ՀԱՄԱՑԱՆՑ
Հաղորդավարուհի, մոդել Նազենի Հովհաննիսյանը հանգիստն անցկացնում է ծովափնյա Կիպրոսում։ Ինչպես երևում է նրա հրապարակումներից, ամենևին էլ գոհ չէ այդ երկրում մատուցվող ծառայություններից։
«Կիպրոսում առաջին անգամ եմ ու շատ կարճ. սքանչելի ծովով աշխարհի վատագույն սերվիսն է դեռ։ Տաքսիստների մասին կլռեմ... դաստիարակությունից ելնելով»,-գրել է նա սթորի բաժնում։
«Շատ շուտով հասնելի կլինի մի պատմություն, որը ստեղծվել է ձեզ համար»։ Ինսթագրամի իր էջում նման անոնս է հրապարակել երգչուհի Իվետա Մուկուչյանը։
Նա փակագծեր չի բացել, սակայն կարելի է ենթադրել խոսքը նոր տեսահոլովակի մասին է։
Երկրորդ զավակին լույս աշխարհ բերելուց օրեր անց հայտնի երգիչ Գուրգեն Դաբաղյանի կինը՝ Իննան մասնակցել է հարսանեկան խնջույքի։ Ընթացքից նա ակտից լուսանկարներ ու տեսանյութեր էր հրապարակել։
Ինչպես երևում է, Իննայի կազմվածքը հղիության ու ծննդաբերության արդյունքում շատ չի փոխվել։ Երգչի կինը հասցրել է նաև ապաքինվել ու լավ տեսք ունի։
.jpeg)
Հիշեցնենք, որ Դաբաղյանները որդի էին ունեցել, նրան անվանակոչել են Լևոն պապիկի անունով։
Ռեփեր Քանյե Ուեսթին նկատել են կնոջ՝ Բիանկա Սենսորիի հետ, երբ զույգը գնումներ է կատարել Տոկիոյի առևտրի կենտրոններից մեկում։
Գազետա.ռու-ն գրում է, որ Քանյե Ուեսթն ու կինը հայտնվել են մամուլի էջերում՝ իրենց ամուսնալուծության մասին լուրերի վերաբերյալ հրապարակումների հաջորդ օրը։ Լուսանկարներից մեկում երևում է, որ զույգը ձեռք-ձեռքի տված, քայլում է առևտրի կենտրոնով:
Նախօրեին TMZ-ը, վկայակոչելով աղբյուրներ, գրել էր, որ Ուեսթն ու Սենսորին ամուսնալուծության եզրին են։ Ինսայդերները պատմել են, որ զույգը մի քանի շաբաթ առաջ իրենց շրջապատում ասել է՝ բաժանվել են, իսկ Սենսորին գնացել է Ավստրալիա իր ընտանիքի հետ ժամանակ անցկացնելու: Աղբյուրները հայտնել են նաև, որ ռեփերը ծրագրել է ամուսնալուծվել և տեղափոխվել Տոկիո։
Մինչ այս մեկ անգամ չէ, որ Ուեսթին նկատել էին միայնակ։ TMZ-ն ընդգծել է, որ վերջերս երաժշտին հաճախ են տեսնում առանց կնոջ, թեև նրանք սովորաբար միասին են հայտնվում հանրության առաջ։
Ամերիկաբնակ երաժիշտ, ռաբիս երգիչ Տիգրան Ժամկոչյանը 27 տարվա ընդմիջումից հետո Հայաստանում հանդես կգա մի քանի համերգով:
Առաջին համերգը տեղի կունենա հոկտեմբերի 11-ին Գյումրիում: Արտիստը ելույթ կունենա Գյումրու մարզամշակութային կենտրոնում, հոկտեմբերի 15-ին երաժիշտը հանդես կգա Վանաձորի Հովհաննես Աբելյանի անվան պետական դրամատիկական թատրոնում, հոկտեմբերի 18-ին՝ Երևանում՝ «Կամի քլաբ»-ում: Ժամկոչյանի երևանյան ավելի լայնամաշտաբ համերգը տեղի կունենա հոկտեմբերի 20-ին Կարեն Դեմիրճյանի անվան մարզահամերգային համալիրում:
Կազմակերպիչների փոխանցմամբ, նա համերգներով կներկայանա ոչ միայն Երևանում, այլև մարզերում: Համերգային երեկոներին կհնչեն երգչի «Դու մի հեռանա», «Հեռու ես ինձանից», «Հետդ կգամ» և մի շարք այլ սիրված երգեր՝ բարձրակարգ երաժիշտների նվագակցությամբ:
Տիգրան Ժամկոչյանը խոստովանում է՝ կարոտել է Հայաստանի երկրպագուներին:
Հայտնի երգիչ Գուրգեն Դաբաղյանի կինը՝ Իննան լույս աշխարհել է բերել իրենց երկրորդ զավակին։ Որդուն նրանք անվանակոչել են Լևոն։
«Բարի Գալուստ մեր հրաշք տղա։ Լևոն Գուրգենի Դաբաղյան»,-ինսթագրամի իր էջում հրապարակած լուսանկարներին կից գրել է Իննա Դաբաղյանը։
.jpg)
Երգիչ Անդրեն ջերմորեն շնորհավորել է իր մայրիկի ծննդյան տարեդարձն ու սոցիալական ցանցերի իր էջերում հրապարակելով «Մամա» երգի տեսահոլովակի իր տարբերակը. Նշենք, որ երգի բառերի հեղինակը Ավետ Բարսեղյանն է։
«Մամ ջան Ծնունդդ Շնորհավոր
Իմ Սուրբ էակ ապրիր երկար,
Կաղոթեմ միշտ Քեզ համար։
Աշխարհում իմ աշխարհ,
Իմ հոգու դեղ ու ճար Մամա...
Իմ բարի, իմ անուշ,
Իմ հավերժ արշալույս Մամա...
Ինձ համար Դու միշտ թանկ,
Իմ միակ ու իմ կյանք Մամա...
Օր օրի ավելի եմ սիրում, Քեզ պաշտում Մամա»։
Երգիչ Հայկոյի նախկին կինը՝ երգչուհի Անահիտ Սիմոնյանը տեղափոխվել է ապրելու ԱՄՆ-ում։ Ինսթագրամի իր էջում մանրամասնել է, որ վաճառել է Հայաստանում գտնվող իր բիզնեսներն ու որդու հետ ապրելու է այնտեղ։ Արմանն արդեն դպրոց է գնում, ընկերներներ ունի։
«Ամեն մարդու կյանք ու ճակատագիր որոշակի առումով իր ձեռքերում է։ Ես համարում եմ, որ ես եմ իմ ու իմ երեխայի նավի նավապետը, համարում եմ՝ այս պահին այսպես է ճիշտ՝ իր ապագայի մասին մտածելով, մեր ապագայի մասին մտածելով։ Որպեսզի ուրիշ տեղերից տարբեր հեքիաթներ չլսեք, ես ինքս ձեզ ամեն ինչ կպատմեմ»,-ասում է Անահիտ Սիմոնյանը։
Սուպերմոդել Ջիջի Հադիդը սադրիչ տեսքով պոդիում է դուրս եկել։ Լուսանկարները հրապարակվել են Page Six կայքում։
Գազետա.ռու-ն գրում է, որ Ջիջի Հադիդը մասնակցել է Vetements-ի ցուցադրությանը, որը կայացել է սեպտեմբերի 27-ին Փարիզի նորաձևության շաբաթվա շրջանակներում։ 29-ամյա սուպերմոդելը պոդիումով քայլել է դեղին DHL ինքնակպչունով մինի զգեստով։ Նա բարձրակրունկներով է, որոնք նույնպես պատված են եղել ինքնակպչունով։ Դիմահարդարները Ջիջի Հադիդին բնական ոճով դիմահարդարում են արել։
Սեպտեմբերի սկզբին պապարացիները սուպերմոդելին լուսանկարել էին հոլիվուդյան դերասան Բրեդլի Կուպերի հետ հանգստանալիս։ Նրանք Իտալիայում ժամանակ են անցկացրել զբոսանավում։ Լուսանկարիչներին հաջողվել է լուսանկարահանել նրանց գրկախառնված։
Ամենայն Հայոց Կաթողիկոսի ձեռամբ երեկ օծվել է Մայր Տաճարի Ավագ Խորանի Սուրբ Սեղանը և մատուցվել Հայրապետական Սուրբ Պատարագ։
Տաճարի վերաօծման և Պատարագի սրբազան արարողությանը ներկա են եղել իշխանության ներկայացուցիչներն իրենց կանանց հետ։ Ի՞նչ տեսքով են պաշտոնյաների կանայք ներկայացել Մայր տաճարի վերաօծման արարողությանը։
Panorama.am-ը ներկայացնում է լուսանկարներ։
.jpg)
(21).jpg)
Արարողության ընթացքում պարգևատրվել են Տեր և Տիկին Վաչե և Թամար Մանուկյաները, Տեր և Տիկին Սամվել և Էթերի Կարապետյաները, Տեր և Տիկին Պերճ և Վերա Սեդրակյանները, Տեր և Տիկին Էրիկ և Միլանա Իսրայելյանները, Տիկին Էլզա Տիտիզյանը, Տեր և Տիկին Նուբար և Աննա Աֆեյանները, Տեր և Տիկին Նվեր և Ելենա Մխիթարյանները, Տիկին Անահիտ Յակուբյանը, Տեր և Տիկին Հրաչ և Սյուզըն Թուֆայաները։
Մայիսի 28-ին տեղի ունեցած Սրբալույս Մյուռոնի օրհնությանն ամուսնու՝ ԱԺ պատգամավոր Լևոն Քոչարյանի հետ ներկա է եղել նաև երգչուհի Սիրուշոն։
Տեսանյութեր
ՈւՂԻՂ. Սրբազան պայքարի հավաքը Գլխավոր դատախազության շենքի մոտ
