Ձեր վստահելի աղբյուրը

Երեկ երեկոյան կրկին հակառակորդը հայ-ադրբեջանական, ղարաբաղա-ադրբեջանական սահմանի երկայնքով ինտենսիվ կերպով շարունակվել է կրակել տարբեր տրամաչափի հրաձգային զենքերից, մասնավորապես նաև ականանետերից: Հայկական կողմի պատասախանի կրակոցներից հետո միայն ուշ գիշերին հակառակորդը դադարեցրել է կրակոցները: Լրագրողների հետ հանդիպման ժամանակ ասաց ՀՀ պաշտպանության նախարարության մամուլի քարտուղար Արծրուն Հովհաննիսյանը:

Նա հայտնեց, որ Վազաշեն համայքնի մոտակայքում երեք քաղացիական մարդիկ են վիրավորվել, նաև մեկ պայմանագրային զինծառայող՝ Տավուշի մարտական հենակետերում: Ա. Հովհաննիսյանն ասաց, որ նրանց վնասվածքները թեթև են, այժմ գտնվում են բուժհաստատություններում, կյանքներին վտանգ չի սպառնում:

ՊՆ մամուլի քարտուղարի խոսքով, երեկ երեկոյան և գիշերը կրակոցները մի փոքր ավելի քիչ են եղել, քան նախորդ գիշեր. «Հուսանք՝ սա իրավիճակի թուլացման որոշակի միտում է»:

Խոսելով արհեստածին լարվածության ստեղծման մասին, Ա. Հովհաննիսյանն ասաց. «Պետք է հատուկ նշեմ, որ մեկ-երկու օր առաջ Ադրբեջանի արտաքին գործերի նախարարության մամուլի քարտուղարը կեղծ, իրենց սրբի տեղ դրած փորձում էր լուր տարածել և խոսել միջազգային մարդասիրական իրավունքի մասին, այն ժամանակ, երբ իրենց զինվորականների հետ միասին սադրում էին իրավիճակը, մեր դիրքերի մոտ հրաձգային զինատեսակների հասանելիության մարտական գոտում, զինվորական ավաններում, վրանների մեջ իբր հարսանիք էին արել, իբր հայտնվել էին մեր կրակային գոտում: Դա փորձեցին օգտագործել մեր բնակավայրերի վրա կրակելու համար: Բնականաբար, մեր զինված ուժերը չէին կարող անպատասախան թողնել: Պատասախանների հետևանքներն իրենց մամուլում արդեն իսկ տեսնում ենք, թե ինչ խուճապ է ստեղծվել իրենց մոտ, ինչ ծանր վիճակ է, գյուղերից բնակիչները դուրս են գալիս, արգելապատնեշ են սարքում՝ խուճապի դեմն առնելու համար: Իսկ Տավուշում ժողովուրդը հանգիստ իրենց գործն է անում: Տավուշցին երբեք այդ խնդիրը չի ունեցել»:

Ա. Հովհաննիսյանը նշեց, որ ոչ մի սադրանք անպատասախան չի մնալու, բայց մշտապես կողմնակից են եղել, որպեսզի ընդհանուր իրավիճակը լիցքաթափվի, նման լարումներ չառաջանան:

«Մենք որևէ բան չենք սադրել»,- շեշտեց նա:

Պաշտպանության նախարարության մամուլի քարտուղարը նաև ասաց, որ այս պահին սահմանում վիճակը հանգիստ է, լարումները հիմնականում լինում են երեկոյան, ուշ ժամերին:

Նախորդող լուրեր՝
Հակառակորդը խախտել է հրադադարի ռեժիմը՝ կիրառելով թուրքական արտադրության հրթիռահրետանային կայանք. ԼՂՀ ՊՆ (լուսանկարներ)
Հակառակորդի կրակահերթից Ներքին Կարմիրաղբյուրում քաղաքացու գույքը հրկիզվել է
Հարուցվել է քրգործ՝ Կոթիի բնակիչների` հակառակորդի կողմից հրազենային վիրավորում ստանալու դեպքի առթիվ
Հակառակորդի կողմից պայմանագրային զինծառայողի սպանվելու գործով հարուցվել է քրեական գործ
Հակառակորդի կրակոցներից վիրավորված մոր և որդու կյանքին վտանգ չի սպառնում
Հակառակորդի կրակոցներից մահացել է պայմանագրային զինծառայող Հայկ Թևոյանը
Հովհաննիսյան. Հայ-ադրբեջանական սահմանին իրավիճակն այժմ համեմատաբար հանգիստ է
Հակառակորդի կրակոցներից վիրավորված մոր և որդու կյանքին վտանգ չի սպառնում
Ա. Հովհաննիսյան. Վիրավորված զինծառայողների կյանքին վտանգ չի սպառնում
Չինարիից Երևան տեղափոխված զինծառայողի վիճակը գնահատվում է կայուն ծանր. Ասատուրյան