Աշխարհում
ՀԱՄԱՑԱՆՑ
Ամերիկացի դերասաններ Բրեդ Փիթն ու Անջելինա Ջոլին ամուսնալուծության հայցից ութ տարի անց պաշտոնապես համարվում են ամուսանալուծվա։ Այս մասին դեկտեմբերի 31-ին հայտնել է People -ը՝ վկայակոչելով Ջոլիի փաստաբաններին։
«Բրեդ Փիթն ու Անջելինա Ջոլին համաձայնության են եկել ամուսնալուծության հարցում ութ տարի անց այն բանից հետո, երբ դերասանուհին դիմել էր իրենց երկու տարվա ամուսնությունը չեղյալ հայտարարելու համար՝ պատճառաբանելով տարաձայնությունները», - ասվում է հրատարակության մեջ:
Ջոլին ամուսնալուծության հայց է ներկայացրել 2016 թվականի սեպտեմբերին՝ 12 տարվա համատեղ կյանքից հետո։ Զույգն ամուսնացած էր ընդամենը երկու տարի։ Փիթի ներկայացուցիչը հրաժարվել են մեկնաբանել: Լրատվամիջոցներին հայտնի է դարձել, որ դերասանը նույնիսկ հրաժարվել է նկարահանվել Ջոլիի հետ 60 միլիոն դոլարով։ Իսկ դերասանուհու լուսանկարը՝ Լոնդոնի BFI կինոփառատոնում ռեփեր Akala հետ, բառացիորեն պայթեցրել է սոցիալական ցանցերը։
«Երբ հայտարարեցինք, որ բաժանվել ենք, դրանից մոտ երկու-երկուսուկես տարի եղել ենք բաժանված, բայց մեկ տանիքի տակ էինք ապրում։ Մենք որպես կին ու ամուսին, իրար չհասկացանք»,-Tete A Tete հաղորդման ժամանակ ասել է երգչուհի Անահիտ Սիմոնյանը՝ պատմելով իր և երգիչ Հայկոյի մասին։
Նա պատմել է, որ երբ Հայկոն հիվանդ է եղել ու, թեև, այդ ժամանակ երգիչն ունեցել է իր անձնական կյանքը, բայց զանհագարել է իրեն ու խնդրել է դեղ տանի ստուդիա։
Հայկոն ցանկացել է, որ իր հեռախոսը փոխանցեն ու մնա Անահիտ Սիմոնյանի մոտ. «Ինքը գիտեր որ եթե իր հեռախոսն ինձ մոտ հայտնվեց, երբեք ուրիշի ձեռքը չի ընկնի»։
Նա պատմել է, որ Հայկոյի ընտանիքի՝ եղբոր և մոր հետ նորմալ հարաբերություններ է ունեցել մինչև այն պահը, երբ երգչի մահվանից 40 օր անց իրեն կանչել են խոսելու։
Անահիտ Սիմոնյանը նաև պատմել է Հայկոյի մահից օրեր անց իր և որդու՝ Դուբայ այցի մասին. «Հայկոյի մահից 7 օր հետո, երբ երեխաս սարսափելի ծանր վիճակում էր, և ես նույնպես, այդ ամեն ինչի հետ մեկտեղ, մենք չէինք կարողանում մեր վիշտը երկուսով ապրել։ Ես ոնց որ քաոսի մեջ հայտնված լինեի, ոնց որ չհավատայի, որ այդ ամեն ինչն ինձ հետ է կատարվում, և որոշեցի վերցնել իմ երեխային և հանել երկրից դուրս, ու մենք երկուսով փորձենք մեր ցավն ապրել այնտեղ՝ առանձին ամբողջ աշխարհից։
Հենց առաջին օրը, երբ մենք սպասում էինք, որ մեր բանալին տան, մեզ թաքուն լուսանկարում են, և հաջորդ օրը ես արթնանում եմ հազարավոր զանգերից և տարբեր լրատվամիջոցների տեղադրած այդ լուսանկարով սխալ գրառումներից:
Բնականաբար, ես դիմել եմ ոստիկանություն, որովհետև մենք այն երկրում էինք, որտեղ այդ օրենքը գործում է, և այդ մարդիկ պատասխանատվություն կրեցին օրենքի ամբողջ ուժգնությամբ:
Մենք չկարողացանք մեր սուգն ապրել այնտեղ, որովհետև այդ 7 օրն ուղղակի ոստիկանությունից դատարան էինք գնում, դատարանից՝ ոստիկանություն:
Ի՞նչ շահեցին մարդիկ՝ փչացնելով, էլ ավելի վատացնելով մեր վիճակը, ես չգիտեմ: Առավել մեծ շոկ ապրեցի, երբ իմացա թե ովքեր էին այդ մարդիկ. Սարյանի վրա գտնվող ամենամեծ ծաղկեսրահի տերը՝ կինը, հենց ինքն էր մեզ նկարել։ Նա 6 ամսով ազատազրկվեց:
Ինձ շատ խնդրեցին, որ հետ վերցնեմ բողոքս, ինձ ասացին՝ խղճա մեզ։ Եես պատասխենցի, իսկ դուք ինձ խղճացի՞ք, իմ վիշտը հարգեցի՞ք»։
Հարցին՝ սիրտը բա՞ց է հարաբերությունների և տիեզերքից եկող լավ էներգիայի համար, նա պատասխանել է. «Տիեզերքից եկող լավ էներգիայի համար, այո։ Ես երջանիկ եմ ինքս ինձ հետ։ Դա, կարծում եմ, ամենակարևորն է, հակառակ սեռ չպետք է լինի, որ ինձ երջանկացնի, որովհետև ես գտել եմ երջանկությունն իմ և իմ երեխայի մեջ»։
Փաշինյանն ընտանեկան փոդքասթ է սկսում։ Այս մասին նա տեղեկացրել է ֆեյսբուքյան էջում։
«Էսպիսի բան ենք մտածել։ Առաջին թողարկումը մի քանի ժամից՝ «Ընտանեկան փոդքասթ»»,- գրել է նա։
Համացանցը կտարակուսեր սույն փաստից, եթե այս ընտանիքը տարակուսելու տեղ թողած լիներ։Այնպես որ՝ այս պահին սարկազմ է, որ պտտվում է ֆեյսբուքում;
Ասենք՝ իրավապաշտպան Ռուբեն Մելիքյանը գրում է․ «Հաջորդը՝ ընտանեկան լոտոն են վերականգնելու։ Լրիվ լուրջ եմ ասում: Թե բա՝ ընտանեկան փոդքաստ»։
Edgar Ghazaryan. «Հովիկ Աղազարյանը և Հակոբ Ասլանյանը դեռ չեն հայտարարել նոր պոդքաստ վարելու նախաձեռնության մասին»։
Անահիտ Ոսկանյան․ «հետևում եք նիկոլին, որ իմանաք, թե էլ ինչ աղետ է բերելու, կամ՝ նայում եք, որ հայհոյեք․․․ ինքն էլ քանակ է հաշվում, թե՝ վայ, էս ինչքան մարդ է ինձ հետևում, լսում, նայում, պարտավորեցնող է, եկեք դառնամ ձեր բուդդան. թոււ»։
Anzhela Elibegova, «սցենարով քանի սերիա կա հլը, մինչև հասնեն հոում վիդեոներին՞ »։
Արքայազն Ուիլյամի և Քեյթ Միդլթոնի դուստրը՝ 9-ամյա արքայադուստր Շառլոտան, խախտել է թագավորական արարողակարգի կանոններից մեկը։ Այս մասին հայտնում է InStyle-ը։
Սանդրինգհեմում Սուրբ Ծննդյան արարողության ավանդական զբոսանքի ժամանակ, որին Շառլոտան մասնակցել է իր ծնողների և եղբայրների հետ, նա ոչ միայն զրուցել է մարդկանց հետ, այլև սելֆի է արել կանանցից մեկի հետ։
Շառլոտան լայն ժպտացել է լուսանկարվելիս: «Թեև սելֆիների վերաբերյալ թագավորական կանոններ չկան, թագավորական ընտանիքի անդամներին հիմնականում խորհուրդ չի տրվում են սելֆի անել: Սակայն վերջին տարիներին Ուիլյամը, Քեյթը և նույնիսկ թագուհի Կամիլան հրաժարվել են այս կանոնից՝ հօգուտ երկրպագուների հետ ավելի սերտ հարաբերությունների»,-lady.mail.ru-ի հաղորդմամբ, պարզաբանել է Express-ը։
Երգչուհի Աննա Սեդոկովան հոսպիտալացումից հետո առաջին անգամ խոսել է իր նախկին ամուսնու՝ բասկետբոլիստ Յանիս Տիմայի հուղարկավորության և իր վիճակի մասին։ Նա իր սոցցանցում այս մասին գրառում է արել։
kulturomania.ru-ն գրում է, որ երգչուհին պատմել է, որ ինքը և Տիմայի մայրն ու քույրը փորձում են «արժանապատիվ կերպով կազմակերպել նրա հրաժեշտի արարողությունը»: Սեդոկովան նաև խոստովանել է, որ ցավում է նախկին ամուսնու համար, թեև նրա մահը նրան հիմար կատակ է թվում:
Բացի այդ, երգչուհին կոչ է արել լրատվամիջոցներին ստուգել այն մարդկանց, ումից հարցազրույց են վերցնումլ։ Սեդոկովան հայտարարել է, որ մեկնաբանությունները տալիս են մարդիկ, որոնց ոչ Սեդոկովան, ոչ Տիման երբևէ չեն տեսել իրենց կյանքում։ Երգչուհուն վրդովեցրել է, որ մարդիկ փորձում են ողբերգությունն օգտագործել իրենց օգտին։
Յանիս Տիման մահացել է դեկտեմբերի 16-ի լույս 17-ի գիշերը։ 32-ամյա մարզիկի դին հայտնաբերվել է մասնավոր հոսթելներից մեկի մուտքում, որը գտնվում է Մոսկվայի կենտրոնում գտնվող հինգ հարկանի շենքում։ Նրա կողքին ընկած է եղել հեռախոս, որի վրա գրված էր Սեդոկովայի համարը և «Զանգիր Աննային» հաղորդագրությունը էկրանապահին։ Ըստ նախնական տեղեկությունների, լատվիացի խաղացողն ինքնասպան է եղել։
Զույգը հարաբերությունների մեջ էին եղել 2019 թվականից, ամուսնացել էին 2020 թվականին։ Այս աշնանը երգչուհին ամուսնալուծության հայց էր ներկայացրել, որը դատարանը պաշտոնապես ընդունել էր այն բասկետբոլիստի մահից մեկ շաբաթ առաջ՝ դեկտեմբերի 9-ին։
Ռուս ճանաչված դերասան 44-ամյա Եվգենի Պրոնինը սոցիալական ցանցում հայտնել է կնոջից՝ Քրիստինա Առուստամովայից բաժանվելու մասին։
Զույգը միասին է եղել ութ տարի։ Ամուսնալուծության նախաձեռնողը դերասանի կինն է։ «Քրիստինան ընտրեց ճանապարհն առանց ինձ, ես դա հարգում եմ: Հավանաբար չափահասի կողմից կշռադատված որոշում է: Դա նրա ընտրությունն է»,- գրել է Պրոնինը սոցցանցում։
Պրոնինը նշել է, որ միշտ երախտապարտ է լինելու իր նախկին կնոջը. «Ութ տարվա ընթացքում մենք շատ բան ենք անցել՝ Covid, արտագաղթ, մենք միշտ միասին ենք եղել, աջակցել ենք միմյանց դժվարին իրավիճակներում։ Ես գրում եմ այս խոսքերը մեծ երախտագիտությամբ և սիրով և չեմ հավատում, որ ամեն ինչ ավարտված է: Շնորհակալ ենք միասին անցած ճանապարհի համար, և ամենակարևորը մեր որդու համար: Ես նայում եմ նրան ու հասկանում, որ ամեն ինչ իզուր չէ»։
«Այս Նոր տարին կդիմավորեմ իմ սիրելի Երևանում առանց ընտանիքիս, բայց կտեսնեմ որդուս, ով, ճակատագրի բերումով, նույնպես ծնվել է դեկտեմբերի 31-ին, ինչպե՞ս կարելի է դրանից հետո չհավատալ հրաշքներին։
Խաղաղություն և սեր ձեր ընտանիքներին:
Շնորհավոր գալիք Նոր տարի»:
Հաղորդավարուհի, դերասանուհի Նազենի Հովհաննիսյանը գրում է.
«Ասես ծուղակում լինենք. նայում ես շուրջբոլորդ, քանդվող բոլոր կառույցներիդ, որոնք խորքային ճաք են տալիս, հետո նայում ես մեջբոլորդ, որ քեզ գոնե գտնես ու գոնե մի կետ. հենման կետ:
Հետո նայում ես վերև, որ լույս գտնես, ու աստիճան՝ խավարից դեպի լույսը տանող:
Ու նորից հասկանում ես, որ լույսն էլ, կետն էլ, Սերն էլ քո մեջ պիտի գտնես. ոչ շուրջբոլորդ, ոչ էլ վերև նայելով: Եթե չկա , ուրեմն չկա...
Ու, թե չես գտնում, ուրեմն ծուղակում ես:
Ծուղակում ենք:
Մարդ Դարերով ինքնազարգացավ, որ իբր բան հասկանա, բայց հասավ մի կետի, երբ սիրով թողնում է, որ իրեն բթացնեն, ավելին՝ ուզում է, որ բթացնեն, իր փոխարեն որոշում կայացնեն ու որոշեն, որ էլ մարդ չի:
Որ էլ պետք չի մարդ լինել, որ անիմաստ մի ճոխություն է դա:
Մարդը, որի խելքն իր պատուհասն է դարձել՝ Հոգու պատուհանը բացելու փոխարեն:
Մարդը, մահվան վախն աչքերում կամ իրեն անմահ կարծող մարդը).... Որն այդպես էլ չսովորեց ամենապարզը. մարդ լինել կամ գոնե մնալ:
...ամենամոլորված դարում, իր պատերազմներն այդպես էլ չհաղթահարած, բայց աչքն ուրիշի «խաղաղությանը»՝ «մարդը»:
Իր իսկ դեմ պայքարող
իր կյանքի
իր պետության
իր արժեքների
իր հոգևորության ու
ոգևորության...
իր մարդկայնության դեմ մարտնչող...
«մարդը»:
Մարդուն ձգտող ու էդ նույն մարդուն կործանող Մ...Արդը:
Դերասանուհի Անահիտ Կիրակոսյանը սրտնեղել ու վիրավորվել է կեղծ լուրեր տարածող կայքերից։
Ինսթագրամի սթորի բաժնում նա տեսանյութ է հրապարակել ու պարզաբանել, որ հինգերերոդ բալիկի սպասում է ոչ թե ինքը, այլ իր ընկերուհին։
«Ովքեր ինձ ճանաչում են, գիտեն, որ ես շատ քիչ եմ անդրադառնում վատ խոսքին, վատ մեկնաբանություններին, կամ սուտ լուրին, որ տարածում է լրատվ ականը։ Բայց արդեն բավական է, էլի։ Մի չափ գոյություն ունի, որին էլ չեմ դիմանում։ Եթե ես որոշում եմ իմ հետևորդների հետ կիսվել, ասել բարի լուր, որ իմ ընկերուհին ունենալու է իր հինգերորդ բալիկին , պետք չէ դա վերագրել ինձ»,-նշում է Ա. Կիրակոսյանը։
Starnews-ը գրում է․
«Օրեր առաջ ԱՄՆ-ում՝ Dolby թատրոնում տեղի ունեցավ «Armenian music Video Awards» հեղինակավոր մրցանակաբաշխությունը, որին մասնակցեցին հայ արտիստներ՝ Հայաստանից և ԱՄՆ-ից։
Մրցանակաբաշխությանը ներկա էր նաև երգիչ Անդրեն՝ ով ելույթ ունեցավ և ստացավ մրցանակ։
StarNews-ի աչքից չէր վրիպել այն, որ Անդրեի կողքին չէր կինը՝ երգչուհի Անի Օհանյանը։ Հարկ է նշել, որ մինչ այդ հանրային և ոչ այդքան բոլոր միջոցառումների ժամանակ Անին ամուսնու կողքին էր լինում»։
Սա էլ բավական չէ` Անին նաև իր սոցիալական էջերից հեռացրել է Անդրեի հետ ունեցած բոլոր լուսանկարները, և զույգը դադարել է հետևել իրար ինստագրամում։
Այս ամենը թույլ է տալիս ենթադրել, որ զույգը խնդիրներ ունի և հնարավոր է, որ բաժանման որոշում է կայացրել»։
Հաղորդավար, հումորիստ Եվգենի Պետրոսյանի ավագ դուստրը պահանջում է ԴՆԹ անալիզ՝ համոզվելու, որ Տատյանա Բրուխունովայի երեխաների հայրը հենց իր հայրն է։
kp.ru-ն գրում է, որ Վիկտորինան երբեք չի տեսել իր կրտսեր եղբորը՝ Վահանին և քրոջը՝ Մաթիլդային։ Նա ապրում է Ամերիկայում և խզել է բոլոր կապերը իր հոր հետ։
Եվգենի Պետրոսյանը Ելենա Ստեպանենկոյից բաժանվելուց հետո դադարել է շփվել իր ավագ դստեր՝ Վիկտորինայի հետ․ նրա մայրը բալետի պարուհի Բելլա Կրիգերն է։ Վիկտորինան շատ մտերիմ է եղել խորթ մոր հետ և խնդրել է հորը փոխել միտքը և չամուսնանալ Տատյանա Բրուխունովայի հետ։
Նշվում է, որ Վիկտորինան չի հավատում հոր հինգերորդ կնոջ զգացմունքների անկեղծությանը: 5-tv.ru-ի հաղորդմամբ, նա կասկածում է, որ կինը խաբել է հորը, երեխաների հայրը Եվգենի Պետրոսյանը չէ։
Նա կարծում է, որ երեխաներն ամենևին էլ նրանից չեն։ Ըստ լուրերի, Պետրոսյանը հրաժարվում է ԴՆԹ անել՝ պնդելով, որ երեխաներն իրենն են։
Վերջերս Եվգենի Պետրոսյանը դատական հայց է ներկայացրել իր ավագ դստեր դեմ։ 79-ամյա Պետրոսյանը պահանջում է, որ 56-ամյա Վիկտորինային Մոսկվայի իր բնակարանի գրանցումից հանեն։ Բնակելի տարածքի արժեքը մոտ 20 միլիոն ռուբլի է:
Տեսանյութեր
Գարեգին Երկրորդի ամանորյա ուղերձը
