ՀԱՄԱՑԱՆՑ
ԽՍՀՄ ժողովրդական արտիստ Ալլա Պուգաչովային և շոումեն Մաքսիմ Գալկինին (Ռուսաստանի Դաշնությունում ճանաչված օտարերկրյա գործակալ) պահանջել են զրկել ծնողական իրավունքներից։ Այս մասին հայտնում է Mash Telegram ալիքը։
«Ռուսաստանի վետերաններ» շարժման ակտիվիստները դիմել են Երեխաների իրավունքների պաշտպան Մարիա Լվովա-Բելովային՝ ամուսինների տեղափոխության պատճառով։ Շարժման ղեկավար Իլդար Ռեզյապովը վստահ է, որ բնակության վայրերի կանոնավոր փոփոխությունը երեխաների համար վնասակար է։
Լիզան և Հարի Գալկինները նոր ուսումնական տարում չեն վերադարձել իսրայելական դպրոց. նախ ծնողները նրանց տեղափոխել են Կիպրոս, իսկ ավելի ուշ մոր հետ տեղափոխվել են Լատվիա։ Գազետա.ռու-ի հաղորդմամբ, ակտիվիստները պահանջում էին, որ եթե ընտանիքը վերադառնա Ռուսաստան, ապա երեխաներին վերցնեն աստղային զույգից։
Ուկրաինայում հատուկ ռազմական գործողության մեկնարկից հետո Մաքսիմ Գալկինը կնոջ՝ Ալլա Պուգաչովայի և երեխաների հետ Ռուսաստանից մեկնել էր Իսրայել։ Նախօրեին Գալկինը երկրպագուներին ուղղված կոչ էր հրապարակել, որում հայտարարել էր արտասահմանում իր առաջիկա ելույթների մասին։
Դերասանուհի, բլոգեր ու մոդել Լյուսի Հայրապետյանը դերասան Սոս Ջանիբեկյանի հետ լուսանկարների շարք է հրապարակել։
Դրանց կից նա գրել է.
«Երևի մի 10 տարի կլինի այն օրից, որ ես և Սոսը նույն բեմում էինք։ Պարզապես բեմն էր այլ՝ թատրոնի, Դրամատիկի, ու դերերն էին այլ՝ Օսկարի և Մարինայի, իսկ այժմ՝ առանց նոր, բեմական,սցենարային անունների՝ պարզապես Լյուսի, պարզապես Սոս :)
Ինչևէ, գեղեցիկ երեկո էր, մեր առաջին դեբյուտային բեմելն էր՝ որպես հաղորդավարական զույգ։ Ասում են՝ լավ էր, ստացված էր։
Լուսանկարները շատ սպոնտան, շատ արագ, շատ պրոֆեսիոնալ ու մի տեսակ հաճելի բեմադրված տեղում»։
Ինսթագրամի իր էջում հաղորդավորուհի Նազենի Հովհաննիսյանը անձրևի ներքո արված մի տեսանյութ է հրապարակել ու գրել.
«Մի օր՝ անձրևին..., երբ հեղեղվում էր աշխարհը, ես սերն էի բռնում՝ անձրևի կաթիլներով... ու ապրու՜մ, ու շնչու՜մ, ու սիրու՜մ
մի թողեք սերը գնա... սերը..»։
Տարբեր տարիների աշխարհի, Եվրոպայի առաջնությունների չեմպիոն, 2009-ին Հայաստանի լավագույն մարզիկ ճանաչված ծանրամարտիկ Նազիկ Ավդալյանը գրում է.
«Երկար թռիչք անելու համար հաճախ կարիք է լինում երկար տրամադրվել, նույնիսկ մի քանի քայլ հետ գնալ։ Մի ընկճվեք տևական դադարներից ձեր նպատակին ձգտելու ճանապարհի»։
Լրագրող, մոդել Անի Քոչարի սրտի վիրահատություը բարեհաջող է անցել։ Ինսթագրամի սթորի բաժնում Անին բոլոր սրտացավ մարդկանց ու անհանգստացողներին հայտնել է՝ ամեն բան կարգին է։
«Շուտով կակտիվանամ ու ամեն բան կպատմեմ, Տերը օրհնի իմ սրտաբաններին»,-նշել է նա։
Ավելի վաղ հարցազրույցներից մեկում նա ասել էր, որ սրտի լուրջ խնդիր ունի, հնարավոր է հետագայում նաև սրտի փոխպատվաստման կարիք լինի։
«Չգիտեմ, թե ինչու է ճակատագիրն ամեն անգամ նման դաժան խաղ խաղում ինձ հետ ու պատմությունը կրկնվում է արդեն որերորդ անգամ։ Բայց ստացվում է այնպես, որ ես հայտնվում եմ հիվանդանոցում այն ժամանակ ու այն փուլում, որ կյանքին վտանգ է սպառնում»,-ասել էր Անի Քոչարը։
Զրույցի ընթացքում նա մանրամասնել է՝ իր մոտ օնկոլոգիական խնդիրը չէ, որ կրկնվել է։
«Չգիտեմ, թե որն է չարյաց փոքրագույնը և որն է ավելի դաժան ախտորոշում։ Լավ է, որ օնկոլոգիական խնդիրըչէ, ես կարող եմ իմ ընտանիքի ու բալիկերի կողքին շարունակել բուժումները տանից, կրկին շատ երկար ու դժվարին ճանապարհ է սպասվում։ Բայց իմ հույսը կրկին ու կրկին տերն է, ես իհարկե վստահում եմ բժիշկներին»,-ասում է նա։
Հայտնի դերասան Ջորջ Քլունին և կինը՝ Ամալ Քլունին, դարձել են Վենետիկի կինոփառատոնի ամենաոճային զույգը։ Նրանք հայտնվել է կարմիր գորգի վրա «Միայնակ գայլեր» ֆիլմի պրեմիերային։ 63-ամյա հոլիվուդյան դերասանը դասական սև կոստյումով է։ Վենետիկի կինոփառատոնի համար Ամալ Քլունին ընտրել է կիտրոնի գույնի շքեղ զգեստ՝ զարդարված սպիտակ ժանյակով։
Համացանցում զույգն արդեն ճանաչվել է փառատոնի ամենաշլացուցիչ ու ոճային զույգը։ Շոուների միջև ընդմիջումների ժամանակ Քլունիները զբոսնել են Վենետիկում։ Այս տարի նրանք նշում են ամուսնության տասնամյակը։ Երկրպագուները վստահ են, որ ժամանակի ընթացքում դերասանն ու իր ընտրյալը միայն ավելի երջանիկ ու սիրահարված են։
.JPG)
.JPG)
Երգչուհի Անահիտ Սիմոնյանը որդու՝ Արմանի հետ մեկնել է այլ երկիր։
«Ինսթագրամի» սթորի բաժնում հրապարակված կարճ տեսանյութերից կարելի է ենթադրել, որ նա մեկնում է մշական բնակության։
Ընկերներից մեկն այլ երկրում Անահիտին նոր ու գեղեցիկ կյանք կառուցելու մաղթանք է հղել։
«Լացակումած Անահիտին ճանապարհում ենք»,-տեսանյութում նշում է նա։
Ավելի վաղ երգչուհին հրապարակել էր որդու նկարն ու մասնավորապես գրել. «Մեզ սպասվում է ամենագեղեցիկ ու հեքիաթային կյանքը, խոստանում եմ քեզ»։
Երգիչ Անդրեն նոր սիրառատ լուսանկարներ է հրապարակել կնոջ՝ Անիի հետ ու դրանց կից գրել.
««Սերը համբերող է,քաղցրաբարո է. Սերը չի նախանձում, չի ամբարտավանում, չի գոռոզանում, անվայել վարմունք չի ունենում,իրենը չի փնտրում, բարկությաբ չի գրգռում, չար բան չի խորհում, անիրավության վրա չի ուրախանում,այլ ուրախանում է ճշմարտության վրա.Ամեն բանի դիմանում,ամեն բանի հավատում է,մշտապես հույս է տածում, ամեն բանի համբերում»(Ա Կորնթացիս 13:4-7)։
Սերը չի վերջանում»։
.jpg)
«Hayat Project»-ը նոր երգ ու տեսահոլովակ է ներկայացրել նվիրված Արցախին: «Ես քո Արցախն եմ, դու իմ Հայաստանը» տեսահոլովակի ռեժիսորն է Արա Ղազարյանը, երաժշտության հեղինակը «Hayat Project»-ն է:
Լրագրող, «Հանձնվել չկա» և «Կյանքը 2-րդ փորձից» գրքերի հեղինակ Անի Քոչարը գրել է.
«Ինձ համար, խոշոր հաշվով, էական չէ, թե տարվա, որ եղանակն է, ինչ ամիս է, կարևորը, որ կա կյանքը և դրա ամեն օրն ինձ համար շնորհ է: Աստծո պարգև է շարունակել վայելել իմ հրաշքների ներկայությունը:
Մնաս բարով 2024-ի ամառ:
Պատրաստվում եմ սրտի 1-ին վիրահատությանը և մինչ դա մի բան եմ ցանկանում կրկնել՝ Տերը իրեն հուսացողին ամոթով չի՛ թողնում և Աստված չի՛ պատժում: Նրա շնորհներն այնքան առատ են իմ կյանքում (երկու երեխաներս վարձքս են Բարձրյալից):
Հ.Գ. առողջական խնդիրների ճնշող մեծամասնությունը սթրեսից ու ապրումներից է. դա Աստծո պատիժ չէ, այլ հերթական մի փորձություն, որը պետք է անցնել առանց չարանալու»։
Տեսանյութեր
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան
