Կարճ լուրեր
WTA վարկանշային աղյուսակի առաջին հորիզոնականը զբաղեցնող 25-ամյա Էշլի Բարթին հանկարծ որոշել է հեռանալ թենիսից: Ավստրալացի թենիսիստուհին իր հեռանալու մասին գրել է սոցիալական ցանցում: «Ես շնորհակալ եմ թենիսին ամեն ինչի համար: Լքում եմ սպորտը հպարտության և բավարարվածության զգացումով»,- Էշլի Բարթիի խոսքերն է մեջբերում Sport 24-ը:
Աղբյուր՝ vesti.ru
Պաղեստինցին գնդակահարվել և սպանվել է այն բանից հետո, երբ նա դանակով հարձակում է իրականացրել Իսրայելի հարավային Բեեր Շևա քաղաքի առևտրի կենտրոնի մոտ, որի հետևանքով մահացել է առնվազն չորս մարդ, ևս երկուսը վիրավորվել են: Տեղական լրատվամիջոցները պարզել են, որ ենթադրյալ հարձակվողը 33-ամյա Ահմեդ ալ-Քիան է, ուսուցիչ, ով ծագումով Նեգև շրջանի Հուրա քաղաքից էր և բանտարկվել էր ԻՊ խմբավորման հետ ենթադրյալ կապերի համար:
Աղբյուր՝ aljazeera.com
Բացի ծխողներից, թոքերի քաղցկեղի զարգացման ռիսկի խումբը ներառում է ընտանիքում ուռուցքային հիվանդության պատմություն ունեցող պացիենտներ, խոշոր քաղաքների և շրջակա միջավայրի անբարենպաստ շրջանների բնակիչներ: Այս մասին «ՌԻԱ Նովոստի»-ին հայտնել է բժշկական գիտությունների թեկնածու, ՌԴ Ա.Վ. Վիշնևսկու անվան Վիրաբուժության ազգային հետազոտական բժշկական կենտրոնի կրծքային վիրաբուժական բաժանմունքի վարիչ Ալեքսեյ Պեչետովը:
Վնասվածքը տեղի է ունեցել շաբաթ օրը Ինդիան Ուելսի կիսաեզրափակիչում՝ Կառլոս Ալկարասի դեմ իսպանացու հաղթանակի ժամանակ: «Մեծ սաղավարտի» 21-ակի չեմպիոնը դժվարությամբ է շնչել և ասել է, որ գլխապտույտ է զգացել եզրափակչի խաղի ժամանակ,որիընթացքում պարտվել է Թեյլոր Ֆրիցին: Սպասվում է, որ 35-ամյա Նադալը բաց կթողնի հաջորդ ամիս Մոնտե Կառլոյում և Բարսելոնայում կայանալիք կայանալիք երկու մրցաշարերը:
Աղբյուր՝ bbc.com
Մետե Ֆրեդերիկսենը հայտարարել է, որ ուկրաինացի փախստականները չպետք է ինտեգրվեն դանիական հասարակությանը, այլ, հենց որ հնարավորություն ընձեռվի, վերադառնան հայրենիք և զարգացնեն սեփական երկիրը: «Փախստական լինելը ժամանակավոր է, ուստի դուք պետք է վերադառնաք և օգնեք կառուցել ձեր հայրենիքը, երբ հնարավորություն ընձեռնվի: Դա մեզ թույլ է տալիս օգնել մյուս փախստականներին», - վարչապետի խոսքերն է մեջբերում դանիական ռադիոն:
Աղբյուր՝ ria.ru
Ամստերդամի «Այաքսի» և Կամերունի ֆուտբոլի ազգային հավաքականի դարպասապահ Անդրե Օնանան լուրջ վթարի է ենթարկվել 2022 թվականի աշխարհի առաջնության փլեյ-օֆֆի Ալժիրի դեմ խաղի նախաշեմին: Դեպքը տեղի է ունեցել, երբ խաղացողը Կամերունի մայրաքաղաք Յաունդեից մեքենայով գնում էր Դուալա քաղաք: Ուժեղ բախման հետևանքով երկու մեքենաներն էլ խիստ վնասվել են: Չնայած ուժգին հարվածին, վարորդներից և ուղևորներից ոչ ոք չի տուժել:
Աղբյուր՝ vesti.ru
Փետրվարին ծննդյան 85-ամյակը նշած թագավոր Հարալդ V-ի կորոնավիրուսի թեստը դրական է եղել, երեքշաբթի հայտնել է թագավորական պալատի մամուլի ծառայությունը: «Նորին Արքայական Մեծություն Թագավորի կորոնավիրուսի թեստի պատասխանը դրական է: Միապետն ունի թեթև ախտանիշներ և առաջիկա օրերը կանցկացնի հիվանդության արձակուրդում», - ասվում է հայտարարության մեջ: Թագավորի պարտականությունները ժամանակավորապես կկատարի թագաժառանգ արքայազն Հակոնը:
Աղբյուր՝ ria.ru
Սպանության կասկածանքով ձերբակալվել է դպրոցի 18-ամյա աշակերտը: Երկու կանայք՝ Մալմյոյի Լատինական դպրոցի աշխատակիցները, շտապօգնության մեքենայով տեղափոխվել են հիվանդանոց, սակայն ստացած վնասվածքներից մահացել են: Ոստիկանության աշխատակիցները վիրավոր կանանց և կասկածյալին հայտնաբերել են դպրոցի երրորդ հարկում: Շվեդական Aftonbladet լրատվականը հայտնում է, որ կասկածյալի մոտ գտել են կացին և դանակ:
Աղբյուր՝ bbc.com
Ջեյմս Քեմերոնի գիտաֆանտաստիկ «Ավատար» ֆիլմի երկար սպասված շարունակության թրեյլերը կներկայացվի 2022 թվականի մայիսի 6-ին: Արկածային մարտաֆիլմի դերասանական կազմում են Զոի Սալդանան, Քեյթ Ուինսլեթը, Միշել Յեոն, Սիգուրնի Ուիվերը, Ջեմեյն Քլեմենթը և այլ դերասաններ:
Աղբյուր՝ kulturomania.ru
Սումեյլու Բուբեյե Մաիգան, ով ձերբակալվել էր անցյալ տարի կոռուպցիայի մեղադրանքով, մահացել է երկուշաբթի հիվանդանոցում չբացահայտված հիվանդությունից:Լուրը հայտնել է նրա փաստաբաններից մեկը: 68-ամյա Մաիգան կալանավորվել էր օգոստոսին՝ մեկ տարի առաջ ռազմական հեղաշրջման արդյունքում պաշտոնանկ արված նախկին նախագահ Իբրահիմ Բուբաքար Քեյթայի կառավարման ժամանակ նախագահական ինքնաթիռ գնելու կասկածանքով:
Աղբյուր՝ reuters.com
Ռուսաստանցի թենիսիստներ Դանիիլ Մեդվեդևը և Կարեն Խաչանովը ընդգրկվել են Հալլեում (Գերմանիա) հունիսի 13-ից 19-ը կայանալիք մրցաշարի հայտացուցակում: Այս մասին համացանցում հայտնել է լրագրող Միխալ Սամուլսկին: Մրցույթին կմասնակցեն նաև Ալեքսանդր Զվերևը, Նիկ Կիրգիոսը, Հուբերտ Հուրկաչը, Յանիկ Սինները և Ֆելիքս Օգեր-Ալիասիմեն:
Աղբյուր՝ sport-express.ru
IQAir ընկերության զեկույցը ցույց է տվել, որ օդի տարեկան միջին աղտոտվածությունը բոլոր երկրներում և քաղաքների 97%-ում գերազանցում է օդի որակի ԱՀԿ-ի ուղեցույցները: Հնդկաստանը, Պակիստանը և Բանգլադեշը օդի աղտոտվածությամբ ամենավատ երկրների թվում են՝ նորման գերազանցելով առնվազն 10 անգամ: Սկանդինավյան երկրները, Ավստրալիան, Կանադան, Ճապոնիան և Մեծ Բրիտանիան օդի որակի առումով առաջին երկրների շարքում են, որտեղ միջին մակարդակը 1-2 անգամ է գերազանցում ուղեցույցը:
Աղբյուր՝ cnn.com
Վրաստանում Կորոնավիրուսի դեմ պայքարի համակարգող խորհուրդը որոշել է մարտի 28-ից չեղարկել բաց տարածքներում դիմակների ռեժիմը և մի շարք այլ սահմանափակումներ: Երկիրը նաև կվերացնի սննդի հաստատությունների, սպորտի, ստեղծագործական և այլ միջոցառումների այցելուների թվի սահմանափակումները: Այս մասին հայտնել է խորհրդի օպերատիվ շտաբի ղեկավար Գեորգի Գիբրաձեն:
Աղբյուր՝ ria.ru
Մեծ Բրիտանիան և Իռլանդիան, ըստ երևույթին, կհայտարարվեն 2028 թվականի Եվրոպայի առաջնության համատեղ հյուրընկալողներ. մինչ վերջնաժամկետը՝ չորեքշաբթի, մրցակցային հայտեր չեն սպասվում: Այս մասին երկուշաբթի հաղորդել է Times-ը: Ակնկալվում է, որ ՈՒԵՖԱ-ն՝ եվրոպական ֆուտբոլի ղեկավար մարմինը, պաշտոնական որոշում կկայացնի ապրիլի 7-ին:
Աղբյուր՝ france24.com
1990-ականների ամերիկացի կինոաստղը կխաղա Թիմ Բարթոնի «Չորեքշաբթի» սերիալում: Թե կոնկրետ ինչ դեր կստանա դերասանուհին, հայտնի չէ, հաղորդում է Deadline-ը: Հայտնի է, որ նախագծում գլխավոր դերը խաղալու է նոր «Ճիչ»-ի աստղ Ջեննա Օրտեգան: Թիմ Բարթոնի նոր նախագիծը բաղկացած կլինի ութ դրվագից:
Աղբյուր՝ kulturomania.ru
Ավելի քան 9 միլիոն երեխաների պոլիոմիելիտի դեմ պատվաստման արշավ է մեկնարկել այս շաբաթ հարավային և արևելյան Աֆրիկայի չորս երկրներում՝ Մալավիում բռնկման հաստատումից հետո: Ըստ ՅՈՒՆԻՍԵՖ-ի, որն աշխատում է կառավարությունների և այլ գործընկերների հետ, պատվաստումների արշավը կընդլայնվի հինգշաբթի՝ ներառելով Մալավիի հարևան երկրները՝ Մոզամբիկը, Տանզանիան և Զամբիան:
Աղբյուր՝ apnews.com
Բրազիլիայի հավաքականի նախկին հարձակվող Ռոնալդոն մեկնաբանել է «Բարսելոնայի» հաղթանակը Մադրիդի «Ռեալի» նկատմամբ (4:0) Իսպանիայի առաջնության 29-րդ տուրի խաղում: «Ես սիրում եմ իսպանական ֆուտբոլը և հետևում եմ դրան,- Ռոնալդոյի խոսքերը մեջբերում է կատալոնական ակումբի պաշտոնական կայքը։ -Վերջին շրջանում կատալոնացիները խնդիրներ ունեին, սակայն Չավիի գալով իրավիճակը շտկվել է։ «Բարսելոնան» կարող է մեծ հաջողության հասնել: Ես տեսա ուժեղ և ագրեսիվ թիմ»:
Աղբյուր՝ sport-express.ru
Էնդի Ուորհոլի կողմից ստեղծված՝ Մերիլին Մոնրոյի դիմանկարը աճուրդի կհանվի Christie's-ի կողմից: Աճուրդի տան փոխանցմամբ՝ ակնկալում է, որ Ուորհոլի 1964 թվականին նկարված «Shot Sage Blue Marilyn» կտավը կարող է դառնալ 20-րդ դարի ամենաթանկ արվեստի գործը, երբ մայիսին այն Նյու Յորքում վաճառվի:
Աղբյուր՝ france24.com
Լրահոս
Տեսանյութեր
Արցախի ղեկավարությունը Բաքվում է, որովհետև նրանք առաջնորդել են մեր քաղաքական պայքարը. Բեգլարյան
