Ձեր վստահելի աղբյուրը

Ապրիլի 24-ին Հայոց ցեղասպանության 100-ամյա տարելիցին ընդառաջ, տեսնելով թե ինչպիսի պահվածք է դրսևորում Թուրքիան, նախագահ Սերժ Սարգսյանի այս որոշումը շատ ժամանակին էր և տեղին: «Panorama.am»-ի թղթակցի հետ զրույցում նման համոզմունք հայտնեց ԱԺ ՀՀԿ խմբակցության պատգամավոր Կարինե Աճեմյանը` անդրադառնալով Նախագահ Սերժ Սարգսյանի` Հայաստան-Թուրքիա արձանագրությունները ՀՀ ԱԺ-ից հետ կանչելու որոշմանը:

Պատգամավորը հիշեցրեց, որ ինչքան էլ 21-րդ դարում դժվար է պատկերացնել փակ սահմաններ, սակայն մենք դեռ ունենք:

Արձանագրությունների ստորագրման վերաբերյալ Աճեմյանը նշեց. «Քայլը արվեց, որպեսզի Թուրքիան իր սխալները վերջապես խմբագրի, որ կարողանա ձերբազատվել իր դիրքորոշումներից, բայց ժամանակը ցույց տվեց, որ անընդհատ նրանց կողմից առաջ բերվեցին նխապայմաններ, ինպես նաև թուրքական կողմը կառուցողական քայլերի փոխարեն հնչեցնում էր հայատյացությամբ լի հայտարարություններ, որոնք դրսևորվում էին թե´ Էրդողանի և թե´ Թուրքիայի բարձր ղեկավարության կողմից: Եվ որևէ քայլ չարվեց որպեսզի մենք կարողանանք այդ հարցում առաջընթաց ապահովել»:

«Եթե տարիներ շարունակ արձանագրությունների վավերացման տեսանկյունից որևէ առաջընթաց տեղի չունեցավ, որը կբերեր սահմանների բացման, քաղաքական երկխոսության, ապա նախագահի որոշումը, այո, ճիշտ էր»,- նշեց նա:

Հարակից հրապարակումներ՝
Կիրո Մանոյան. Նախագահի որոշումը ճիշտ քայլ է ճիշտ ուղղությամբ, բայց ոչ բավարար
Նախագահի որոշումը ապրիլի 24-ի թուրքական ժխտողականության և մանիպուլիացիներից առաջ շատ լավ քայլ է. թուրքագետ
Հռչակագրի հրապարակումը ենթադրում էր, որ արձանագրությունները ԱԺ-ից հետ կկանչվեն. Դեմոյան