ՀԱՄԱՑԱՆՑ
«Հրապարակ»-ի խմբագիր Արմինե Օհանյանը գրում է.
«Պատմությունն ամեն ինչ իր տեղն է դնում: Իհարկե, որոշ պատմական փաստեր տասնամյակների ընթացքում նաև խեղաթյուրվում են, բայց, մեծ հաշվով, մարդկության հիշողությունը ջնջում է անկարևորը` թողնելով կարևորը: Եվ ժամանակակիցները որքան էլ փորձեն բացասական կերպարներին ներկայացնել նաև դրական լույսի ներքո, նրանց մարդկային որակները նշել, մարդկության պատմական հիշողությունը փոխել, խմբագրել հնարավոր չէ:
Դրա համար էլ, ասենք, Ստալինի, Լենինի, Հիտլերի կերպարների մեջ դրական բան որոնելն անիմաստ գործ է: Այո, Ստալինը ժուժկալ ղեկավար է եղել, իր մերձավորներին թույլ չի տվել, որ հղփանան, պատերազմ է հաղթել, բայց նա պատմության մեջ մնացել է որպես 37 թվի հեղինակ: Չերչիլին մարդկությունը հիշելու է որպես իր երկրի մեծ հայրենասերի, ով ծանր պահին պետության ղեկը ստանձնելով, պայքարի է կոչել իր ազգին և դարձել Մեծ Բրիտանիայի հերոսը:
Ջորջ Բուշին մարդկությունը հիշելու է Իրաք ներխուժման որոշմամբ, որքան էլ փորձեն արդարացնել այդ քայլը: Պուտինը պատմության մեջ մնալու է եղբայրական ուկրաինական ժողովրդին հայտարարված եղբայրասպան պատերազմով: Զելենսկին հիշվելու է որպես Ուկրաինան կործանած ղեկավար, անկախ նրանից, թե ինչ հուսահատ պայքար է մղում` չհանձնվելով: Իլհամ Ալիևը հիշվելու է որպես հողեր նվաճած, նախկին պարտությունները սրբագրած ղեկավար:
Մեր երկրի ղեկավարներն էլ են հիշվելու նույն չափանիշով` Լևոն Տեր-Պետրոսյանը, Ռոբերտ Քոչարյանն ու Սերժ Սարգսյանը, անկախ իրենց բոլոր սխալներից, անգամ` ընտրություն կեղծելուց, պատմության մեջ մնալու են որպես հող նվաճած, հաղթած ու հաղթանակը պահած նախագահներ, իսկ Նիկոլ Փաշինյանը` երկիրը պարտության տարած, հողեր հանձնած, հայ ժողովրդին մեծ կորուստներ պատճառած վարչապետ»։
Կյանքից անժամանակ հեռացած հայտնի դերասանուհի Լալա Մնացականյանի ամուսինը՝ ՀՀ վաստակավոր նկարիչ, բեմադրիչ Աշոտ Համբարձումյանն իր ֆեյսբուքյան էջում 1984թ. գրված բանաստեղծություն է հրապարակել, որը նվիրել է սիրելի կնոջը։
«ԼԱԼԱՆ ներկա ,,․․․և գաս Դու․․․,, 1984թ․
Հրապարակի տեղեկություններով՝ օրեր առաջ Գյումրու թանկարժեք ռեստորաններից մեկում՝ «Վիկտորիա» հոլում տեղի է ունեցել Սուրեն Պապիկյանի եղբոր՝ Արթուր Պապիկյանի երեխաների մկրտության արարողությունը։
«Հիշեցնենք, որ Արթուր Պապիկյանը Գյումրու փոխքաղաքապետն էր, ով կոալիցիոն հուշագիրը չեղարկելուց հետո հանդիսանում է ավագանու անդամ։
Արարողությանը ներկա են եղել Շիրակի մարզի ՔՊ-ական համայնքապետերը և այլ պաշտոնյաներ։
Մեր տեղեկություններով, մարզպետ Մուշեղ Մուրադյանը չի մասնակցել, սակայն եղել է հրավիրյալների ցուցակում։
Քավորը եղել է Սուրեն Պապիկյանը, ով խնջույքին մասնակցել է կնոջ և դստեր հետ։
Մկրտության արարողությունը իրականացրել է Արթիկի թեմի հոգևորականներից Տեր Եղիշե քահանան, ով ոչ միայն չի մասնակցել Երևանում տեղի ունեցող Սրբազան պայքարին, այլ նաև մտերիմ հարաբերություններ ունի Շիրակի մարզպետի և ՔՊ-ական մյուս պաշտոնյաների հետ»,- գրում է կայքը։
Ֆեյսբուքյան օգտատեր Վահրամ Մարտիրոսյանը գրում է.
«Ասում եք վրացիները ինչի՞ են ֆուտբոլը այդպես լավ խաղում, նայեք այս կամուրջին։
Վրացիները նման կամուրջը կառուցել են 2 տարում և ծախսել ընդամենը 13 միլիոն դոլար։ Ցույց տվեք վերջին 6 տարում Հայաստանում կառուցված նման մասշտաբի գեթ մեկ կառույց։ Չկա՜։ Հզոր վարչապետի թիմը նույնիսկ հետիոտնի անցում չի կարողանում կառուցել։ Իսկ ինչի՞ կառուցել, երբ կարելի է նկարել, բոլոր մայրուղիների հերն անիծել ու զեբրագծեր գծել։
Հլա մի հատ նայեք սրանց Շուռնուխում կառուցման ժամանակացույցը և ծախսերի ծավալը։ Կամ Հարավ-Արևմտյան թաղամասում արդեն տասնամյակի մոտեցող մի քանի հարյուր մետրի ճանապարհաշինությունը։ Եվ այս ամենը համեմատեք Վրաստանում կառուցվող կամուրջների, թունելների ու արագընթաց ճանապարհների հետ։
Այ հիմա հասկացաք թե ինչի է վրացական ֆուտբոլը այդպես հաջողակ։ Որովհետև երկրում ամեն ինչ ածանցյալ է պետական կառավարման որակից։ Երբ պետական կառավարումը բարձր որակի է, ապա երկրում և՛ սպորտն է զարգանում, և՛ մշակույթը, և՛ գիտությունը, և՛ կամուրջներ ու պաշտպանական գծեր են կառուցվում։
Մարդը 6 տարի է վարչապետ է աշխատում, բայց տարրական մենեջմենթի գիտելիք այդպես էլ ձեռք չբերեց։ Որակի կառավարում հասկացությունը չի տարբերում վերահսկողության հասկացությունից ու կարծում է, թե անորակ դպրոցներ կառուցվելու պատճառը ոչ բավարար վերահսկողության հետևանք է»։
Հայտնի հաղորդավարուհի, դերասանուհի Նազենի Հովհաննիսյանը սոցցանցերի իր էջերում հրապարակել է հինգ կանոն, թե ինչպես գեղեցիկ ու հետաքրքիր հագնվել.
1. Եթե չգիտես որ գունային համադրությունն է սազում՝ մինիմալիստական գույներ ընտրիր, օրինակ սևն ու սպիտակը գեղեցիկ են դիտվում բոլոր դեպքերում:
2. Կոշիկն ընտրելիս անպայման քայլվածքը հաշվի առեք, այսինքն՝ հարմարությունը, որևէ տեղ գնալիս ամենաշատը կոշիկների «մեջ եք» լինելու:
3. Բացվածքով զգեստը չպետք է լինի այնպիսին, որ դուք րոպեն մեկ ուղղեք, այն պետք է մնա էլեգանտ ու ԻՐ ՏԵՂՈՒՄ նույնիսկ, երբ դուք թռթվռում ու պարում եք:
4. Կարճը լավ բան է), եթե ունես գեղեցիկ ու քեզ պինդ պահող ամուր ոտքեր)...., եթե ոչ)......առհասարակ լուծումներ կարելի գտնել միշտ!
5. Փորը բաց կամ կարճ տոպերով հագուստն իստ իս ավելի #teenage - երիտասարդ տարիքին է բնորոշ, իսկ էլեգանտ հագուստը տարիք չի ճանաչում. միշտ ներկայանալի է ( անգամ ջինսերով կարելի է լինել ու մնալ էլեգանտ)
Իրականում կետերը շատ են, ու չափազանց անհատական. մարդու տրամադրությունն է ի վերջո նրա լավագույն հագուստը:
Լուսանկարները՝ Նազենի Հովհաննիսյանի ֆեյսբուքյան էջից։
Երկրպագուներին լրջորեն անհանգստացնում է դերասանուհի Անջելինա Ջոլիի չափից ավելի նիհարությունը։ Այս մասին գրում է In Touch Weekly-ն։
kp.ru-ն նշում է, որ վերջերս «Թոնի» մրցանակաբաշխության ժամանակ շատերը նկատել են, որ Ջոլին շատ նիհար է։ Ինսայդերը նշել է, որ Անջելինան այժմ ընդամենը 44 կիլոգրամ է։ Նա ասել է, որ դերասանուհին գիտի՝ եթե բաց զգեստ հագնի, բոլորը կխոսեն իր նիհարության մասին։
«Նա ոչ այնքան ուշադրություն է պահանջում, այլ այն, որ վստահ է իր արտաքինի վրա: Էնջին սիրում է իր մարմինը և արտաքին տեսքը, և նա սիրում է այն ցուցադրել», - ասել է նա:
Բացի այդ, ինսայդերն ընդգծել է, որ դերասանուհու «պատերազմը» Բրեդ Փիթի հետ, հատկապես նրանց վեց երեխաների խնամակալության շուրջ, վնաս է հասցրել նրան: Նա նշել է, երբ Ջոլին նյարդայնանում է, չի ուտում։
Ծանր հիվանդություն ունեցող երգչուհի Սելին Դիոնը ոչ մեկի հետ չի հանդիպում։ Այս մասին հայտնում է The Sun-ը։
Նրա շրջապատից ինսայդերներից մեկը պատմել է, որ 56-ամյա Սելին Դիոնը, ով տառապում է մկանային կոշտություն հիվանդությամբ, ներկայումս հետաքրքրված չէ հարաբերություններով: Աղբյուրի համաձայն՝ փոփ երգչուհու առաջնահերթությունը ընտանիքն ու առողջությունն են, որոնք զբաղեցնում են նրա ժամանակի մեծ մասը, որին հաջորդում են բեմ վերադառնալու պլանները։
«Տղամարդը պետք է լինի աուպերմեն, որպեսզի երգչուհին նրան հնարավորություն տա և համաձայնի ժամադրության», - ավելացրել է ինսայդերը:
Գազետա.ռու-ն գրում է, որ 2022 թվականի դեկտեմբերին Սելին Դիոնի մոտ ախտորոշվել է հազվադեպ հանդիպող նյարդաբանական հիվանդություն, որը կոչվում է մկանային կոշտություն: Այն ազդում է կենտրոնական նյարդային համակարգի վրա, որն առաջացնում է անվերահսկելի, ցավոտ մկանային սպազմ: Բուժման ընթացքի պատճառով երգչուհին չեղարկել է մոտ 40 համերգ։
Սուպերմոդել և գործարար Քենդալ Ջեները թափանցիկ շրջազգեստով ու ոտաբոբիկ լուսանկարվել է Լուվրում՝ Լեոնարդո դա Վինչիի հայտնի «Մոնա Լիզա» կտավի առջև: Ռեալիթի շոուի աստղը Instagram-ում լուսանկար է հրապարակել:
28-ամյա Քենդալ Ջենները սև տոպով է՝ մեջքը բաց, որը համադրել է թափանցիկ շրջազգեստի հետ։ Սուպերմոդելն առանց կոշիկի է։ Նա լուսանկարվել է հետևից՝ հայտնի կտավը դիտելու ընթացքում։
54-ամյա Նաոմի Քեմփբելը Փարիզի Նորաձևության շաբաթվա շրջանակներում ներկայացել է Chanel-ի ցուցադրությանը։ Աստղի ելքը վրդովեցրել է նրա երկրպագուներին։ Սուպերմոդելը լրիվ այլ տեսք է ունեցել, քան սովորաբար։
«Հնարավոր է, դրա պատճառն այն է, որ փայլուն զգեստն այնքան էլ չէր համապատասխանում նրա կազմվածքին։ Այնուամենայնիվ, նրա երկրպագուները վախենում են, որ պատճառը վիրաբուժական միջամտությունն է»,- գրում է lady.mail.ru կայքը։
«Կզակի իմպլանտա՞ն, թե՞ վատ ֆոտոշոփ», «Ինչու՞ է նման մեծության աստղն այսպես փչացնում իր դեմքը», «Աստված իմ, Նաոմին առաջին անգամ սարսափելի տեսք ունի կյանքում», «Ե՞րբ նրանք բոլորը կհասկանան, որ միջամտությունները հանգեցնում են այլանդակության». այսպես են արձագանքել մոդելի երկրպագուները։
Նշվում է, որ այժմ նա գրեթե ամբողջությամբ զբաղված է իր երեխաներով։ Նաոմին առաջին անգամ մայր է դարձել 50 տարեկանում։
Ավելի վաղ սուպերմոդել Նաոմի Քեմփբելը հարցազրույց էր տվել The Times-ին, որտեղ պատմել է, որ իր երեխաները ծնվել են փոխնակ մայրության միջոցով։
.JPG)
«Հրապարակ» թերթի խմբագիր Արմինե Օհանյանը գրում է.
«Ինչո՞ւ է համեստ, ամաչկոտ, քչախոս, զուսպ մարդն արագությամբ` ուղղակի մի քանի տարում կատաղում, հաբրգում, լկտիանում, դառնում ամբարտավան ու անպատկառ: Այո, ճիշտ եք` նման արագությամբ միայն մի բան կարող է մարդուն փչացնել` բարձր պաշտոնը:
Նա արագ մոռանում է, թե ով է ինքը, որտեղից է եկել, ում շնորհիվ է հասել այդ «բարձունքին», և սկսում է «վերևից նայել» մարդկությանը: Դրա համար, իհարկե, ե՛ւ օբյեկտիվ պատճառներ կան, ե՛ւ սուբյեկտիվ: Օբյեկտիվն այն է, որ շրջապատը սկսում է ինտենսիվ փչացնել նրան` քծնել ու երկտակվել: Նա սկսում է տեսնել մարդկության բոլոր արատները, թե ինչ ստորությունների են պատրաստ մարդիկ` հանուն փողի ու պաշտոնի:
Տեսնում է, թե ինչպես են իրենց մեծարում և հնազանդվում իրենցից շատ ավելի արժանավոր` գիտելիքներ ու փորձ ունեցող մարդիկ, որոնք երբեմն նաև պատրաստ են նվաստանալ պաշտոն զբաղեցնող անձանց առաջ: Բայց մեծ դեր է խաղում նաև այն, որ անցյալում վատ ապրած, հալածված ու չարքաշ կյանքով ապրած այդ անձանց ձեռքում հզոր լծակներ են հայտնվել, փող աշխատելու անհաշիվ հնարավորություններ:
Առհասարակ` գայթակղություններին դիմանալը հեշտ բան չէ․ դրա համար մարդը պետք է լավ դաստիարակություն ստացած լինի, բարոյական արժեքներ դավանի, իր հեղինակությունը նյութական արժեքներից բարձր դասի, գոնե` աստվածավախ լինի: Իսկ փողոցից կաբինետներում հանկարծ հայտնված, փողի համն առած այս մարդկանց մեծ մասը նշածս որակները չունի:
Եվ մեր աչքի առաջ այդ մարդիկ, որոնք այլ պայմաններում կարող էին ոչ վատ քաղաքացիներ լինել` օրինավոր ու պարկեշտ, կարող էին քաղհասարակություն լինել և զսպաշապիկի դեր խաղալ իշխանության ներկայացուցիչների համար, լույսի արագությամբ սկսեցին փչանալ` հարստանալ, հաբրգել, բարոյազրկվել, հայրենիքը որպես տարածք դիտել»։
Տեսանյութեր
Արցախցի գրող Հերմինե Ավագյան. Կարոտում եմ իմ ծննդավայրի փոշոտ ու ցեխոտ փողոցները
