Ձեր վստահելի աղբյուրը

«Ադրբեջանն ու Թուրքիան շուտով կդառնան իսլամական պետություններ»,-այդ մասին իրանական «Ղաֆղազ.իռ» կայքի հաղորդմամբ՝ հայտարարությամբ է հանդես եկել «Իրաքում և Շամում իսլամական պետություն» (ԻՇԻՊ) խմբավորումը:

Տեղեկատվության մեջ նշվում է, որ «ԻՇԻՊ» ահաբեկչական խմբավորման անդամները սոցիալական ցանցերում դիմել են Ադրբեջանի և Թուրքիայի բնակչությանը՝ կոչ անելով միանալ իրենց: ԻՇԻՊ-ի տարածած քարտեզներում Ադրբեջանն ու Թուրքիան սև գույնով են պատկերված:

Հիշեցնենք, որ օրերս ԻԻՀ Մեջլիսի ազգային անվտանգության և արտաքին քաղաքականության հարցերով հանձնաժողովի անդամ Մեհդի Դավաթգարն, անդրադառնալով վերջին օրերին ԻՇԻՊ զինված խմբավորման և Իրաքի բանակի միջև տեղի ունեցած մարտական գործողություններին, մասնավորապես նշել է. «ԻՇԻՊ-ը չի բավարարվելու միայն Իրաքով և Սիրիայի ներկայիս տարածքով, նրա նպատակն է տարածվել Թուրքիայում, Հորդանանում, Լիբանանում, Պաղեստինում և Քուվեյթում»:
Իսկ նախօրեին իրանցի բարձրաստիճան հոգևորական այաթոլլահ Մաքարեմ Շիրազին՝ ի պաշտպանություն Իրաքի ամբողջականության «ջիհադ» էր հայտարարել:

Թեմայի առնչությամբ այլ հրապարակումներ՝

Քլինթոն. «Իրաքյան ճգնաժամով» կարող են վարակվել նաև Իրանն ու Թուրքիան

Իրանի Մեջլիսի պատգամավոր. «Իրաքում և Շամում իսլամական պետության» հաջորդ նշանակետը Թուրքիան է լինելո

Իրանցի բարձրաստիճան հոգևորականը՝ ի պաշտպանություն Իրաքի ամբողջականության «ջիհադ» է հայտարարել