Կարճ լուրեր
«Մանչեսթեր Սիթիի» լեգենդը չի բացառել, որ կվերադառնա ֆուտբոլ, չնայած անցյալ տարի նա ստիպված եղավ ավարտել կարիերան սրտի հետ կապված խնդիրների պատճառով: Ագուերոն ակնարկել է, որ մի քանի տարի անց գուցե մտածի ֆուտբոլ վերադառնալու մասին, երբ հայտնել է, որ ցանկանում է նորից մարզվել: «Երեկ մտքովս անցավ, որ կարող եմ նորից խաղալ։ «Ինտեր Մայամի»-ն կանչեց ինձ, բայց ես հրաժարվեցի: Գուցե րկու տարու՞ց, տեսնենք»,- ասել է նա TYC Sports-ին:
Աղբյուր՝ dailymail.co.uk
Անդրազգային Stellantis ավտոարտադրողը, որին պատկանում են Citroën, Opel, Peugeot և 11 այլ ապրանքանիշեր, կփակի իր գործարանը Կալուգայում պահեստամասերի բացակայության պատճառով: Այս մասին հայտարարել է կորպորացիայի գլխավոր գործադիր տնօրեն Կառլոս Տավարեսը, ում խոսքերը մեջբերում է BFM TV-ն:
Աղբյուր՝ lenta.ru
2022 թվականի մարտի 30-ի երեկոյան շլացուցիչ բևեռափայլը լուսավորեցին երկինքը սովորականից շատ ավելի հարավ՝ մինչև Փենսիլվանիա, Այովա և Օրեգոն: Այս ապշեցուցիչ բնական անոմալիան 17 արևային «պայթյունների» արդյունք է, որոնք առաջացել են մեկ արևաբծից: Ըստ գիտնականների՝ նրանցից երկուսը «կրակվել են» ուղիղ դեպի Երկիր:
Աղբյուր՝ vesti.ru
Թունիսի նախագահ Կաիս Սաիդը չորեքշաբթի հայտարարեց, որ ցրում է երկրի խորհրդարանը՝ հուլիսին իշխանության զավթման արդյունքում այն կասեցնելուց ութ ամիս անց: «Այսօր՝ այս պատմական պահին, ես հայտարարում եմ ժողովրդի Ներկայացուցիչների համագումարի ցրման մասին՝ պետությունն ու նրա ինստիտուտները պահպանելու համար»,- ասել է նա:
Աղբյուր՝ france24.com
Ռուս և բելառուս թենիսիստները կարող են մասնակցել Ուիմբլդոնի թենիսի մրցաշարին միայն այն դեպքում, եթե ստորագրեն հայտարարություններ՝ Ռուսաստանի նախագահ Վլադիմիր Պուտինի հետ հարաբերությունների բացակայության մասին: Սա վերաբերում է միջազգային մրցաշարերում Ռուսաստանը և Բելառուսը ներկայացնող բոլոր թենիսիստներին, այդ թվում՝ Դանիիլ Մեդվեդևին, ով այսօր՝ մարտի 31-ին, կհանդիպի լեհ թենիսիստ Հուբերտ Հուրկաչի հետ:
Աղբյուր՝ gazeta.ru
Դրանք, հնարավոր է, օգտագործվել են հնագույն մարդկանց հուղարկավորության համար: Ավազաքարե 65 սափորները հայտնաբերվել են հյուսիսարևելյան Ասսամ նահանգի չորս տարբեր վայրերում ցրված: Որոշ սափորներ բարձր են և գլանաձև, իսկ մյուսները մասամբ կամ ամբողջությամբ թաղված են հողի մեջ։ Նմանատիպ քարե անոթներ նախկինում հայտնաբերվել են Լաոսում և Ինդոնեզիայում:
Աղբյուր՝ bbc.com
Պաղեստինի առողջապահության նախարարությունը հայտնել է, որ 17-ամյա անչափահաս Սանադ Աբու Աթիյեն և 23-ամյա Յազիդ ալ-Սաադին սպանվել են հինգշաբթի օրը իսրայելական բանակի գրոհի ժամանակ Ջենինի վրա: Նույն օրը վաղ առավոտյան Բեթղեհեմ քաղաքից հարավ գտնվող Գուշ Էտզիոնի ապօրինի բնակավայրի մոտ իսրայելական բանակը կրակել և սպանել է մի պաղեստինցու, ով դանակով հարձակվել և վիրավորել էր չորս իսրայելցու:
Աղբյուր՝ aljazeera.com
Ֆուտբոլի միջազգային ֆեդերացիան (ՖԻՖԱ) ռուսերենը ընդգրկել է կազմակերպության պաշտոնական լեզուների ցանկում: Որոշումն ընդունվել է ՖԻՖԱ-ի Կոնգրեսի նիստում, որը անցկացվել է հինգշաբթի Դոհայում:
Աղբյուր՝ ria.ru
Հնդկաստանը և Ռուսաստանը ավարտել են SWIFT-ին փոխարինող՝ տրանսակցիաների այլընտրանքային հարթակի վրա աշխատանքը, հայտնում է հնդկական Economic Times թերթը: Ռուբլիով և ռուփիով հաշվարկների գործարկումը կսկսվի մեկ շաբաթից: Հաշվարկային նոր համակարգը անհրաժեշտ է ռուփիով և ռուբլիով հաշվարկներով նոր առևտրային համաձայնագրի համար:
Աղբյուր՝ vesti.ru
«Բարսելոնայի» և ՊՍԺ-ի նախկին խաղացող Ռոնալդինյոն խոսել է հարձակվող Լիոնել Մեսսիին ուղված փարիզցի երկրպագուների սուլոցների մասին: Մեսսիի համար դժվար է, քանի որ երկար տարիներ նա բոլորովին այլ ֆուտբոլ է խաղացել մի թիմում, որը միշտ նույն է ոճով խաղում»,- ասել է նա իսպանական AS թերթին: «Եթե սուլեք Մեսսիին, ոչինչ չի մնա: Եթե դուք սուլում եք աշխարհի լավագույնին, ո՞ւմ եք ծափահարելու: Ես դա չեմ հասկանում»,- հավելել է լեգենդար հարձակվողը:
Աղբյուր՝ dailymail.co.uk
Այս մասին հինգշաբթի կայացած ճեպազրույցում ասել է Չինաստանի ԱԳՆ խոսնակ Վան Վենբինը` մեկնաբանելով Հոնկոնգի վերջնական վերաքննիչ դատարանից իր դատավորներին հետ կանչելու Մեծ Բրիտանիայի որոշումը՝ Չինաստանի հատուկ վարչական շրջանում ազգային անվտանգության մասին օրենքի ընդունման պատճառով: Վենբինը նշել է, որ Հոնկոնգում իրավակարգը խախտելու, նրա կայունությունն ու բարգավաճումը խաթարելու ցանկացած փորձ դատապարտված է ձախողման:
Աղբյուր՝ tass.ru
Բրիտանական բոյ-բենդը հայտարարել է, որ 33 տարեկանում՝ գլխուղեղի քաղցկեղից մահացել է The Wanted-ի աստղ Թոմ Փարքերը: Երգիչը 2020 թվականի հոկտեմբերին երկրպագուներին հայտնել էր, որ անվիրահատելի ուռուցք ունի: Նրա կինը՝ Քելսի Հարդվիկը, Instagram-ում գրել է. «Մեր սրտերը կոտրված են»։ Զույգը երկու երեխա ունի:
Աղբյուր՝ bbc.com
Կողոպտիչը ներխուժել է աստղային ամուսինների Լոնդոնում գտնվող տուն: Միջադեպի մասին հայտնել է The Sun թերթը: Դեյվիդը, Վիկտորիան և նրանց դուստր Հարփերը կողոպուտի պահին տանը են եղել և չեն կասկածել, որ ինչ-որ մեկը ներխուժել է տուն: Զուգի 17-ամյա որդին տուն վերադառնալով հայտնաբերել, որ ննջասենյակներից մեկի պատուհանը կոտրված է: Հանցագործն այս պահին արդեն փախել էր: Նա իր հետ տարել է դիզայներական իրեր և էլեկտրոնիկա։
Աղբյուր՝ vesti.ru
Իշխանությունները հայտնել են, որ չորեքշաբթի գիշերը ԱՄՆ ռազմածովային ուժերի ինքնաթիռը, որում եղել է երեք մարդ, վթարի է ենթարկվել Արևելյան ափի ջրերում՝ Վիրջինիայի և Մերիլենդի սահմանի մոտ, ինչի հետևանքով մեկ մարդ մահացել է:
Աղբյուր՝ apnews.com
Շոումեն Քրիս Ռոքն առաջին անգամ մեկնաբանել է «Օսկար»-ի բեմում դերասան Ուիլ Սմիթից ստացած հարվածը. հաղորդում է ScreenRant-ը: Բոստոնում իր կատակերգական շոուի ժամանակ նա ակնարկել է, որ դեռ խորհում է կատարվածի շուրջ: «Ես դեռ վերապրում եմ այն, ինչ տեղի ունեցավ։ Մի օր ես ձեզ կպատմեմ այդ մասին: Դա կլինի և՛ լուրջ, և՛ ծիծաղելի»,- խոստացել է նա՝ հասկացնելով, որ ապտակի դեպքը նյութ կդառնա իր նոր շոուի համար:
Աղբյուր՝ gazeta.ru
Ուիլ Սմիթը հրաժարվել է լքել «Օսկար»-ի արարողությունը կատակերգու Քրիս Ռոքի վրա հարձակվելուց հետո: Այս մասին չորեքշաբթի հայտնել է Կինոարվեստի և գիտության ակադեմիան՝ նշելով, որ մեգաաստղին կարգապահական պատասխանատվության ենթարկելու գործընթաց է սկսվել: Ապտակի համար Սմիթը կարող է հեռացվել Ակադեմիայից:
Աղբյուր՝ france24.com
Ռուսական ՏՏ հսկան VK-ն (նախկինում՝ Mail.Ru Group) դիտարկում է իր MY.Games խաղային բաժնի վաճառքը, որը հոլդինգին բերում է իր ընդհանուր եկամտի մեկ երրորդը: Այս մասին հայտնել է «Կոմերսանտ»-ը՝ հղում անելով սեփական աղբյուրներին: VK-ն պոտենցիալ գնորդներ է փնտրում Ասիայում և Մերձավոր Արևելքում: Ռուսական հոլդինգն արդեն հանդիպում է անցկացրել Tencent Games չինական ընկերության ներկայացուցիչների հետ:
Աղբյուր՝ gazeta.ru
76 տարեկանում կյանքից հեռացել է դերասան Փոլ Հերմանը: Տեղեկություն հաստատել է The Hollywood Reporter-ը՝ հղում անելով ներկայացուցիչ Թի Քիթոն-Վուդսին: Մահվան պատճառը չի նշվում:
Լրահոս
Տեսանյութեր
Արցախի ղեկավարությունը Բաքվում է, որովհետև նրանք առաջնորդել են մեր քաղաքական պայքարը. Բեգլարյան
