Ձեր վստահելի աղբյուրը

Կալիֆոռնիայի բնակիչն իրեն մեղավոր է ճանաչել՝ մայր արջից երկու քոթոթներին գողանալուց հետո իշխանություններին հայտնելով, որ իրականում չի կարող խնամել նրանց: 29-ամյա Քոդի Դայլոն Սեթցերը և նրա գործընկերը 2019 թվականի մարտին 4 շաբաթական արջերին հանել են Յրեկա շրջանում ընկած ծառի մեջ եղած որջից: Մի քանի շաբաթ անց ամերիկացին զանգահարել էր վայրի բնության վերահսկման ծառայություն և ասել, թե ճանապարհին է գտել կենդանիների, բայց չգիտի, թե ինչ անել նրանց հետ: Սակայն հետաքննությունը այլ բան էր պարզել:

Աղբյուր՝ nypost.com

Յուվենտուսի ղեկավարությունը կադրային փոփոխություններ է ծրագրում մարզչական շտաբում 2022/23 մրցաշրջանում: Այդուհանդերձ թուրինցիների ներկայիս գլխավոր մարզիչ Մասիմիլիանո Ալեգրին կպահպանի իր պաշտոնը, հայտնում է Sky Sport Italia-ն: Հաղորդվում է, որ չնայած Ալեգրին պնդում է, որ դեռ վաղ է 2021/22 մրցաշրջանը ձախողված համարել, ակումբի ղեկավարները կարող են փոխել մարզչական շտաբի մի մասին:

Աղբյուր՝ sport-express.ru

Հայկական ծագումով ամերիկացի երգչուհի Շերը խոստացել է իր տանը ապաստան տալ ուկրաինացի փախստականներին: Նա նրանց հոգատարություն և անվտանգություն է խոստացել: «Իմ կարողություններով շատ մարդիկ պետք է սկսեն օգնել: Եթե ես միայնակ լինեի, երեխաների հետ, տրավմայի ենթարկված, հուսով եմ, որ ինչ-որ մեկը մեր մասին ևս հոգ կտաներ»,- գրել է նա Twitter-ում:

Աղբյուր՝ gazeta.ru

Եվրոպական միության «Քաղաքապետերի դաշնագիր» նախաձեռնությանը միացած Երևանի քաղաքապետարանը ստանձնել է մինչև 2030թ. CO2 արտանետումները 30%-ով նվազեցնելու և հարմարվողականության պլան մշակելու կամավոր հանձնառություն:

Աղբյուր՝ Երևանի քաղաքապետարան 

Արևադարձային Գոմբե ցիկլոնը մեկ շաբաթ առաջ Մոզամբիկին հարվածելուց հետո առնվազն 53 մարդու կյանք է խլել: Աղետների կառավարման ազգային ինստիտուտը (INGC) հինգշաբթի հայտնել է, որ ևս 80 մարդ վիրավորվել է: Երկրի հյուսիսային և կենտրոնական շրջաններում ցիկլոնը վնաս է պատճառել 400,000 բնակչի՝ հեղեղելով քաղաքները և ավերելով տները: Ամբողջությամբ ավերվել է 45,000 տուն, մասամբ՝ 30,000:

Աղբյուր՝ aljazeera.com

Վիճակահանությունը տեղի ունեցավ ուրբաթ Շվեյցարիայի Նիոն քաղաքում գտնվող Եվրոպական ֆուտբոլային ասոցիացիաների միության (ՈՒԵՖԱ) կենտրոնակայանում: Քառորդ եզրափակիչ մյուս զույգերում գերմանական «Լայպցիգը» կխաղա իտալական «Ատալանտայի», անգլիական «Վեսթ Հեմը»՝ ֆրանսիական «Լիոնի», պորտուգալական «Բրագան»՝ շոտլանդական «Ռեյնջերսի» հետ:

Աղբյուր՝ tass.ru

Դիմա Բիլանը կապի է դուրս եկել երկրպագուների հետ Telegram-ի իր ալիքում: Երգիչը պատմել է, որ վիրահատության է ենթարկվել: Ավելի վաղ երգիչը հայտնել էր, որ խնդիրը, որը վաղուց էր մտադիր լուծել, իրեն անհանգստացնում էր տասներկու տարեկանից: Նա մանրամասներ չի կայտնել: Բիլանի խոսքով՝ կորոնավիրուսով վարակվելուց հետո իր վիճակը ավելի էր վատացել:

Աղբյուր՝ vesti.ru

Թեև նա դեռ գործող խաղացող է, նոր ֆիլմի այսօր կայանալիք պրեմիերան կներկայացնի շվեդ ֆուտբոլիստ Զլատան Իբրահիմովիչի պատմությունը՝ կենտրոնանալով Մալմյո քաղաքի աղքատ հատվածում մեծացած աստղի մանկության վրա: «Jag ar Zlatan» (Ես Զլատանն եմ) ֆիլմը հիմնված է համանուն ինքնակենսագրական գրքի վրա:

Աղբյուր՝ france24.com

Ավստրալիայում աղջիկը գլխի, մեջքի և ձեռքի լուրջ վնասվածքներ է ստացել այն բանից հետո, երբ տան շքամուտքում կենգուրուն հարձակվել է նրա վրա: Հինգշաբթի երեկոյան ժամը 5:30-ի մոտակայքում շտապօգնության աշխատակիցներ և փրկարարական ուղղաթիռ է կանչվել Նոր Հարավային Ուելս նահանգի Արմիդեյլ քաղաքում գտնվող տուն: Հարձակումից հետո աղջկան ինքնաթիռով տեղափոխել են Ջոն Հանթերի հիվանդանոց: Երեխայի վիճակը գնահատվել է կայուն ծանր:

Աղբյուր՝ dailymail.co.uk

Չինաստանի և Հյուսիսային Կորեայի միջև առևտրի ծավալը հունվար-փետրվարին երկարատև անկումից հետո տարեկան կտրվածքով աճել է մոտ 41 անգամ և կազմել 136,25 մլն դոլար: Այս մասին ուրբաթ հայտնել է Չինաստանի մաքսային գլխավոր վարչությունը:

Աղբյուր՝ tass.ru

Իսպանացի թենիսիստ Ռաֆայել Նադալը բաց կորտերում տրավ իր կարիերայի 953-րդ հաղթանակը և այս ցուցանիշով հավասարվեց շվեյցարացի Ռոջեր Ֆեդերերին: Ցուցակի երրորդ տեղում Նովակ Ջոկովիչն է՝ 824 հաղթանակով: Այսօր՝ մարտի 18-ին, Նադալը դուրս եկավ Ինդիան Ուելսում ընթացող մրցաշարի կիսաեզրափակիչ: Նա երեք սեթում 7:6 (7:0), 5:7, 6:4 հաշվով գերազանցեց ավստրալացի Նիկ Կիրյոսին:

Աղբյուր՝ sport-express.ru

«Շաբաթ երեկոյան ուղիղ եթերում», ամերիկյան հումորային հեռուստաշոուի աստղ Փիթ Դևիդսոնը հրաժարվել է հաջորդ շաբաթ Ջեֆ Բեզոսի հրթիռով տիեզերք թռչելուց: Նա «այլևս չի կարող միանալ» Blue Origin-ի հաջորդ չվերթի մյուս հինգ ուղևորներին: Այս մասին հինգշաբթի երեկոյան հայտարարել է Բեզոսի տիեզերական ճանապարհորդական ընկերությունը: Այլ մանրամասներ չեն հաղորդվում։

Աղբյուր՝ hollywoodreporter.com

Չեչնիայի ղեկավար Ռամզան Կադիրովը ԱՄՆ նախագահ Ջո Բայդենին անվանել է՝ իրեն համաշխարհային ժանդարմ երևակայող մոլագար, ով հանդգնում է գնահատել ՌԴ նախագահ Վլադիմիր Պուտինին: Բայդենն ավելի վաղ հայտարարել էր, որ Ռուսաստանի ղեկավարին համարում է «ռազմական հանցագործ»:

Աղբյուր՝ ria.ru

Պերուի Սահմանադրական դատարանը որոշում է ընդունել՝ բանտից ազատելու նախկին նախագահ Ալբերտո Ֆուխիմորիին, ով 25 տարվա ազատազրկման է դատապարտված սպանության և կոռուպցիայի մեղադրանքով: Դատավոր Էլոյ Էսպինոսա-Սալդանան հաստատել է 4-3 որոշումը տեղական Canal N հեռուստաալիքի եթերում: Հայտնի չէ, թե երբ Ֆուխիմորին կկարողանա դուրս գալ բանտից, և արդյոք նոր հայցերը կարող են կասեցնել որոշումը:

Աղբյուր՝ theguardian.com

Մարտի 17-ին Երևանում կազմակերպված ֆորումի ընթացքում ներկայացվեց Հայաստանում թափոնների կառավարման տնտեսական, կառավարման և քաղաքականության համատեքստը։ Ոլորտի մասնագետները գործնական խորհուրդներ և տեղեկություններ տրամադրեցին առկա հնարավորությունների վերաբերյալ: Հայ-Բրիտանական գործարարության պալատի գործադիր տնօրեն Դիանա Գազիյանը նշեց, որ Հայաստանը պարտավորություն է ստանձնել մինչև 2023թ․ երկրում ներդնել Արտադրողի ընդլայնված պատասխանատվության համակարգը:

Աղբյուր՝ Բրիտանական դեսպանատուն

Ամերիկյան տիեզերական գործակալությունը թողարկել է իր նոր հսկա լուսնային հրթիռը: Մեքենան, որը հայտնի է որպես Տիեզերական արձակումների համակարգ (SLS), տեղափոխվել է Ֆլորիդայի Քենեդու անվան տիեզերական կենտրոն՝ արհեստական հետհաշվարկ կատարելու համար: Եթե ամեն ինչ լավ ընթանա, հրթիռը պատրաստ կհամարվի առաքելության համար, որի ժամանակ այն փորձնական անօդաչու պարկուճ կուղարկի Լուսին: Դա կարող է տեղի ունենալ առաջիկա մի քանի ամսվա ընթացքում:

Աղբյուր՝ bbc.com

Երգիչ Աբրաամ Ռուսսոն կտրուկ է արտահայտվել ռուսական շոու-բիզնեսի աստղերի մասին, ովքեր լքել են երկիրը պատժամիջոցների պատճառով, հայտնում է FAN-ը: «Հիմա բոլոր արվեստագետները քաղաքական գործիչներ են դարձել։ Նրանք, ովքեր գոռում էին, թե վաղը գնալու ենք Դոնբաս ելույթ ունենալու, առաջինն են փախել անձնագրեր ստանալու համար։ Իսկ ես, հարյուր տարի է, երկու անձնագիր ունեմ»,- Ռուսոյի խոսքերն է մեջբերում Kp.ru-ն:

Աղբյուր՝ kulturomania.ru

Պիեր Էմերիկ Օբամեյանգը խփեց հաղթական գոլը, երբ «Բարսելոնան» հինգշաբթի 2:1 հաշվով առավելության հասավ «Գալաթասարայի» նկատմամբ և գրավեց իր տեղը Եվրոպա լիգայի քառորդ եզրափակչում:  

Աղբյուր՝ france24.com