Ձեր վստահելի աղբյուրը

Քաղաքաշինության նախկին նախարար, ԲՀԿ-ական Վարդան Վարդանյանը Սահմանադրական բարեփոխումների հետ կապված երկրի ղեկավարի հետ այսօր տեղի ունեցած հանդիպումը նորմալ է գնահատում:

Panorama.am-ի հետ զրույցում Վարդան Վարդանյանը տեղեկացրեց, որ մոտ 40 րոպե տևած հանդիպման ժամանակ ԲՀԿ-ականները հանրապետության նախագահին ներկայացրել են նախագծի որոշ դրույթների վերաբերյալ իրենց մտահոգությունները, ինչպես նաև որոշ առաջարկություններ:

«Երկրի ղեկավարը պատրաստակամություն հայտնեց շարունակել քննարկումները»,-ասաց Վարդանյանը:

ԲՀԿ-ական պատագամավոր Վահան Բաբայանը Panorama.am-ի հետ զրույցում ասաց, ՀՀ նախագահ Սերժ Սարգսյանի հետ հանդիպումն անցավ բավականին ջերմ մթնոլորտում: Բաբայանի խոսքով, ներկայացրել են այն մտահոգությունները, որոնք բարձրաձայնել էին երեկ Վենետիկի հանձնաժողովի փորձագետների հետ հանդիպման ժամանակ:

Առաջիկայում հանդիպում կլինի նաև Նախագահին առընթեր սահմանադրական բարեփոխումների մասնագիտական հանձնաժողովի անդամ Վարդան Պողոսյանի հետ:

Կուսակցությունում նախատեսում են հարցի քննարկման համար հրավիրել խմբակցության ու քաղաքական խորհուրդի նիստեր, դրանից հետո հանդիպումներ անցկացնել ԲՀԿ տարածքային կառույցների հետ. «Մինչև խորհրդարանում այդ հարցի քվեարկությունը մենք կհայտնենք մեր պաշտոնական դիրքորոշումը»:

Նախորդող լուր՝
Նախագահ Սերժ Սարգսյանը հանդիպել է ԲՀԿ ներկայացուցիչների հետ