Թե ինչպես են «գերեվարված» ադրբեջանցու մոտ ականջներ «աճել»
Xocali.net կայքը շարունակում է մերկացնել 1992 թվականի Աղդամյան դեպքերի շուրջ ադրբեջանական քարոզչամեքենայի կեղծարարությունները: Ադրբեջանական մամուլը` «Արդարություն Խոջալուին» քարոզչական արշավի շրջանակներում, հրապարակում է «ականատեսների» ուշացած «վկայություններ», որոնցում երևան են գալիս բազում հակասություններ և անհեթեթություններ:
Այսպես, 2014 թվականի փետրվարի 20-ին ադրբեջանական Publika.az կայքը նյութ է հրապարակել` «Դանակով կտրել են ականջս» վերնագրով, որտեղ Աղդամյան դեպքերի իբր թե «ողջ մնացած զոհ» Պանախ Մահերամովը խիստ հանգամանորեն պատմում է այն խոշտանգումների մասին, որ ինքը հարկադրված էր վերապրել հայկական գերության մեջ:
«Հետո մեզ բերեցին Խանքենդի` զորամաս: Ներսում քնած էին մեծ քանակությամբ թշնամու զինվորները: Երկուսն արթուն էին, իսկ ևս մի տարեց մարդ կրակ էր վառում նրանց համար, նա սումգայիթցի հայ էր: Մենք եկանք ու նստեցինք զորամասում: Երկու հոգի մոտեցան մեզ: Ես արդեն սովոր էի խոշտանգումների, դրա համար էլ թշնամուց գթություն չխնդրեցի: Մոտեցողներից մեկը մի մեծ դանակ հանեց ու կտրեց ականջս: Ես ոչինչ չասացի, մտածեցի` ինչ լինում է, թող լինի: Լռությամբ տարա ցավը: Կտրելով ականջս` նա այն իր հետ տարավ, այդ ժամանակ ես շատ արյուն կորցրի»,- պատմում է «տուժածը»:
Այդուհանդերձ, ադրբեջանական կայքը անշրջահայացաբար հրապարակել էր նաև Պանախ Մահերամովի լուսանկարները` պատերազմի տարիներին ու այսօր, որոնցում հստակ կարելի է տեսնել երկու ականջներն էլ:
Հիշեցնենք, որ 1992 թվականի փետրվարի 26-ին Արցախյան պատերազմի ընթացքում Աղդամ քաղաքի մատույցներում չբացահայտված պայմաններում մահացել է 200-300 հոգի` ըստ Human Rights Watch միջազգային իրավապաշտպան կազմակերպության տվյալների, որոնց Ադրբեջանի իշխանությունները մտածված կերպով պահում էին մարտական գործողությունների կիզակետում: Խոջալուն հանդիսանում էր այն 5 կրակակետերից մեկը, որտեղից ինտենսիվ կրակ էր բացվում շրջափակված Ստեփանակերտի ուղղությամբ: Խոջալուի բնակչությունն ամիսներ շարունակ բռնի կերպով պահվում էր բնակավայրում և մտածված չէր տարհանվում Ադրբեջանի իշխանությունների կողմից` հետագայում նրանց որպես «կենդանի վահան» օգտագործելու նպատակով:
Խոջալուի բնակիչները, որոնք լքել էին բնակավայրը ԼՂՀ Ինքնապաշտպանական ուժերի տրամադրած մարդասիրական միջանցքով, անարգել անցել են ավելի քան 10 կմ` հասնելով ադրբեջանական ուժերի կողմից վերահսկվող Աղդամ քաղաք: Ավելի ուշ ադրբեջանական զորքերի տեղակայման վայրից ոչ հեռու հայտնաբերվել են բնակավայրի մահացած բնակիչների դիերը: Զոհերի ստույգ թիվը դեռևս անհայտ է, քանի որ պաշտոնական Բաքուն հրապարակում է միմյանց հակասող թվեր: Ադրբեջանի խորհրդարանի` այս բնակիչների ողբերգական մահվան հետաքննությամբ զբաղվող հանձնաժողովը ցրվել է Հեյդար Ալիևի հրամանով, իսկ հետաքննական նյութերը գաղտնիացված են:
Նախորդիվ`
Ադրբեջանական քարոզչամեքենան հասուն տղամարդուն ներկայացնում է 6-ամյա երեխա և «Աղդամյան դեպքերի զոհ»
Հետազոտություն. Բաքվի քարոզչության կեղծարարությունների մերկացումն ու Խոջալուի դեպքերի իրական մեղավորները
Ադիբեկյան. Աղդամյան դեպքերում Ադրբեջանը փնտրում է ինդուլգենցիա` հայերի դեմ հետագա գազանություններ իրականացնելու
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
