Ադրբեջանի կիսագաղութային կախվածության, «British Petrolium»-ի կապիտալի ու Ադրբեջանի` պատերազմի չգնալու մասին
«Այն, որ անձը սպանվել է և տրվել է եզրակացություն, թե մահը վրա է հասել սրտի սուր անբավարարվածության պատճառով, նման եզրակացություններ տրվում էին 1980-ականների վերջում և 1990-ականների սկզբում բոլոր այն դեպքերին, որոնք խոշտանգումների հետևանքով մահ էին առաջացնում: Դա բավականին տարածված էր և բոլորը գիտեին, որ այդ մահերը խոշտանգումների արդյունք են ու ոչ միայն ֆիզիկական, այլ որպես կանոն ավելի սարսափելի հոգեբանական ճնշումների և վախերի ներքո»,- լրագրողների հետ հանդիպմանն այսօր ասաց «Ընդդեմ իրավական կամայականության» հասարակական կազմակերպության գործադիր տնօրեն Լարիսա Ալավերդյանը:
«Դա ապացուցում է նաև այն, որ այդ 31-ամյա Կարեն Պետրոսյանը եղել է առողջ, որևէ խնդիր չի ունեցել սրտի հետ: Եվ վերջապես`անկախ պետության նախագահին ոչ հարիր արտահայտություն է արվել, որն իրեն թույլ է տվել Իլհամ Ալիևը, թե, այո, կարող է նա վախեցել է և մահացել է...այդ ի՞նչ պետք է դուք անեիք, այդ ի՞նչ պետք է տեղի ունենար, որ անձը վախից մահանար»,- նշեց Լ.Ալավերդյանը:
Անդրադառնալով ադրբեջանական կողմից իրականացված դիվերսիաներին, տիկին Ալավերդյանը նշեց երկու հանգամանք, որոնց, իր խոսքով, քիչ են անդրադառնում լրատվամիջոցները, ինչպես նաև փորձագետները.
«Նախևառաջ ուշադրություն դարձրեք, որ այդ սրացման պահին խնդրին անդրադարձել է Մեծ Բրիտանիան` պաշտոնապես հայտնելով իր անհանգստությունը: Սա շատ հերաքրքրաշարժ է և առնվազն մեզ բոլորիս պետք է հուշի, թե ինչն է դրա պատճառը»,- ասաց բանախոսը:
Նա պարզաբանեց. «Հայտնի է, որ Ադրբեջանը, պարծենալով իր անկախությամբ, իրականում գրեթե կիսագաղութային կախվածության մեջ է գտնվում «British Petrolium»-ից, իսկ վերջինս Մեծ Բրիտանիայի քաղաքականության կարևորագույն դերակատարողներից մեկն է»:
«Եվ ահա այսքան տարիների ընթացքում, տարատեսակ հակամարտությունների ժամանակ Մեծ Բրիտանիան գրեթե չի արձագանքել: Մասնավորապես չի արձագանքել, որովհետև նաև որևէ միջնորդ կազմակերպության, կառույցի կամ առաքելության մեջ ընդգրկված չէ: Բայց նա ընդգրկված չէ նաև Արցախյան հակամարտության հետ կապված որևէ միջնորդության մեջ, այնպես որ իր արձագանքը պետք է հստակ հասկանանք այնպես, որ Բրիտանիան անհանգստացած է իր նավթային շահերի համար և ահա Մեծ Բրիտանիան է, որ ամենազսպող ուժն է Ադրբեջանի կողմից լայնածավալ պատերազմի դեմ»,- նշեց նա` շեշտելով, որ լայնածավալ պատերազմի հավանականության մասին խոսակցությունները լսելիս բոլորն էլ հասկանում են, որ Ադրբեջանը, ուր կուտակված է օտարերկրյա խոշորագույն կապիտալ, դրան չի գնա:
«Առնվազն մինչև Մեծ Բրիտանիան և ԱՄՆ-ն իրենք չգտնեն այդ հարցի լուծումը»:
Հարակից`
Ն.Զոհրաբյանը եվրոպացի պաշտոնյաներից պահանջում է հստակ գնահատական և պատժամիջոցներ Ադրբեջանի հանդեպ
«Բարևեցի ձեռքով, թևը ոլորեցի` բան չկար մոտը». Կարեն Պետրոսյանին դիմավորած ադրբեջանցի
ՊՆ խոսնակ. «Հայ գերու սպանությամբ Ադրբեջանը փորձում է հաղթահարել սեփական բարդույթները». Մեդիամաքս
Ադրբեջանում հայ գերու մահվան դեպքի հանգամանքները ԿԽՄԿ-ն հանրային հարթակում չի մեկնաբանի
Գերության մեջ սպանված Կարեն Պետրոսյանը թակել էր Աղբուլաղ գյուղի տներից մեկը և տանտիրուհուց թեյ էր խնդրել
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
