Ձեր վստահելի աղբյուրը

Առողջապահության կազմակերպիչ, ԱՆ նախկին պաշտոնյա Ծաղիկ Վարդանյանը գրում է․

«Առողջապահության նախարարությունում տարին սկսվում է գարնանից

Եթե Հայաստանում նոր տարին, այդ թվում նաև ֆինանսական տարին սկսում է հունվարի մեկից, ապա առողջապահության նախարարության համար՝  2025 թվականը սկսում է  մարտ ամսվանից:
Բժշկական  կազմակերպությունների այս տարվա բժշկական օգնության և սպասարկման  պետական պատվերի հայտերը առողջապահության նախարարությունը ընդունել է փետրվար ամսին՝ մինչև  փետրվարի 17-ը, ապա սկսել է  ուսումնասիրել, դիտարկել և հավանաբար առաջիկայում կկայացնի   որոշումներ, թե որ ԲԿ-ին պետական պատվեր տան, ինչ ծառայություններ թույլատրեն  և այլն: Ապա, հուսով եմ, որ ըստ պետական բյուջեի ծրագրերի և ծառայությունների,  պաշտոնական կայք էջում կհրապարակվի  օֆերտայի պայմանգրին միացած կազմակերպությունների ցանկը  (որը մինչև այսօր բացակայում է և քաղաքացին զրկված է պետական պատվերի բախշվածության վերաբերյալ տեղեկատվությունից ):

Ստացվում է,որ առողջապահության նոր տարին գարնանն է, իսկ հիվանդ քաղաքացիները, պետական բյուջեն, կատարողականները թող սպասեն:

Նիկոլ Փաշինյան, դեռևս 2023 թվականի դեկտեմբերին՝ հղումը մեկնաբանությունների մեջ է, առողջապահության նախարարությունում հայտնել եք, որ արդեն իսկ առողջապահությունում գումարները գնում են բուժառուի հետևից, հետո պարզվեց, որ այդքան էլ այդպես չէ և հապճեպ ԲԿ-ների համար չսահմանափակվող բյուջեի սկզբունքով օֆերտայի հրապարակային պայմանագիր կնքվեց, իհարկե ծրագիրը անվանվեց փորձարարկան:

Հինա 2025 թվականն է, ասեմ, որ երեք ամիս ուշացումով պետական պատվերի տեղադրումը այս պահին ընթացի մեջ  է և ժամանակն է, որ 2023 թվականի ձեր բարձրաձայնած այն միտքը, որ չպետք է լինեն բժշկական կենտրոններ, որոնք չունեն պետական պատվեր, այսինքն բժշկական կենտրոններին պետական պատվերի կապելու պրակտիկան վերանում է,  իրականանա: Իսկն   իրագործելու պահն է: Ես հուսով եմ, որ օֆերտայի պայմանագիրը այս տարի գոնե ծառայելու է իր նպատակին և բազմաթիվ անգամ նախկինում մերժված կազմակերպություններ  այս անգամ անհիմն չեն մերժվի:

Արձանագրում եմ, որ փորձարարական ծրագիրը վերջացել է և հիմա մի շարք  բժշկական կենտրոններ պետական պատվերի նոր ծառայությունների հայտեր են ներկայացրել:
Առաջարկում եմ հանձնարարել, առողջապահության նախարարությանը լիցենզիա ունեցող բժշկական կազմակերպությունների նոր հայտերը անկախ որ այդ ԲԿ-ները  «սիրելիների» ցուցակում չեն, բավարարեն՝ չկապեն  իրենց հորինած լրացուցիչ պայմաններին: Իսկ ամենակարևորը՝ բժշկական կազմակերպությունների վերջին մեկ տարվա գործունության պարտադիր պահանջը հանձնարարեք հաշվի չառնել պետական պատվեր տեղադրելու ժամանակ,  չէ որ այդ  մասով  կա նախադեպ՝  Ուիգմորը գործունեոււթյունը  սկսելու հենց առաջին օրվանից 600 մլն. պետական պատվեր է ստացել։

Հ.Գ. Այսօրինակ ժամկետների խախտումով մեկնարկած պետական պատվերը խառնաշփոթ է առաջացնում առողջապահական համակարգում, որի արդյունքում խախտվում է մեր բնակիչների առողջության իրավունքը:

ՀՀ առողջապահության նախարարություն, Դուք որոշեք լա՞վ եք աշխատում, թե ...»։