Կարճ լուրեր
Ռուսաստանի Դաշնության նախագահի օգնական Վլադիմիր Մեդինսկին հայտնել է, որ Կիևը խոստանում է հրաժարվել ռազմական դաշինքներին միանալուց: «Ուկրաինան հրաժարվում է միանալ ռազմական դաշինքներին, օտարերկրյա ռազմակայաններ, կոնտինգենտներ տեղակայել, զորավարժություններ անցկացնել Ուկրաինայի տարածքում՝ առանց երաշխավոր երկրների, այդ թվում՝ Ռուսաստանի Դաշնության, համաձայնության», - ասել է նա ռուսական Առաջին ալիքի եթերում:
Աղբյուր՝ ria.ru
Երեքշաբթի Մեծ Բրիտանիայի թագուհի Էլիզաբեթը հինգ ամսվա ընթացքում առաջին անգամ ներկայացավ հանրությանը, երբ նա միացավ թագավորական ընտանիքին և այլ բարձրաստիճան անձանց՝ մասնակցելու անցյալ տարի մահացած իր ամուսնու՝ արքայազն Ֆիլիպի հիշատակի արարողությանը:
Աղբյուր՝ reuters.com
28 տարեկանում մահացել է բելգիական «Սերկլ Բրյուգեի» ֆուտբոլիստ Միգել վան Դամը։ Այս մասին հայտնում է HLN.be-ն: Դարպասապահի մահվան պատճառը լեյկոզն է եղել, ինչից մարզիկը բուժվում էր 2016 թվականից: Թիմը հայտնել է, որ 2019 թվականին Վան Դամի օրգանիզմում հիվադությունը սկսել էր նահանջել, սակայն հետո այն շարունակել է զարգանալ:
Աղբյուր՝ lenta.ru
«Բրենտֆորդի» կիսապաշտպան Քրիստիան Էրիկսենը Սերբիայի հետ ընկերական խաղում կնշանակվի Դանիայի հավաքականի ավագ, հայտնում է Daily Mail-ը: Աղբյուրի փոխանցմամբ՝ Դանիայի հավաքականի ավագ Կասպեր Շմեյխելը որոշել է թևկապը հանձնել Էրիկսենին:
Աղբյուր՝ sport-express.ru
ԿԳՄՍ նախարարությունում հանդիպում է տեղի ունեցել Հայաստանի գործատուների հանրապետական միության (ՀԳՀՄ) ներկայացուցիչների, միջին մասնագիտական և նախնական արհեստագործական ուսումնական հաստատությունների տնօրենների մասնակցությամբ: Հանդիպման ընթացքում քննարկվել են կադրերի պատրաստման գործընթացին, ձեռնարկատիրական կրթության և մի շարք այլ խնդիրների հետ կապված հարցեր:
Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն
Ըստ երկու երկրների կառավարությունների և ոլորտի պատասխանատուների՝ Թուրքիա-Իսրայել գազամուղը քննարկվում է կուլիսներում՝ որպես ռուսական էներգակիրների մատակարարումների եվրոպական այլընտրանքներից մեկը, սակայն ցանկացած գործարքի հասնելու համար բարդ մանևրներ կպահանջվեն: Գաղափարը Թուրքիայից դեպի Իսրայելի ափամերձ տարածքում գտնվող ամենամեծ Լևիաթան հանքավայրից ստորջրյա խողովակաշար կառուցելն է:
Աղբյուր՝ reuters.com
Երեքշաբթի ամբողջ աշխարհից թագավորական ընտանիքների ավագ անդամները հավաքվում են Վեսթմինսթերյան աբբայությունում արքայազն Ֆիլիպի հիշատակի արարողության համար, որը կներառի օրհներգեր և արարողակարգի այլ նրբերանգներ, որոնք հանվել էին նրա հուղարկավորությունից անցյալ տարի համաճարակի պատճառով: Հիշատակի միջոցառմանը ներկա կլինեն մոտ 1800 հյուրեր: Դեռ պարզ չէ, արդյոք 95-ամյա թագուհին միջոցառմանը ներկա կլինի, թե ոչ:
Աղբյուր՝ apnews.com
Էզրա Միլլերը ձերբակալվել է մարտի 28-ին՝ խուլիգանության և ոտնձգությունների կասկածանքով, հայտնում է The Honolulu Star-Advertiser-ը: Միջադեպը տեղի է ունեցել Հիլո քաղաքում: Ականատեսների խոսքով՝ 29-ամյա դերասանը սուր քննադատության է ենթարկել կարաոկե երգողներին, անպարկեշտ խոսքեր է բղավել, մի 23-ամյա կնոջ ձեռքից խլել խոսափողը և նետվել դարթս խաղացող 32-ամյա տղամարդու վրա։ Նա ձերբակալվել է և ավելի ուշ 500 դոլար գրավի դիմաց ազատ արձակվել:
Աղբյուր՝ gazeta.ru
Ժաիր Բոլսոնարոն երկուշաբթի ընդունվել է Բրազիլիայի զինվորական հոսպիտալ՝ վատ ինքնազգացողությունից հետո հետազոտություններ անցնելու համար: Այս մասին հայտնել է տեղական մամուլը: 67-ամյա Բոլսոնարոն, ով 2018 թվականի նախագահական քարոզարշավի ժամանակ դանակահարվել էր որովայնի շրջանում և առողջական լուրջ խնդիրներ ունեցել, բացակայում էր Հանրապետական կուսակցության կազմակերպած երեկոյան միջոցառմանը, որին պետք է մասնակցեր:
Աղբյուր՝ france24.com
Պեդրո Կաստիլյոն երկուշաբթի խուսափեց երկրի գերակշռող ընդդիմադիր օրենսդիր մարմնի կողմից իմփիչմենթից ավելի քան ութ ժամ տևած խորհրդարանական քննարկումներից հետո: Իմփիչմենտի օգտին քվեարկել է 55 օրենսդիր, դեմ՝ 54, ձեռնպահ՝ 19: Նախագահի քննադատներին անհրաժեշտ էր 87 ձայն՝ առաջնորդին իմփիչմենթի ենթարկելու համար, ով մեղադրվում էր կոռուպցիայի մեջ:
Աղբյուր՝ aljazeera.com
Գյուղատնտեսական ակտիվ սեզոնի բացմանն ընդառաջ ՀՀ ՍԱՏՄ ղեկավարությունը քննարկում է անցկացրել ոլորտում գործող ֆերմերների ու հասարակական կազմակերպությունների ներկայացուցիչների հետ: ՍԱՏՄ ղեկավարը խիստ կարևորել է ագրոնոմիական մասնագիտությունները՝ թե՛ սննդամթերքի, թե՛ պարենային անվտանգության առումով: Նա խոսել է նաև Տեսչական մարմնի կողմից ֆերմերներին և գյուղացիներին ագրոքիմիկատների և պեստիցիդների հետ կապված խորհրդատվություն մատուցելու պատրաստակամության մասին:
Աղբյուր՝ ՀՀ ՍԱՏՄ իրազեկման, խորհրդատվության և հանրության հետ տարվող աշխատանքների բաժին
Իտալական Ռիվիերայում բլրի վրա գտնվում է մի փոքրիկ գյուղ, որի մեծ երազանքն է դառնալ անկախ պետություն: Սեբորգայի իշխանությունն արդեն ունի իր դրոշը, ազգային օրհներգը, անձնագրերը, կնիքները, արժույթը և միապետին: Այն օրինական ինքնիշխանության է ձգտում 1960-ականներից ի վեր: Այժմ Սեբորգան պարզապես գեղատեսիլ գյուղ է Իտալիայի հյուսիսային Իմպերիա նահանգում, ունի 300-ից փոքր-ինչ քիչ բնակչություն և զբաղեցնում է մոտ հինգ քառակուսի մղոն տարածք:
Աղբյուր՝ cnn.com
«Ես ուզում եմ մնալ, բայց իմ ապագան ինձնից կախված չէ: Սակայն եթե հաջորդ մրցաշրջանում ինձ չհաջողվի հանդես գալ «Յուվե»-ում, ես մեկ է կմնամ թիմի երկրպագուն»,- Մորատայի խոսքերը մեջբերում է Football Italia-ն: Մորատան «Յուվենտուսում» է հանդես գալիս 2020 թվականից՝ Մադրիդի «Ատլետիկոյից տեղափոխվելով երկու տարի վարձակալությամբ: «Յուվենտուսը» հարձակվողին գնելու տարբերակ ունի, որը կկազմի 35 միլիոն եվրո:
Աղբյուր՝ sport-express.ru
«Tsifrovyye Platformy» շահույթ ստանալու նպատակ չհետապնդող կազմակերպությունը մշակում է «Android Google Play»-ի հավելվածների խանութի անալոգը, որը կոչվում է NashStore: Գործարկումը նախատեսված է մայիսի 9-ին: Այս մասին «ՌԻԱ Նովոստի»-ին հայտնել է կազմակերպության նախագծի տնօրեն Վլադիմիր Զիկովը: Նա նշել է, որ NashStore-ը Android-ի համարնախատեսված հավելվածների խանութ է:
Սպոթ անունով չորսոտանի ռոբոտը ուղարկվել է շրջելու Հին Պոմպեյի ավերակներով՝ բացահայտելու կառուցվածքային և անվտանգության խնդիրները՝ գետնի տակ խորանալիս ստորգետնյա մասունքների գողերի փորած թունելները զննելու համար: Սպոթն ի վիճակի է ստուգել նույնիսկ ամենափոքր տարածքները՝ միաժամանակ «հավաքելով և գրանցելով տվյալներ, որոնք օգտակար են միջամտությունների ուսումնասիրության և պլանավորման համար»: Այս մասին հայտնում են պարկի պատասխանատուները:
Աղբյուր՝ theguardian.com
Առնվազն երեք մարդ է զոհվել երկուշաբթի, երբ Մեքսիկայի կենտրոնական Մորելոս նահանգում փոքր ինքնաթիռը ընկել է սուպերմարկետի շենքի վրա: Այս մասին հայտնում է մարզային կառավարությունը հրապարակային հաղորդագրության մեջ: Եվս չորսը վիրավորվել են: Ողբերգությունը տեղի է ունեցել Տեմիսկոյի տարածքում:
Աղբյուր՝ tass.ru
Ռուս միլիարդատեր Ռոման Աբրամովիչը և խաղաղության ուկրաինացի բանակցողները այս ամսվա սկզբին Կիևում կայացած հանդիպումից հետո թունավորման կասկածելի ախտանիշներ են ունեցել: Այս մասին երկուշաբթի հայտնել են Wall Street Journal-ը և Bellingcat հետաքննական նախագիծը՝ վկայակոչելով գործին ծանոթ մարդկանց: Աբրամովիչը և ուկրաինական խմբի առնվազն երկու բարձրաստիճան անդամներ տուժել են, ասվում է WSJ-ի զեկույցում:
Աղբյուր՝ france24.com
Ուկրաինայի բնակիչների համար մարդասիրական օգնությամբ առաջին թռիչքը կուղարկվի այսօր՝ մարտի 29-ին: Ավստրալիայի արտգործնախարար Մարիս Փեյնը երկուշաբթի երեկոյան ասել է, որ կուղարկվեն հիգիենայի պարագաներ, արևային էներգիայով աշխատող լամպեր, խոհանոցային պարագաներ և որոշ առաջին անհրաժեշտություն այլ պարագաներ:
Источник: tass.ru
Լրահոս
Տեսանյութեր
Սուրեն Սարգսյան. Ստորագրված փաստաթղթով ԱՄՆ-ն անվտանգության երաշխիքներ չի տրամադրում Հայաստանին
