Բախշյան. Մանկապարտեզ ընդունվելու իրենց հերթին սպասող երեխաների կրճատման խնդիր դրված չէ
Երևանի 2014-ի բյուջեում մանկապարտեզ ընդունվելու իրենց հերթին սպասող երեխաների կրճատման խնդիր չեն դրել: Այս մասին Panorama.am-ին հայտնեց Երևանի ավագանու «Բարև Երևան» խմբակցության ղեկավար, Կրթության ազգային ինստիտուտի փոխտնօրեն Անահիտ Բախշյանը:
Հիշեցնենք, որ այս տարվա սեպտեմբերին քաղաքապետարանից Բախշյանին պատասխանել էին, որ Երևանի մանկապարտեզներում հերթագրված երեխաների թիվն այդ պահին 20 080 է:
«Երևանի 2014-2017 թթ զարգացման ծրագրի վրա երբ աշխատում էինք, այնտեղ նախատեսվում է ավելացնել մանկապարտեզների թիվը, քանի դեռ դրանց թիվը չի ավելացել, մենք չենք կարող ակնկալել հերթում եղած երեխաների թվի նվազում: Իհարկե առաջարկն արվել է, բայց նաև ասվել է, դժվար թե մենք կարողանանք նոր մանկապարտեզներ բացել: Հիմա այդ բյուջեն չի նախատեսում նոր մանկապարտեզ»,-ասաց Բախշյանը, ով հետևողական է մանկապարտեզների հիմնանորոգման ու այլ հարցերում:
Կենտրոն վարչական շրջանում գտնվող թիվ 1 մանկապարտեզի ճակատագրով մշտապես հետաքրքրված Բախշյանն ասում է, հասել է այն բանին, որ 2014-ին կհիմնանորոգվի շենքը, նույնիսկ խոստացել են գարնանը մի մասը շահագործել:
Ավելի վաղ Panorama.am-ին քաղաքապետարանից հայտնել էին, որ «Երևանի հ.1 մանկապարտեզ» ՀՈԱԿ-ը սեփականաշնորված չէ։ Գործունեությունը ժամանակավորապես դադարեցվել է 13.09.2010 թվականից։ Երեխաների մի մասը տեղափոխվել է վարչական շրջանի տարբեր մանկապարտեզներ՝ ծնողների համաձայնությամբ։ Մանկապարտեզի աշխատողները տնօրենը, հաշվապահը և պահակները վարձատրվում են: Երևանի քաղաքապետարանի աշխատակազմի հանրակրթության վարչության 2013-2017 թվականների զարգացման քառամյա ծրագրի՝ հիմնանորոգման կարիք ունեցող մանկապարտեզների ցանկում առաջինը նշված է հ. 1 մանկապարտեզը:
Նշենք, որ մայրաքաղաքի 2014-ի բյուջեի նախագծով նախադպրոցական ուսուցում ծրագրով նախատեսվել է 6,547,740.0 հազ. դրամ։ Հաշվարկների հիմքում դրվել է 1 երեխային ամսական ուսուցման (պահպանման) ծախսերի միջին ինքնարժեքը, որը ծրագրվել է 19.0 հազ. դրամի չափով, ինչպես նաև յուրաքանչյուր ՀՈԱԿ–ի պահպանման ծախսերի համար ամսական 650,0 հազ. դրամ, իսկ բյուջեից հատկացումները նախատեսվել են հաշվի առնելով 2013 թվականին երեխաների փաստացի միջին թիվը։
Ինչպես բացատրվում է քաղաքապետի ուղերձում, 2013 թվականի ճշտված բյուջեի համեմատ 499,461.7 հազ. դրամի ավելացումը կապված է 1 երեխայի ամսական պահպանման ծախսերի ավելացմամբ, ինչն էլ իր հերթին 30 պայմանավորված է «Նվազագույն աշխատավարձի մասին» ՀՀ օրենքի և բնական գազի և էլեկտրաէներգիայի սակագնի փոփոխությամբ։
Նախադպրոցական ուսուցման կազմակերպման համար անհրաժեշտ գույքի ձեռքբերում ծրագրով նախատեսվել է 300,000.0 հազ. դրամ՝ 2013 թվականի հաստատված բյուջեի 505,000.0 հազ. դրամի դիմաց, ինչի շրջանակներում նախատեսվում է Երևանի քաղաքապետարանի մանկապարտեզների համար ձեռք բերել և թարմացնել մահճակալներ, սեղաններ, աթոռներ, սարքավորումներ (գազօջախ, սառնարան, մսաղաց) և այլն։ Ծրագիրը շարունակական է մինչև խնդրի ամբողջական կարգավորումը։
Քաղաքապետարանի ենթակայությամբ գործող մանկապարտեզների հիմնանորոգման ու այդ ուղղությամբ կատարված աշխատանքներին Panorama.am-ը դեռ կանդրադառնա:
Նախորդող հրապարակումներ`
Դեռ ինչքան ժամանակ մանկապարտեզի մեկ խմբում պետք է լինի 35-40 երեխա. Քաղաքապետարանի հստակ պատասխան չկա
Մանկապարտեզների գերբեռնվածության խնդրով ՄԻՊ աշխատակազմը քննություն կսկսի
Panorama.am-ի հրապարակման հետքերով. ՄԻՊ-քաղաքապետ նամակագրությունը շարունակվում է
Բախշյանի ահազանգը. Մութ գործարքների հետևանքով կարող է ընդհանրապես չվերականգնվել մանկապարտեզը
Կենտրոնի բնակչին մտահոգում է թիվ 1 մանկապարտեզի ճակատագիրը. Թող պարզի՝ փակվելուց առաջ ով նշանակվեց տնօրեն
Հարցեր, որոնք քաղաքապետարանը թողեց անպատասխան
Քաղաքապետարանից պատասխանեցին. Թիվ 1 մանկապարտեզը սեփականաշնորհված չէ
Սեպտեմբերի 1-ից երևանյան մանկապարտեզներ կընդունվեն ևս 1300 երեխաներ
Լրահոս
Տեսանյութեր
ՈւՂԻՂ. Տրանսպորտը թանկացնում են նախկինների մերժած հաշվարկով. Պիպոյանը փաստաթղթեր է հրապարակում
