-ի հետ զրույցում պատմել է Գոհար Ավակիմյանը։

Նրա փոխանցմամբ՝ 9 ամիս շրջափակման մեջ մնալով անհավասար մարտի բռնվելով թուրքի հետ ու մնալով լրիվ միայն, խուճապ կար։ Տղամարդիկ հավաքվել էին, որ թուրքի գալուց փրկեին իրենց երեխաներին, ոչ ոք չգիտեր, թե բենզին ով է տալիս։

Տիկին Գոհարի ապագայի նկատմամբ հույսը Արցախ վերադարձն է, որը թոռները, զոհված տղայի դուստրը՝ Գոհարիկը, նորից տեսնեն Արցախը

«Գոհարիկ ունեմ, տղայիցս մնացած։ Ես շնորհակալ եմ, որ տղայիս հետ այդան կարճ ապրած հարսս դժվարությամբ, մեծ վշտի մեջ աղջիկ երեխա ունեցավ, մի հիշատակ ունեցանք իրենից։ Չնայած առողջական խնդրին՝ կարողացավ պահպանել հղիությունը»,- նշել է տիկին Գոհարիկը։

Ասում է՝ որդին ու հարսը նախապես որոշել էին, որ աղջիկ ծնվելու դեպքում իր անունն են դնելու ու հարսն այդպես էլ արել է ու Գոհար է դրել փոքրիկի անունը։

Ազատամարտի մասնակից Գրիգորի մասունքները թույլ չեն տվել Եռաբլուրում հուղարկավորել, ու մայրը դառնացած ասում է՝ խնդրանք ունի, որ մարտական ուղի անցած տղան չհամարվի դժբախտ պատահարի զոհ։

«2023 թ.ին ծառայում էր հակաօդային պաշտպանությունում և սեպտեմբերի 19- ին ևս գնաց զորամաս, մարտական գործողությունների մեջ էին, որոշ ժամանակ կապ չկար հետը։Սեպտեմբերի 20-ի առավոտյան ինձ ձայնագրություն ուղարկեց, որ լավ է, երկու հարսներին ու եղբոր այդ օրը 3 ամսական դառնող նորածնին լավ նայեմ»,- արցունքն աչքերին պատմել է տիկին Գոհարը։

Ավելի մանրամասն՝ սկզբնաղբյուրում։