Ձեր վստահելի աղբյուրը

Հայկական Զինված ուժերը լիովին վերահսկում են, ի վիճակի են պատասխանել հակառակորդի ոտնձգություններին: Լրագրողների հետ հանդիպման ժամանակ ասաց ՀՀ պաշտպանության նախարարության մամուլի քարտուղար Արծրուն Հովհաննիսյանը՝ պատասխանելով հարցին, թե արդյո՞ք ժամանակը չէ դիմել ՀԱՊԿ-ի միջամտությանը՝ հաշվի առնելով վերջին օրերին սահմանին տիրող լարված իրավիճակը:

Նա նաև իր խոսքում նշեց. «Այս հարցը քաղաքական հարթության մեջ ունի համապատասխան ընթացակարգ, որոշվում է գերագույն գլխավոր հրամանատարի կողմից համապատասխան խորհրդի նիստով: Այս պահին դրա անհրաժեշտությունը չենք տեսնում»:

Ըստ Ա. Հովհաննիսյանի, մարտական գործողություններն այս կամ այն կերպ պարբերական լարվածությամբ ընթանում են, լայնածավալ գործողությունների մասին վաղ է խոսել:

«Բացառել հնարավոր չէ, բայց լայնածավալ մարտական գործողությունների հստակ նախանշաններ չկան »,- ընդգծեց Ա. Հովհաննիսյանը:

Նախորդող հրապարակումներ՝
Հակառակորդի կրակոցներից մահացել է պայմանագրային զինծառայող Հայկ Թևոյանը
Հովհաննիսյան. Հայ-ադրբեջանական սահմանին իրավիճակն այժմ համեմատաբար հանգիստ է
Հակառակորդի կրակոցներից վիրավորված մոր և որդու կյանքին վտանգ չի սպառնում
Ա. Հովհաննիսյան. Վիրավորված զինծառայողների կյանքին վտանգ չի սպառնում
Չինարիից Երևան տեղափոխված զինծառայողի վիճակը գնահատվում է կայուն ծանր. Ասատուրյան