Ձեր վստահելի աղբյուրը

Ծանրամարտի աշխարհի չեմպիոն Նազիկ Ավդալյանը գրում է․

«Հաջողության հասնելու ամենակարևոր պայմաններից մեկը՝ հարգանքը այն գործիքի նկատմամբ, որով աշխատում ենք, որի միջոցով կերտում ենք մեր ճանապարհը։ Այն հզոր անդրադարձ էներգիա ունի, հատկապես՝ կյանքի ամենավճռական պահին»։

Հայաստանի վաստակավոր նկարիչ Աշոտ Համբարձումյանը, որ կյանքից վաղաժամ հեռացած սիրված դերասանուհի Լալա Մնացակայնաի ամուսինն է, պատմել է, թե ինչպես ստեղված «Իմ սիրտը Ձերն է» ներկայացումը։

«Հինգշաբթին ինձ համար տարիներ շարունակ եղել է ընկերներիս հետ հանդիպման օր․․․

․․․ԻՄ ՍԻՐՏԸ ՁԵՐՆ Է․․․

Մտա արվեստանոց, որ Լալային ինստիտուտ տանեմ: Հ1-ով «Ճանապարհ դեպի կրկես»-ն էին ցույց տալիս, պարանով էտյուդն էր էկրանին:

- Աշ ջան, անջատիր գնանք, դասից ուշանում եմ։
- Լալա, արի, մի հատ նայիր, էս Ենգիբարյանը մեկին-մեկ դու ես, արի մի բան նկարենք:
- Դրա ժամանակը չէ, գնացինք։
Ճանապարհին երկուսս էլ լուռ էինք, բայց երևում էր՝ էս միտքը երկուսիս էլ հանգիստ չէր տալիս։ Երեկոյան, դասից հետո երբ նստեց մեքենան, ես միանգամից սկսեցի.
- Արի Ենգիբարյանի մանրապատումները նկարենք, դու ռադիոյով կարդացել ես։
- Հոգնած, վրես հալ չկա, 5 ժամ հաչացել եմ, գնանք խելքի գամ՝ հետո, սովից կաղկանձում եմ։
Մտանք տուն՝ ամեն ինչ փոխվեց։
- Արդեն ուզում ես քնե՞լ:
- Ակնարկդ հասկացա:
- Ճիշտ չհասկացար, էսօր ի՞նչ էիր ասում, ի՞նչ նկարենք:
- Ենգիբարյանի մանրապատումները:
- Կարելի ա, գիտե՞ս, բայց ո՞նց:
- Որ ուզենանք՝ ոնցը կհայտնվի․․․
- Վաղը դասից հետո գնալու եմ մեր դասարանի Սուսոյի մոտ, աղջիկներով հանդիպում ենք, Մանեին դասից որ վերցնես, արի ինձ էլ վերցրու՝ տուն գանք։
Երբ Սուսանենց Այգեձորի տունը քողարկող գույնզգույն, կիսաժանգոտ, թիթեղե ավտոտնակների նեղ արանքից աղմուկով ու կչկչոցով, շարք կանգնած երևաց ջոկատը՝  Լալան, Սուսանը ու Նինան, ես հասկացա՝ Ենգիբարյան վիրուսը տարածվել էր։ Լալայի ոգևորությունը չթողեց, որ բան հարցնեմ։
- Սուսանը կգրի բառերը, Նինան՝ երաժշտությունը, մնում է մնացածը՝ գործիքավորումը, ձայնագրումը ու նկարահանումը։ Ընկերները որ խառնվում են գործին, անհնարինը դառնում է հնարավոր։

Լալան որ ոգևորվում էր, էլ կանգնել չկար։ Մյուս օրը արվեստանոց եկավ մեր ԸՆԿԵՐ Ստեփանը Շահինյանը։ Հենց իմացավ կլիպի մասին, Լալայի հետ անցան պլաստիկայի, շարժման փորձերին, իսկ մեր մյուս ԸՆԿԵՐ Հրանտը Վարդանյան սկսեց այդ պլաստիկան վերածել կադրերի ու վերջին շտկումներն անել։

Սուսաննան ու Նինան բերեցին բառերն ու երաժշտությունը, ոգևորությունը սահման չուներ, հարկավոր էր գումար ճարել գործիքավորման համար։ Մեր ԸՆԿԵՐԸ՝ Լալայի համադասարանցի Դավիթ Սարգսյանը, ամբողջ օլիգարխ շրջապատը իրար խառնեց։ Մի քանի օր հետո այդ հարցը լուծվեց Դավթի քավորությամբ: Գործիքավորումն էլ չուշացավ։ Երկու օրվա գիշեր-ցերեկ վոկալի փորձերից հետո Լալան ձայնագրեց երգը։ Մոտենում էր Ենգիբարյանի ծննդյան օրը, հարկավոր էր հասցնել։ Նկարահանումն ու հեռարձակումը հանձն առավ Հայկական 2-րդ հեռուստալիքը մեր լավ ԸՆԿԵՐՈՋ՝ Կարեն Հակոբյանի գլխավորությամբ։ Մնում էր ես պայմանավորվեի մեր ավագ ԸՆԿԵՐՈՋ՝ կրկեսի գլխավոր ռեժիսոր Սոս Պետրոսյանի հետ: Նա այնքան արագ ամեն ինչ կազմակերպեց, որ երբ մեր ԸՆԿԵՐՈՋ՝ կլիպի ռեժիսոր Վարդան Պետրոսյանի հետ գնացինք նկարահանման վայրերը նայելու, կրկեսի Ենգիբարյանի անվան ստուդիայի սաները արդեն փորձեր էին անում։ Այ թե ինչ է նշանակում, երբ ընկեր համախոհները միանում են մի նպատակի համար։



Նկարահանման օրը ընտանիքով գնացինք կրկես։ Լալան Մանեի հետ ավտոյում ինձ ստիպեցին, որ հետ գնամ, փոխեմ հագուստս, կարմիր հագնեմ: Ինչքան էլ դեմ էի, բայց ուզում էր, որ ես ու Մանեն էլ նկարվենք։ Երբ տան դուռը փակում էի նկատեցի, որ կեղծամը մոռացել է, վերցրեցի, դրեցի ծոցս և շտապեցի նստել մեքենան։ Կրկեսում ամեն ինչ իր տեղում էր, տեսախցիկները, լուսավորությունը, մնում էր՝ Լալան փոխեր հագուստը, և սկսեինք։ Գրիմանոցում Լալան հանկարծ նկատեց, որ կեղծամը չի վերցրել:

- Աշ ջան, պիտի փրկես, թռիր բեր, կեղծամը մնաց միջանցքի հեռախոսի մոտ։
- Թքիր գետնին, մինչև չորանա՝ գալիս եմ։
Ես դուրս եկա ու արագ, հևիհև ներս եկա, ծոցիցս հանեցի կեղծամը, մեկնեցի Լալային. «Մեր ԸՆԿԵՐԸ՝ ես, փրկեցի նկարահանումը»։
Սկզբում ուզեց բարկանալ, հետո երկուսով ծիծաղեցինք։ Ես ու Մանեն գնացինք՝ Լալային թողելով, որ կենտրոնանա։ Նստեցինք հանդիսատեսի մեր տեղը, մեր կողքին պիտի նստեր Լալայի փոքր տարիքը մարմնավորող հերոսուհին։ Նկարահանումը հրաշալի անցավ։ Լալան ընդհարապես նկարվում էր մեկ դուբլով, ծայրահեղ դեպքում՝ երկու, տեխնիկայի համար։ Երկու օր հետո, երբ կլիպը մոտնաժված էր, մենք նոր հասկացանք որ ԸՆԿԵՐՆԵՐՈՎ ամենաանհնարինը դառնում է հնարավոր։

Մարտի 15-ին՝ հանճարեղ Լեոնիդ Ենգիբարյանի ծննդյան օրը, Հայկական 2-րդ հեռուստալիքը մեզ հետ միասին նշեց պրեմիերայով։

Ձեր ԸՆԿԵՐ  Աշոտ  Համբարձումյան  15․ 03․ 2024թ․»։

 

«Մեդալի հակառակ կողմը» ֆիլմի Գյումրիում լավ ընդունելության է արժանացել։ Այս առիթով ֆիլմի ռեժիսոր, գլխավոր դերակատար Աննա Հարությունյանն ինսթագրամի իր էջում գրել է.

«Ես Տավուշցի եմ, բայց ամբողջ սրտով ասում եմ .- «Գյումրի ես քեզի սիրեմ գը, հարազատս»:

Երեկ Հայաստանի Հանրապետության թերևս ամենախստապահանջ, բայց և ամենաջերմ հանդիսատեսի դատին հանձնեցինք ֆիլմը՝ Գյումրվա հանդիսատեսին: Չեմպիոներ տված ժողովրդի, որի ոգին անսպառ է, կամքը՝ անկոտրում:

Ֆիլմը ընդունեցին, նշանակում է վերջին քննությունը տրված է»։

Տավուշի մարզից լրագրող Ոսկան Սարգսյանը գրում է․

««Դիլիջան» ազգային պարկից հայտնում են, որ տևական ժամանակ լարված են ազգային պարկի տնօրեն, Դիլիջանի քաղաքապետի տեղակալ Արման Բազինյանի ընկեր, դասընկեր Ռոբերտ Ալիխանյանի և  ազգային պարկի տնօրենի օգնական, Նիկոլ Փաշինյանի քեռու տղա Մամիկոն Հովհաննիսյանի հարաբերությունները։ Վերջինս ժամանակին Նիկոլ Փաշինյանի մոտ բարեխոսել է, որպեսզի Ռոբերտ Ալիխանյանին նշանակեն ազգային պարկի տնօրեն ու հիմա նրան ասում է՝ ես եմ քեզ պաշտոնի նշանակել, ես էլ քեզ կհանեմ։   Ազգային պարկից մեր աղբյուրը, որը չցանկացավ, որ իր  անունը հրապարակվի, հայտնեց, որ  սեպետեմբերի 10-ին  ազգային պարկի տարածքում վիճաբանություն է  եղել, Ռոբերտ Ալիխանյանի հարազատը, որը ազգային պարկի աշխատող է,  վիճաբանել  է Մամիկոն Հովհաննիսյանի հետ, որի ընթացքում գործի է դրել ինքնաշեն ատրճանակ, մի անգամ կրակել է Մամիկոնի  ոտքերի տակ մի քանի անգամ ՝այլ ուղղությամբ ու դրանից հետո  սպառնացել Մամիկոնին, որ  նա ոստիկաններին  չհայտնի, ասելով՝ ով   ասի,  բ․․․է, իր տղաները՝ բ․․-ի տղաներ։

Ոստիկանությունում քրեական գործ չի հարուցվել։   Ազգային պարկում ասում են, որ  քրեական գործը հարուցվելու  դեպքում այն  կփակեր Նիկոլ Փաշինյանի  հարսանիքի քավոր, Տավուշի մարզպետ Հայկ Ղալումյանը,ով հովանավորում է Ռոբերտ Ալիխանյանին։

Դիլիջանի ազգային պարկի մեր աղբյուրը հայտնեց է, որ երեկ՝ սեպտեմբերի  11-ին Մամիկոն Հովհաննիսյանի վրա կրակածը ազգային պարկ, աշխատանքի է ներկայացել, իսկ Մամիկոն Հովհաննիսյանը գտնվելով խիստ  շփոթված, վախեցած վիճակում՝ արձակուրդ է վերցրել։ Այսօր՝ սեպտեմբերի 12-ին զանգահարեցի Դիլիջանի ազգային պարկի տնօրեն Ռոբերտ Ալիխանյանին։ Նա ժխտեց, որ կրակել են Մամիկոն Հովհանիսյանի վրա,  ասաց, որ նման դեպք չի եղել, հայտնեց, որ իր և Մամիկոնի հարաբերությունները նորմալ, աշխատանքային հարաբերություներ են, Մամիկոնն էլ վերցրել է իր հերթական արձակուրդը։

Նիկոլ Փաշինյանը 2019-ի գարնանը ֆեյսբուքյան իր էջում գրել է. «Չեմ ուզում մազոխիստի տպավորություն թողնել, բայց ուզում եմ տեղեկացնել, որ իմ անմիջական ցուցումով քրեական գործ է հարուցվել իմ մի մերձավոր ազգականի թույլ տված ենթադրյալ չարաշահման փաստի առիթով: Կասկած չկա, որ գործը լիարժեք կքննվի և մեղավորները կենթարկվեն օրենքով նախատեսված պատասխանատվության: Սա նոր Հայաստան է, եւ վարչապետի որեւէ մերձավոր չի կարող վեր լինել օրենքից կամ լինել արտոնյալ»: Նիկոլ Փաշինյանն այդ գրառումը կատարել է իր քեռու տղայի՝ Տավուշի մարզի Հաղարծին գյուղի բնակիչ Մամիկոն Հովհաննիսյանի մասին։ 2019թ. ապրիլի 11-ին ՀՀ քննչական կոմիտեի վարույթ է ընդունվել ինստիտուտի դիպլոմն առերևույթ կեղծելու դեպքի առթիվ ԱԱԾ-ում հարուցված քրեական գործը։

ՀՀ բնապահպանության նախարարության «Դիլիջան» ազգային պարկ «ՊՈԱԿ-ի ինժեները, 2019թ. փետրվար ամսին կադրերի բաժին ներկայացնելով Հայկական գյուղատնտեսական ինստիտուտը 1993թ. «գյուղատնտեսության մեքենայացում» մասնագիտությամբ ավարտելու և ինժեներ-մեխանիկի որակավորում ստանալու մասին դիպլոմի պատճեն, նշանակվել է հիշյալ կազմակերպությունում բաժնի պետ-տնօրենի տեղակալի պաշտոնում: Քննությամբ տվյալներ են ձեռք բերվել՝ ՊՈԱԿ-ի ինժեների կողմից կադրերի բաժին ներկայացված դիպլոմի՝ առերևույթ կեղծված լինելու մասին:  2019թ․ հունիսի 6-ին Տավուշի մարզի առաջին ատյանի դատարանի դատավոր Զոյա Զաքինյանը վճռել է Մամիկոն Նապոլեոնի Հովհաննիսյանին մեղավոր ճանաչել ՀՀ քրեական օրենսգրքի 325 հոդվածի 1-ին մասով և նրան դատապարտել 200 հազար դրամի չափով տուգանքի:

Սակայն  Նիկոլ Փաշինյանի քեռու տղային «Դիլիջան» ազգային պարկում նորից են պաշտոն տվել։ Մամիկոն Հովհաննիսյանը 2022 թվականի հունիսի 8-ից ՊՈԱԿ-ում զբաղեցնում է տնօրենի օգնականի պաշտոնը։ Վերջինս ունի միջնակարգ կրթություն, աշխատանքի ընդունվելիս ներկայացրել է տեղեկանք այն մասին, որ սովորում է Հայաստանի եվրոպական համալսարանի Իջևանի մասնաճյուղում «Կառավարում» մասնագիտությամբ»։

Դերասան Լիաննա Վանոյանը, որ վիրահատության միջոցով նիհարել է, արձագանքել է իրեն վատ մեկնաբանություններ գրողներին՝ նրանց համեմատելով օձի հետ։

 

 

 

 

View this post on Instagram

 

 

 

 

 

 

 

 

 

 

 

A post shared by Liana Vanoyan (@vanoyan_liana)