Ձեր վստահելի աղբյուրը

Իսրայելական Haaretz պարբերականը անդրադարձել  է Հայոց ցեղասպանությանը` մասնավորապես Իսրայելի կողմից Հայոց ցեղասպանության չճանաչմանը և դրանում ինչպես Թուրքիայի, այնպես էլ Ադրբեջանի ունեցած դերակատարմանը:

Պարբերականը նախ անդրադառնում է Ցեղասպանության 100-րդ տարելիցին ընդառաջ Քիմ Քարդաշյանի Հայաստան կատարած այցին, այդ ընթացքում համաշխարհային մամուլի գլխագրերում Հայաստանի և Հայոց ցեղասպանության մասին հրապարակումներին և ապա հավելում, որ այդ ամենը «Հայաստանի միակ ձեռքբերումները չէին»:

Այս համատեքստում պարբերականը արդեն անդրադառնում է Վատիկանում տեղի ունեցած սուրբ պատարագին` նշելով, որ դրա ընթացքում պապը Հայոց ցեղասպանությունը անվանեց որպես 20-րդ դարի առաջին Ցեղասպանություն:

Խոսելով այդ կապակցությամբ Պապի հասցեին թուրքական իշխանությունների կողմից ուղղված մեղադրանքների մասին` պարբերականը նկատում է, որ մասնավորապես Ֆրանցիսկոս պապին նացիզմի հետ ասոցացնելու համար թուրք պաշտոնյաները որևէ հիմնավոր ապացույց չունեն, թեև այդքանը լավ իմանալով հանդերձ չխորշեցին պապին նման մեղադրանքներ հասցեագրելուց:

Պարբերականը հիշեցնում է, որ օրինակ նախորդ շաբաթ էլ Գազայի հատվածում լարվածության մեծացման հետ կապված Էրդողանը իսրայելցիներին էր մեղադրել նացիզմի մեջ, ավելին, ըստ պարբերականի, Էրդողանը և թուրքական իշխանությունները հաճախ են մեղադրում հրեաներին` համաշխարհային մամուլը և ֆինանսական համակարգը տնօրինելու համար, ճիշտ այնպես, ինչպես և նույն բանում մեղադրում են հայերին:

«Սակայն այնպես է ստացվել, որ Իսրայելը վճռականորեն հրաժարվել է մաս կազմել փոքր, բայց այդուհանդերձ մեծացող այն երկրների շարքին, որոնք ճանաչել են Հայոց ցեղասպանությունը: Տարիներ շարունակ այդ ամենի պատճառը դաշնակից Թուրքիայի ազգային արժանապատվությունը հարգելն էր: ԱՄՆ-ում գործող հրեական հզոր լոբիստական խմբերը, ինչպես օրինակ «Anti-Defamation League»-ն Կոնգրեսում լոբինգ են արել, որպեսզի ԱՄՆ-ն չճանաչի Հայոց ցեղասպանությունը»,- գրում է պարբերականը:

Այս համատեքստում պարբերականը նկատում է, որ թեև վերջին տարիներին Թուրքիայի հետ Իսրայելի հարաբերությունները զգալիորեն վատացել են, իսկ Արևմուտքի համար էլ Թուրքիայի` որպես ՆԱՏՕ-ի վստահելի անդամ-գործընկեր լինելու իմիջը խաթարվել է, միևնույնն է ցեղասպանության ճանաչման գործում Իսրայելը իր քաղաքականությունը չի փոխել: Փորձելով հասկանալ, թե ինչու` պարբերականը նկատում է. «Այժմ Երուսաղեմը նոր ընկեր ունի` այն Բաքվում է: Ադրբեջանը Իսրայելին հիմնական նավթ մատակարարողն է, իսրայելական զենքի գնողը և հակաիրանական կոալիցիայում Իսրայելի դաշնակիցը»:

Պարբերականը հիշեցնում է, որ Ադրբեջանը իրեն համարում է Թուրքիայի եղբայր պետություն և Թուրքիայի հետ համագործակցությամբ ամեն ինչ անում է Հայաստանի միջազգային հեղինակությունը նսեմացնելու համար:

Այս առումով պարբերականը շատ կարևոր դիտարկում- բացահայտում է անում` գրելով. «Ալիևների ընտանիքը, ովքեր Ադրբեջանը կառավարում են ինչպես սեփական ֆեոդալական հողը, միլիոնավոր դոլարներ են ծախսել Ադրբեջանը արևմտյան բարեկեցիկ երկիր ներկայացնելու համար: Ադրբեջանի PR կամպանիայի նպատակներից մեկն էլ բոլոր հնարավոր տարբերակներով Հայաստանի միջազգային հեղինակությունը սևացնելն է: Վերջին ամիսներին ադրբեջանցիները հետևաղոկանորեն փորձում են Հայաստանը ներկայացնել որպես խրոնիկ հակասեմիթական երկիր: Այս նպատակով նրանք հատկապես հրեական մամուլում բազմաթիվ պատվիրված հոդվածներ են հրապարակել տվել… և դա այն դեպքում, երբ Հայաստանում ապրող հրեական համայնքը Հայաստանի ներսում երբեք խնդիրներ չի ունեցել»:

Շարունակելով Հայոց ցեղասպանության ճանաչման թեման` պարբերականը վկայակոչում է ԱՄՆ այն ժամանակի դեսպան Հենրի Մորգենթաուի և Ռաֆայել Լեմկինի դերակատարումը ցեղասպանության դեմ պայքարի գործում և այս հիմքով անհասկանալի համարում ԱՄՆ-ի և Իսրայելի դիրքորոշումները Հայոց ցեղասպանությունը չճանաչելու առումով:

Պարբերականը նաև նկատել է, որ Քիմ Քարդաշյանը Հայաստանից հետո Իսրայել է գնացել, բայց թե Քարդաշյանի և թե ողջ միջազգային մամուլի ուշադրության կենտրոնում է եղել Երուսաղեմի Հին քաղաքի հայկական եկեղեցին, իսկ սոցիալական ցանցերում գրառումներ կատարելիս` Քարդաշյանը բացառապես հիշատակել է միայն Երուսաղեմ հաշթագը կամ թվիթը:

«Մեղմ ակնարկ առ այն, որ մենք ունենք ճանաչելու խնդիր»,- եզրափակում է պարբերականը:

Նախորդող`
Ապրիլի 24-ին Երևանում Իտալիայի ներկայացվածության առումով ակնկալիքներ կան. դեսպան Ս. Ղազարյանի հարցազրույցը Huffingtonpost.it-ին
Անդրեյ Մամիկին. Մարդկանց ոչնչացրել են միայն հայ լինելու պատճառով
Die Welt. «Ի՞նչ է իմացել Կայսերական Գերմանիան հայերի կոտորածների մասին»
Եվրախորհրդարանականները բանաձևում հիշատակել են Պապի հայտարարությունը. Բանաձևի ամբողջ տեքստը
Թուրքիայի ԱԳՆ-ն սպառնում է Եվրոպային
Էդվարդ Նալբանդյանի հայտարարությունը. Եվրախորհրդարանի ընդունած բանաձևը կարևոր ուղերձ է ‪Թուրքիային
Die Welt. Թուրքերը սպառնում են Հռոմի պապին սպանել
Թուրքիայի խորհրդարանի խոսնակը Հռոմի պապի հայտարարությունն անթույլատրելի է համարում
La Repubblica. Ֆրանցիսկոսի թանկարժեք ազնվությունը, ով ցեղասպանությունն իր անունով է կոչում
Էրդողան. «Ես վշտացած եմ Հռոմի պապի խոսքերից»
Թուրքիայի կողմից գործածված խիստ տոնայնությունը չի կարող արդարացված լինել. Պաոլո Ջենտիլոնի
Հռոմի պապը պատասխանել է Թուրքիայից հնչող դժգոհություններին
Իտալիայի ԱԳՆ. Թուրքիան չափից դուրս կոշտ արձագանքեց հայերի բնաջնջման վերաբերյալ Հռոմի պապի խոսքերին
Սերժ Սարգսյան. Միայն Ֆրանցիսկոս պապի նման առաջնորդները կարող են աշխարհը զերծ պահել ցեղասպանություններից
Հռոմի պապ Ֆրանցիսկոս. Ցեղասպանությունը լռության մատնելը հանցակցություն է
Թուրքիան Վատիկանից հետ է կանչել իր դեսպանին. Հռոմի պապի հնչեցրած Ցեղասպանությունը
Թուրքիան Հայոց ցեղասպանության մասին Հռոմի պապի հայտարարությունից հետո կանչել է Վատիկանի դեսպանին
«Ֆրանս Պրես». Հռոմի Ֆրանցիսկոս Պապը օգտագործել է Ցեղասպանություն բառը