Ձեր վստահելի աղբյուրը

«Ես ցնցված եմ նման բռնությունից: Մեզ հայտնի է Լեռնային Ղարաբաղի և Ադրբեջանի միջև գոյություն ունեցող պատմական թշնամության մասին, բայց այս անգամ այդ թշնամությունն ուղիղ գծով ուղղված է Հայաստանին: Սա անընդունելի է: Եվրոպական հանձնաժողովը պարտավոր է դատապարտել Ադրբեջանի գործողությունները և պատժամիջոցներ կիրառել դրանց հանդեպ: Այս խնդիրը միայն Հայաստանի և Ադրբեջանի մինջև չէ: Թե՛ եվրոպական, և թե՛ միջազգային այլ կառույցներ պարտավոր են դատապարտել այս գործողությունները»,-ասել է «Հայաստանի եվրոպացի բարեկամներ» կազմակերպության Խորհրդատվական խորհրդի անդամ, Եվրախորհրդարանի ֆրանսիացի պատգամավոր Միշել Ռիվազին: Այս մասին հայտնում են «Հայաստանի եվրոպացի բարեկամներ» կազմակերպությունից:

ՀԵԲ խորհրդատվական խորհրդի անդամներից ֆրանսիացի պատգամավոր Ֆրանսուա Ռոշեբլոն համաձայնել էլ ավելացրել է. «Ես կոչ եմ անում Ֆրանսիային, Ֆրանսիայի կառավարությանը և արտաքին գործերի նախարարությանը միջամտել և ճնշում գործադրել Ադրբեջանի արտաքին գործերի նախարարության վրա՝ նման անընդունելի գործողություններն այլևս կանխելու նպատակով»:

Եվրոպական խորհրդարանի նախկին նախագահ լեհ պատգամավոր Ջերզի Բուզեկը մեկնաբանել է խաղաղ գործընթացների բացասական հետևանքները՝ նշելով, որ Ադրբեջանի հարձակումը իր ինքնիշխան հարևան Հայաստանի վրա առավել քան մտահոգիչ է, քանի որ դա տեղի է ունենում ԵԱՀԿ Մինսկի խմբի հանդիպման նախօրեին, որը նպատակ ունի միջնորդել Լեռնային Ղարաբաղի հակամարտութան վերաբերյալ խաղաղ բանակցությունները:

Մի շարք Եվրոպացիներ հայտնել են Հայաստանի հետ իրենց համերաշխութան մասին: ԵԽ «Ազատության և ուղղակի ժողովրդավարության Եվրոպա խմբի» արտաքին գործերի հարցերով համակարգող, ԵԽ իտալացի պատգամավոր Մասսիմո Կաստալդոն նշել է. «Վերջերս մենք անցկացրինք մի հզոր բանաձև՝ Ադրբեջանում մարդու իրավունքների խախտումների պատճառով պատժամիջոցներ կիրառելու անհրաժեշտության մասին, և այս բանաձևն, անկասկած, սանձազերծեց Ադրբեջանի կառավարության անզուսպ արձագանքը: Հույս ունեմ, որ այս անգամ եվրոպական կառույցները կցանկանան անվերապահորեն դատապարտել տխուր գործողությունները՝ երեք հայ կանանց մահը, որոնց մենք այսօր ականատես եղանք»:

Բուլղարացի պատգամավոր Անգել Դամբազսկին հավելել է, որ սա ահաբեկչական գործողություն է:

«Հայաստանի եվրոպացի բարեկամներ» կազմակերպությունը ողջունել է այս արձագանքները: ՀԵԲ ղեկավար Էդուարդո Լորենցո Օչոան մեկնաբանել է. «Մեզ հաջողվեց իրազեկել այս դաժան հանցագործությունների մասին, որոնք պատճառ հանդիսացան Եվրոպական խորհրդարանի և անդամակցող խորհրդարանների լայն շրջանի եվրոպացի գործիչների մի շարք արձագանքների, որոնք անհապաղ կարողացան համերաշխություն հայտնեցին Հայաստանին և դատապարտեցին այդ գործողությունները: Վերջապես, մենք հայտնում ենք մեր խորին ցավակցությունը իրենց կյանքը կորցրած երեք անմեղ կանանց ընտանիքներին»: