Ձեր վստահելի աղբյուրը

 «Նախագծով առաջարկվում է 9 տուգանային բալային համակարգից անցում կատարել 13 տուգանային միավորների համակարգի, որը թույլ կտա ավելի ճկունություն ունենալ»,-կառավարության նիստում հայտնեց ՆԳ նախարար Արփինե Սարգսյանը՝ զեկուցելով Ալեն Սիմոնյանի հեղինակած օրենքի նախագիծը։

Նախարարը նշեց,որ նման որոշման են եկել վարորդներից տարբեր ահազանգեր ստանալուց հետո։

ՆԳՆ նախարարն ասաց, որ կոնսենսուս ունեն քաղաքացիների հետ, որ այն խախտումները, որոնք անվտանգության բաղադրիչ են պարունակում, այնտեղ որոշակի խստացումներ են լինելու.

«Օրինակ՝ չամրակապված վարելը, հանդիպակաց երթևեկության գոտի դուրս գալը, հեռախոսներից օգտվելը: Այսինքն՝ դրանք այն շեմերն են, որտեղ կարիք կա խիստ մոտեցումը պահպանելու և անվտանգության բաղադրիչը ավելի վեր դասելու»,-հայտարարեց Արփինե Սարգսյանը:

Նրա տեղեկացմամբ օրինագիծը նախատեսվում է ուժի մեջ մտցնել 2025 թվականի մայիսի 1-ից:

«Եթե մայիս 1-ի դրությամբ քաղաքացին ունի 9 միավոր, որից, օրինակ, 2-ը սպառվել է, ավտոմատ մայիսի 1-ի դրությամբ այս թիվը կդառնա 13 բալային միավոր»,- ասաց նա:

Փաշինյանն էլ շտապեց տեղեկացնել, որ որոշման առանձնահատկությունն այն է, որ որոշ խախտումների համար բալերն ավելանում են, օրինակ՝ եթե տվյալ խախտման համար 1 բալ էր հանվում, հիմա՝ 1,5 և այլն: