Ձեր վստահելի աղբյուրը

Թուրքիայի խորհրդարանի խոսնակ Ջեմիլ Չիչեքը հայտարարել է, որ Հռոմի պապ Ֆրանցիսկոսի` Հայոց ցեղասպանության վերաբերյալ հայտարարությունը անթույլատրելի է կրոնական գործիչների համար:

«Մի կողից Վատիկանը պետական միավորում է, սակայն Հռոմի պապը կրոնական պարտականություններ ունի, իսկ կրոնական գործիչները պետք է նպաստեն հանրության շրջանում խաղաղության հաստատմանը»,-«Իտար-տասս» գործակալությանը տված հարցազրույցի ժամանակ ասել է Չիչեքը:

Ըստ նրա` պապը ընտրել է մեկ կողմի դիրքորոշումը, որն արդար և խաղաղասեր չէ, իսկ պատմական փաստերը քաղաքականացնելն անընդունելի է:

«Ցեղասպանություն հասկացությունը իրավական է, այլ ոչ թե քաղաքական: Մենք պատրաստ ենք կիսել բոլոր ժողովուրդների ցավը: Սակայն անթույլատրելի է, երբ Հռոմի պապը Թուրքիայի նկատմամբ այն որպես քաղաքական գործիք է օգտագործում»,-ավելացրել է Թուրքիայի խորհրդարանի խոսնակը` նշելով, որ դա «սխալ քայլ էր և այդ սխալի ընդունումը շատ կարևոր է»:

Հիշենցնենք, որ ապրիլի 12-ին Հռոմի Ֆրանցիսկոս պապը Վատիկանի Սուրբ Պետրոս տաճարում Հայոց ցեղասպանության զոհերի հիշատակին պատարագ էր մատուցել և հայտարարել, որ Հայոց ցեղասպանությունը 20-րդ դարի առաջին ցեղասպանությունն է ու բոլոր իր հետևորդներին կոչ արել միշտ ասել ճշմարտությունը և չվախենալ դրա համար: Պապի խոսքերն առաջացրել են Թուրքիայի զայրույթը, որը նախ իր մոտ կանչեց Անկարայում Վատիկիանի դեսպանին, ապա Վատիկանից խորհրդակցության նպատակով` իր դեսպանին:

Նախորդող`
La Repubblica. Ֆրանցիսկոսի թանկարժեք ազնվությունը, ով ցեղասպանությունն իր անունով է կոչում
Էրդողան. «Ես վշտացած եմ Հռոմի պապի խոսքերից»
Թուրքիայի կողմից գործածված խիստ տոնայնությունը չի կարող արդարացված լինել. Պաոլո Ջենտիլոնի
Հռոմի պապը պատասխանել է Թուրքիայից հնչող դժգոհություններին
Իտալիայի ԱԳՆ. Թուրքիան չափից դուրս կոշտ արձագանքեց հայերի բնաջնջման վերաբերյալ Հռոմի պապի խոսքերին
Սերժ Սարգսյան. Միայն Ֆրանցիսկոս պապի նման առաջնորդները կարող են աշխարհը զերծ պահել ցեղասպանություններից
Հռոմի պապ Ֆրանցիսկոս. Ցեղասպանությունը լռության մատնելը հանցակցություն է
Թուրքիան Վատիկանից հետ է կանչել իր դեսպանին. Հռոմի պապի հնչեցրած Ցեղասպանությունը
Թուրքիան Հայոց ցեղասպանության մասին Հռոմի պապի հայտարարությունից հետո կանչել է Վատիկանի դեսպանին
«Ֆրանս Պրես». Հռոմի Ֆրանցիսկոս Պապը օգտագործել է Ցեղասպանություն բառը