Կարճ լուրեր
«Պարի Սեն Ժերմենը» պատրաստվում է ձեռք բերել «Այաքսի» հարձակվող Անտոնիին, հայտնում է le10sport-ը: Աղբյուրի համաձայն՝ փարիզցիները ցանկանում են հաղթել 22-ամյա բրազիլացու համար «Բարսելոնայի», «Մանչեսթեր Յունայթեդի» և «Բավարիայի» հետ պայքարում:
Աղբյուր՝ sport-express.ru
Չորեքշաբթի սաստիկ փոթորիկները, ներառյալ առնվազն երկու հաստատված տորնադոները, ԱՄՆ Միսիսիպի և Թենեսի նահանգներում վիրավորում են հասցրել մի քանի մարդու, վնասել տներ և ձեռնարկություններ, պոկել էլեկտրահաղորդման գծերը՝ Արկանզասում, Միսսուրիում և Տեխասում գիշերվա ընթացքում վնասներ հասցնելուց հետո: Չորեքշաբթի երեկոյան փոթորիկների հետևանքով մահվան դեպքեր չեն գրանցվել, հայտնել են պաշտոնյաները:
Աղբյուր՝ apnews.com
7,2 մագնիտուդ ուժգնությամբ երկրաշարժ է տեղի ունեցել Խաղաղ օվկիանոսում՝ Ֆրանսիայի նոր Կալեդոնիայի անդրծովյան տարածքի ափերի մոտ: Այս մասին հայտնում է ԱՄՆ երկրագիտական ծառայությունը (USGS): Երկրաշարժը գրանցվել է 05.44-ին, Թադին քաղաքից 280 կմ հարավ-արևելք: Օջախը գտնվել է տասը կիլոմետր խորության վրա: Հնարավոր տուժածերի կամ ավերածությունների մասին տեղեկություններ չկան:
Աղբյուր՝ ria.ru
Հոլիվութդյան հայտնի դերասան Բրյուս Ուիլիսը կհրաժարվի իր դերասանական կարիերայից աֆազիայի ախտորոշումից հետո: Հիվանդության պատճառով խանգարվում է մարդու խոսելու և գրելու մարդու կարողությանը: Դերասանի ընտանիքը, այդ թվում՝ կինը՝ Էմմա Հեմինգ-Ուիլիսն ու նախկին կինը՝ Դեմի Մուրը, նրա վիճակի մասին հայտնել են չորեքշաբթի Instagram-ում:
Աղբյուր՝ bbc.com
Ավստրալիայի հարավային ափին հինգշաբթի ուղղաթիռ է կործանվել, որում չորս ուղևոր է եղել։ Փրկվածների որոնումը շարունակվում է, սակայն այն զգալիորեն խոչընդոտվում է ցածր ամպամածության և եղանակային բարդ պայմանների պատճառով: Այս մասին հայտնել են Վիկտորիա նահանգի ոստիկանությունից:
Աղբյուր՝ tass.ru
Ամերիկացի դերասան Ալեք Բոլդուինը ութերորդ անգամ հայր կդառնա: Ընտանիքում համալրման մասին սոցիալական ցանցերում հայտնել է դերասանի կինը՝ Հիլարիան: «Մենք գրեթե համոզված էինք, որ մեր ընտանիքը ամբողջական է, և մենք աներևակայելի ոգևորված ենք այս անակնկալով: Մեր նորածին փոքրիկը պայծառ իրադարձություն է մեր կյանքում: Սա օրհնություն է և նվեր այս հակասական ժամանակներում»,- գրել է Հիլարիան:
Աղբյուր՝ kulturomania.ru
Մարտի 29-ին Real America's Voice-ի եթերում հեռարձակված հարցազրույցում ԱՄՆ նախկին նախագահ Դոնալդ Թրամփը պնդել է, որ Ելենա Բատուրինան՝ Մոսկվայի նախկին քաղաքապետ Յուրի Լուժկովի կինը, 3,5 միլիոն դոլար է վճարել Հանթեր Բայդենին: Բայդենը հերքում է դա:
Աղբյուր՝ dw.com
Լեհաստանը միջոցներ կձեռնարկի ռուսական նավթից և գազից անկախանալու համար մինչ 2022 թվականի վերջ: Այս մասին չորեքշաբթի հայտարարել է Լեհաստանի վարչապետ Մատեուշ Մորավիեցկին: Թեև երկիրն արդեն մեծապես անկախ է ռուսական մատակարարումից, Լեհաստանն այժմ պատրաստվում է առաջ քաշել ցանկացած եվրոպական երկրի ամենաարմատական ծրագիրը՝ ամբողջությամբ դադարեցնելու ռուսական ներմուծումը, նշել է Մորավիեցկին:
Աղբյուր՝ aljazeera.com
Ֆրանսիայի և «ՊՍԺ»-ի հարձակվող Կիլիան Մբապեն հրաժարվել է մասնակցել Քաթարում կայանալիք ԱԱ-2022-ի եզրափակիչ փուլի վիճակահանությունից: Այս մասին հայտնում է L'Equipe ֆրանսիական պարբերականը: Աղբյուրի փոխանցմամբ՝ Ֆրանսիայի ֆուտբոլի ֆեդերացիան պայմանավորվածություն է ունեցել ԱԱ-2022-ի կազմակերպիչների հետ, սակայն խաղացողը չի համաձայնվել մասնակցել դրան՝ նշելով, որ ինքը ազգային հավաքականի ավագը չէ:
Աղբյուր՝ gazeta.ru
Նոր վերլուծությունը ցույց է տալիս, որ 2021 թվականին առաջին անգամ քամու և արևի միջոցով արտադրվել են համաշխարհային էլեկտրաէներգիայի 10%-ը: Ըստ բրիտանական Ember հետազոտական կենտրոնի հիսուն երկրներ իրենց էներգիայի ավելի քան մեկ տասներորդը ստանում են հողմային և արևայինաղբյուրներից: Էլեկտրաէներգիայի պահանջարկն աճում է ռեկորդային տեմպերով:
Աղբյուր՝ bbc.com
Մեծ Բրիտանիան չի դիտարկում ռուսական գազի դիմաց ռուբլով վճարելու հարցը: Այս մասին հայտնել է Reuters-ը՝ վկայակոչելով վարչապետ Բորիս Ջոնսոնի խոսնակին: Նա նաև հնարավոր է համարել պատժամիջոցների խստացումը՝ ռուսական բանկերի մուտքը SWIFT համակարգ սահմանափակելու հարցում:
Աղբյուր՝ ria.ru
Կատվի տերը հրշեջներին ասել է, որ քնած է եղել բնակարանում, որտեղ միացված է եղել հեռուստացույցը: Հանկարծ Պուզիկը սկսել է մլավելով կծոտել և ճանկռել նրա ձեռքը: Տղամարդը արթնացել է և տեսել, որ հեռուստացույցը վառվում է, բնակարանը լցված է ծխով։ Շտապ դուրս վազելով՝ նա չի հասցրել հետը տանել իր փրկչին: Հրշեջները կատվին հայտնաբերել են ծխով լցված սենյակում. նա պառկած է եղել մի անկյունում՝ ցնցումների մեջ: Մանրամասները հայտնել է «Ինտերֆաքս»-ը:
Իրանը դեմ է Ռուսաստանի դեմ միակողմանի պատժամիջոցների սահմանմանը: Այս մասին չորեքշաբթի հայտարարել է Իրանի արտգործնախարար Հոսեյն Ամիր Աբդոլլահիանը՝ Չինաստանում ՌԴ ԱԳ նախարար Սերգեյ Լավրովի հետ հանդիպման ընթացքում։
Աղբյուր՝ tass.ru
«Մեծ սաղավարտի» ճապոնացի քառակի չեմպիոնը, ով մրցաշարում դեռևս ոչ մի սեթ չի պարտվել, վաստակել է 13 էյս 6-2 6-1 հաշվով հաղթանակում, որը տևել է ուղիղ մեկ ժամ: Ավստրալիայի բաց առաջնության եզրափակչի մասնակից Քոլինզը, կարծես, ամբողջ հանդիպման ընթացքում պարանոցի վնասվածք է ուներ: Կիսաեզրափակիչում Օսական կխաղա շվեյցարացի Բելինդա Բենչիչի հետ:
Աղբյուր՝ bbc.com
YouTube-ի պաշտոնական ալիքում HBO Max հոսքային ծառայությունը հրապարակել է «Սանդուղք» մինի սերիալի առաջին թրեյլերը, որում գլխավոր դերը կատարում է 61-ամյա բրիտանացի դերասան Քոլին Ֆերթը: «Թագավորի ելույթը» և «Բրիջիթ Ջոնսի օրագիրը» ֆիլմերի աստղը մարմնավորել է հանցագործ Մայքլ Պիտերսոնին: Սերիալի սյուժեն հիմնված է Պիտերսոնի կյանքի իրական պատմության վրա:
Աղբյուր՝ gazeta.ru
Չորեքշաբթի ՉԺՀ արտգործնախարար Վան Յին հանդիպել է իր ռուս գործընկեր Սերգեյ Լավրովի հետ արևելյան Անհույ նահանգում, որտեղ Չինաստանը պետք է կազմակերպեր երկօրյա հանդիպումներ Աֆղանստանի վերաբերյալ, հաղորդում է CGTN պետական հեռուստաալիքը: Աֆղանստանի հարցերով ԱՄՆ հատուկ ներկայացուցիչ Թոմ Ուեսթը նույն վայրում կմասնակցի «Ընդլայնված եռյակի» (Չինաստան, Ռուսաստան և Միացյալ Նահանգներ, գումարած Պակիստան) առանձին հանդիպմանը, ասել է ԱՄՆ Պետդեպարտամենտի խոսնակը:
Աղբյուր՝ reuters.com
Մայիսի 21-31-ը կայանալիք միջոցառումների համար վերանորոգման աշխատանքներ են ընթանում՝ ըստ ժամանակացույցի: Ակնկալվում է 35 երկրի մասնակցություն: Հայաստան կժամանի մոտավորապես 280 բռնցքամարտիկ: Կարապի լճի հարակից տարածքում ստեղծվելու է ֆան-գոտի, տեղադրվելու է մեծ էկրան:
Աղբյուր՝ ՀՀ ԿԳՄՍ նախարարություն
Հյուսիսային Կորեան կեղծել է անցյալ շաբաթ իր, ինչպես վերլուծաբաններն են կոչել, «հրեշ հրթիռի» արձակումը: Այս մասին չորեքշաբթի հայտարարել է Հարավային Կորեայի պաշտպանության նախարարությունը՝ հավելելով, որ փորձարկումն իրականում նույն միջմայրցամաքային բալիստիկ հրթիռն էր, որը Փհենյանը արձակել էր 2017 թվականին:
Աղբյուր՝ france24.com
Լրահոս
Տեսանյութեր
Սուրեն Սարգսյան. Ստորագրված փաստաթղթով ԱՄՆ-ն անվտանգության երաշխիքներ չի տրամադրում Հայաստանին
