Կարճ լուրեր
Ամերիկացի դերասանը այն կստեղծի Chive Media Group-ի հետ միասին: Այս մասին հայտնում է Hypebeast-ը: Նախագիծը կկոչվի «Official Bill Murray NFT 1000»: Այն կներառի դերասանի նկարները, որոնք կուղեկցվեն նրա կյանքի պատմություններով: Դրանցում արտիստը կպատմի նկարահանման հրապարակում հիշարժան հանդիպումների և զվարճալի դեպքերի մասին:
Աղբյուր՝ daily.afisha.ru
Beatles-ի լեգենդ Ջոն Լենոնի որդին պաշտոնապես բացել է Յոկո Օնո Լենոնի կենտրոնը, որտեղ գտնվում է Լիվերպուլի համալսարանի նոր 400 նստատեղանոց համերգասրահը՝ The Tung Auditorium-ը: 46-ամյա Շոն Լենոնը պատմել է իր մոր՝ Յոկո Օնոյի «մեծ սիրո մասին Լիվերպուլի հանդեպ»՝ քաղաքում նրա անունը կրող նոր համերգային կենտրոնը բացելիս: Նա նշել է, որ իր մայրը հոգ է տանում Լիվերպուլում հոր ժառանգությունը պահպանելու մասին:
Աղբյուր՝ bbc.com
Իսպանիայի վարչապետ Պեդրո Սանչեսը հայտարարել է, որ Իսպանիան և Պորտուգալիան կկարողանան ներդնել իրենց սեփական միջոցները՝ ուղղված էլեկտրաէներգիայի գնի նվազեցմանը: Նման որոշում է կայացվել Բրյուսելում ԵՄ առաջնորդների հանդիպման ժամանակ:
Աղբյուր՝ ria.ru
Եմենի հութիները հայտարարել են, որ ուրբաթ հարձակումներ են իրականացրել Սաուդյան Արաբիայի էներգետիկ օբյեկտների վրա, իսկ Սաուդյան Արաբիայի գլխավորած կոալիցիան հայտարարել է, որ Ջիդայում նավթային հսկա Aramco-ի նավթաբաշխիչ կայանի վրա հարվածի հետևանքով հրդեհվել է երկու պահեստ, սակայն ոչ ոք չի տուժել:
Աղբյուր՝ reuters.com
Շվեդական Spotify աուդիո հոսքային պլատֆորմը որոշել է ամբողջությամբ դադարեցնել իր գործունեությունը Ռուսաստանում: Ամբողջական անջատումը կարող է տեղի ունենալ ապրիլին: Ընկերությունը որպես պատճառ նշել է «ֆեյքերի մասին օրենքը»: Այսմասին ուրբաթ հայտնել են շվեդական Expressen և DiGital հրատարակչությունները:
Աղբյուր՝ interfax.ru
Ֆարերյան կղզիներում, որտեղ տեղի են ունեցել գործակալ 007-ի մասին ֆրանշիզայի վերջին մասի նկարահանումները, բացվել է Ջեյմս Բոնդի հուշարձանը: Այս մասին հաղորդում է Comicbook-ը: Տեղադրվածը տապանաքար է՝ «Ջեյմս Բոնդի հիշատակին» և 1962-2021 թթ. կյանքի տարիների մակագրությամբ:
Աղբյուր՝ kulturomania.ru
Ավստրիայի հարավ-արևելքում՝ Շտիրիա շրջանում, տղամարդն ընկել է ժայռից և ողջ է մնացել՝ մոտ 130 մետր գլորվելուց հետո: Տեղական լրատվամիջոցների փոխանցմամբ՝ ընկնելուց հետո տուժածը ողջ է մնացել և կարողացել է կապ հաստատել փրկարարական ծառայության հետ: Միաժամանակ, ստացած վնասվածքները թույլ չեն տվել նրան ճիշտ տեղորոշել իր գտնվելու վայրը։ 39-ամյա տղամարդուն օգնության են հասել այլ ալպինիստներ, ովքեր պատահաբար եղել են մոտակայքում:
Աղբյուր՝ vesti.ru
Հարյուրավոր էթնիկ սերբեր Կոսովոյում բողոքի ցույց են անցկացրել՝ ճնշում գործադրելու կառավարության վրա՝ թույլ տալու նրանց քվեարկել հարևան Սերբիայում ապրիլի 3-ին կայանալիք համընդհանուր ընտրություններում: Ուրբաթ օրը ցուցարարները հավաքվել էին Միտրովիցայում, պաստառներով՝ «Մենք ցանկանում ենք մեր իրավունքները» և «Կուրտին մեզ չի քշի Կոսովոյից», նկատի ունենալով Կոսովոյի վարչապետ Ալբին Կուրտիին:
Աղբյուր՝ aljazeera.com
Մոսկվայում վաճառքի է հանվել քվարցային ժամացույցը, որը նախկինում պատկանել է չինացի դերասան Ջեքի Չանին: Համապատասխան գրառումը հայտնվել է «ՎԿոնտակտե հայտարարություններ»-ի ծառայությունում: Հայտարարության հեղինակի խոսքով՝ Չանը ժամացույցը նվեր է տվել իր հորը, ով 1990-ականներին աստղին պտտել է Մոսկվայով:
Աղբյուր՝ lenta.ru
Հինգշաբթի Պերուի դատարանն արգելել է նախկին նախագահ Ալբերտո Ֆուխիմորիին լքել երկիրը, երբ դուրս գա բանտից, որտեղ նա 25 տարվա պատիժ էր կրում սպանության համար:
Աղբյուր՝ france24.com
Չինական «Tencent Video» և «iQiyi» հոսքային ծառայությունները հեռացրել են Կիանու Ռիվզի մասնակցությամբ բոլոր ֆիլմերն ու տեսանյութերը: Մնացել է «Խաղալիքների պատմություն 4» մուլտֆիլմը, որում Ռիվզը հնչյունավորել է կերպարներից մեկին: Ֆիլմերը հեռացնելու պատճառը Տիբեթին նվիրված համերգն է, որ տեղի է ունեցել Նյու Յորքում մարտի 3-ին: Միջոցառումը կազմակերպել էր Tibet House US կազմակերպությունը, որը հիմնադրել է Չինաստանի մաս կազմող Տիբեթի առաջնորդ Դալայ լաման:
Աղբյուր՝ kulturomania.ru
Google-ի հետազոտողները փնտրում են շաքարախտը հայտնաբերելու ուղիներ՝ սմարթֆոններով լուսանկարներից նկարներ անելու միջոցով: Այս մասին հայտնում է ZDNet պորտալը՝ հղում անելով Google AI բլոգի հոդվածներին: Պարզելու համար, թե արդյոք շարժական կապի սարքերի տեսախցիկներով արված պատկերները կարող են օգնել բացահայտել հիվանդության տարբեր ձևերը, գիտնականները կլինիկական փորձարկումներ կանցկացնեն EyePACS-ի և Chang Gung Memorial Hospital-ի հետ:
Աղբյուր՝ gazeta.ru
Չինաստանի արտգործնախարար Վան Յին ուրբաթ հանդիպել է իր հնդիկ գործընկերոջ և ազգային անվտանգության խորհրդականի հետ՝ արագացնելու հազարավոր հնդիկ և չինացի զինվորականների դուրսբերումը, որոնք ներգրավված են լարված առճակատման և երբեմն-երբեմն փոխհրաձգությունների մեջ իրենց վիճելի սահմանի երկայնքով: 2020 թվականի հունիսին տեղի ունեցած դաժան ծեծկռտուքը մահակներով, քարերով և բռունցքներով ձեռնամարտի էր վերածվել, որի հետևանքով զոհվել էին 20 հնդիկ և չորս չինացի զինվոր:
Աղբյուր՝ apnews.com
Թուրքիան չի միանա ՌԴ-ի դեմ պատժամիջոցներին, ասել է Թուրքիայի նախագահ Թայիփ Էրդողանը՝ ՆԱՏՕ-ի գագաթնաժողովից վերադառնալիս իր ինքնաթիռում թուրք լրագրողներին տված հարցազրույցում: Նրա խոսքով՝ Թուրքիան չի կարող դադարեցնել «Աքքույու» ատոմակայանի նախագիծը, ստիպել իր քաղաքացիներին սառել առանց ռուսական գազի: Երկու երկրները բանակցում են զբոսաշրջության, առևտրի ոլորտում ազգային արժույթներով հաշվարկների ավելացման շուրջ, նշել է Թուրքիայի ղեկավարը։
Աղբյուր՝ vesti.ru
Սասեքսի դքսուհին կվարի Archetypes աուդիո փոդքասթի շարքը՝ կանանց հետ կապված պատմական կարծրատիպերի մասին: Սա Spotify-ի հետ բազմամիլիոնանոց գործարքի առաջին նախագիծն է, որը նա կնքել է ամուսնու՝ Բրիտնիայի արքայազն Հարիի հետ: Փոդքասթի ձայնագրմանը կմասնակցեն պատմաբաններ և այլ փորձագետներ, ազդեցիկ կանայք:
Աղբյուր՝ deadline.com
Կուստուրիցայի և նրա The No Smoking Orchestra խմբի համերգը պետք է տեղի ունենար Բարսելոնայի Կատալոնյան երաժշտության պալատում մարտի 30-ին: Այս պահին պալատի կայքում նշված է, որ համերգը հետաձգվել է։ Պատճառը չի նշվում: Տեղական ԶԼՄ-ների փոխանցմամբ՝ համերգը հետաձգվել է Կատալոնիայում ուկրաինական սփյուռքի բողոքի պատճառով:
Աղբյուր՝ kulturomania.ru
Ջարեդ Լետոն աստղ է եղել տասնամյակներ շարունակ, սակայն միայն հիմա՝ 50 տարեկանում է նա գլխավորում է իր առաջին խոշոր բլոկբասթերը՝ վերածվելով վամպիրի Marvel-ի «Մորբիուս» ֆիլմում: Ֆիլմի մասին նա զրուցել է Ֆրանսպրես հետ: «Հուզված եմ: Ես խաղացել եմ շատ փոքր դերեր ավելի մեծ ֆիլմերում և դրանց վրա եմ կարիերա ստեղծել, ուստի հետաքրքիր է նկարահանվել մի ֆիլմում, որն ինչ-որ նոր, տարբերվող բան է: Ես սիրում եմ մեծ, զվարճալի, փոփքորնով դիտելու ֆիլմեր»,- ասել է Լետոն:
ՀՀ ԳԱԱ Սևանա լճի պահպանության փորձագիտական հանձնաժողովը և EU4Sevan ծրագրի թիմը քննարկեցին Սևանա լճի էկոլոգիական վիճակի բարելավման տարներակները: Քննարկմանը տեխնիկական գիտությունների թեկնածու Ալեքսեյ Թարվերդյանը հայտնեց. «Շրջակա միջավայրի նախարարության կողմից մշակվում է նախագիծ, որով նախատեսվում է գոյություն ունեցող մաքրման կայանների փոխարեն տեղադրել լոկալ մաքրման կայաններ: Ծրագրի շրջանակներում պետք է գնահատել՝ տեղադրել այդ լոկալ կայանները, թե՝ ոչ, ինչ անել գոյություն ունեցող հզոր կայանների հետ»:
Աղբյուր՝ ՀՀ ԳԱԱ գիտության հանրայնացման և հասարակայնության հետ կապերի բաժին
Լրահոս
Տեսանյութեր
Արցախի ղեկավարությունը Բաքվում է, որովհետև նրանք առաջնորդել են մեր քաղաքական պայքարը. Բեգլարյան
