Ձեր վստահելի աղբյուրը

«Ընդդեմ իրավական կամայականության» ՀԿ նախագահ, ՀՀ առաջին օմբուդսմեն Լարիսա Ալվերդյանն ու «Սովորական ցեղասպանություն» նախագծի ղեկավար Մարինա Գրիգորյանը տարածել են բաց նամակ ուղղված Կարմիր Խաչի միջազգային կոմիտեին` կոչ անելով երաշխավորել ու ապահովել օգոստոսի 8-ին Ադրբեջանում գերի ընկած Հակոբ Ինջիուղլյանի վերադարձը Հայաստան:

Բաց նամակ-պահանջը բաց է ստորագրության համար:

Նախաձեռնության հեղինակները կոչ են անում կոմիտեի ղեկավարությանը, Երևանի ու Բաքվի գրասենյակների ղեկավարություններին` ճնշում գործադրել Ադրբեջանի իշխանությունների վրա` ապահովելու համար կոմիտեի ներկյացուցիչների ու գերի ընկած զինվորի հանդիպումը, հնարավորություն տալ զինվորին կապ հաստատել ծնողների հետ: Նամակում խիստ մտահոգություն են հայտնում, որ ԿՄԽԿ Բաքվի գրասենյակի ներկայացուցիչները չեն կարողացել դեռևս հանդիպել նրան, որևէ տեղեկություն նրանից հայկական կողմն ու ծնողները չունեն, ինչը, ըստ հեղինակների, ժնևյան կոնվենցիայի դրույթների խախտում է:

Նախաձեռնության հեղինակները հիշեցնում են 2010-ին գերի ընկած հովիվ Մանվել Սարիբեկյանի դեպքը, երբ միջազգային մարդասիրական ուշադրության բացակայության պայմաններում ադրբեջանական կողմն հայտարարեց, որ Սարիբեկյանն ինքնասպանություն է գործել, իսկ դին հայկական կողմին փոխանցլուց հետո փորձաքննության արդյունքում խոշտանգումների բազմաթիվ հետքեր էին հայտնաբերվել մարմնի վրա:
Հիշեցնենք, որ գոստոսի 7-ի լույս 8-ի գիշերը ՀՀ քաղաքացի Հակոբ Գևորգի Ինջիղուլյանը տեղանքում չկողմնորոշվելու հետևանքով պատահաբար հատելով շփման գիծը հայտնվել էր ադրբեջանական զորքերի պահպանության տարածքում և գերեվարվել վերջիններիս կողմից:

Նախորդող հրապարակումներ` ՊՆ-ն կոչ է անում ԿԽՄԿ ուժերով կազմակերպել և ապահովել ՀՀ քաղաքացու անվտանգ և շուտափույթ վերադարձը Հայաստան

Հայաստանում գտնվող ադրբեջանցի զինծառայողը ցանկություն է հայտնել վերադառնալ Ադրբեջան