Կարճ լուրեր
Քանյե Ուեսթի Instagram-ի էջը 24 ժամով արգելափակվել է այն բանից հետո, երբ ռեփերը խախտել է ոտնձգությունների վերաբերյալ պլատֆորմի քաղաքականությունը: Այս մասին հայտնել է Meta Platforms մայր ընկերության ներկայացուցիչ Ջո Օսբորնը: Variety կայքի հոդվածում ասվում է, որ Ուեսթը Instagram-ի իր գրառման մեջ ռասայական հայհոյանքներ է ուղղել «The Daily Show»-ի հաղորդավար Թրևոր Նոյին այն բանից հետո, երբ Նոյը քննարկել է Ուեսթի, Ուեսթի նախկին կնոջ՝ Քիմ Քարդաշյանի և նրա ընկերոջ՝ Փիթ Դևիդսոնի միջև ծագած վեճը:
Աղբյուր՝ reuters.com
ՀՀ ՍԱՏՄ ղեկավարի որոշմամբ՝ վերացվել են «Լիլիթ և Սյուզի» ՍՊԸ-ին և անհատ ձեռնարկատեր Նարինե Հայրապետյանին (Կոտայքի մարզ) պատկանող հացի արտադրամասերի արտադրական գործունեության կասեցումները: Արտադրամասերում շտկվել են նախորդիվ հայտնաբերված սանիտարահիգիենիկ նորմերի խախտումները, վերահսկող մարմնի բոլոր պահանջները կատարվել են:
Աղբյուր՝ ՀՀ Սննդամթերքի անվտանգության տեսչական մարմին
«Միսս աշխարհ - 2021» գեղեցկության միջազգային մրցույթի հաղթող է ճանաչվել Կարոլինա Բելյավսկան Լեհաստանից: Այս մասին հաղորդվում է մրցույթի կայքում։ Պարգևատրման արարողությունը կայացել է Պուերտո Ռիկոյի Սան Խուան քաղաքում: Թագը հանձնել է «Միսս աշխարհ - 2019» տիտղոսին արժանացծ Թոնի-Էնն Սինգհը Ջամայկայից: Մրցույթին մասնակցել է 97 աղջիկ տարբեր երկրներից:
Աղբյուր՝ lenta.ru
Վտանգված արևելյան սև ռնգեղջյուրին կոչել են Ուկրաինայի մայրաքաղաքի անունով՝ Կիև, այս կերպ ցույց տալով իրենց աջակցությունը Ռուսաստանի դեմ պատերազմի մեջ գտնվող երկրին: Ռնգեղջյուրը ծնվել է մարտի 4-ի վաղ առավոտյան Դվուր Կրալովե կենդանաբանական այգում, ինչը հազվադեպ է հաստատության համար, թեև այն այս ենթատեսակի ամենաշատ ռնգեղջյուրներն ունի:
Աղբյուր՝ apnews.com
Ըստ ԱՀԿ-ի՝ վերջին յոթ օրվա ընթացքում գրանցված վարակման նոր դեպքերով աշխարհում առաջատարը Հարավային Կորեան է՝ 2,417,174 դեպքով, որին հաջորդում է Վիետնամը՝ 1,776,045 դեպքով: Հինգշաբթի գրանցված 621,328 դեպքերը Հարավային Կորեայում ամենաբարձր օրական ցուցանիշն են համավարակի սկզբից ի վեր:
Աղբյուր՝ france24.com
Թրեքը ներառվել է բրիտանական ռոք խմբի «Music of the Spheres» նոր ալբոմում: Տեսահոլովակի ռեժիսորը Փոլ Դագդեյլն է: Այն թողարկվել է նոր և, երաժիշտների խոսքով, վերջին համաշխարհային շրջագայության մեկնարկից երեք օր առաջ՝ ի աջակցություն Music of the Spheres ալբոմի: Շրջագայությունը կմեկնարկի մարտի 19-ին Կոստա Ռիկայում կայանալիք համերգով:
Աղբյուր՝ kulturomania.ru
«Պարի Սեն Ժերմենի» հարձակվող Լիոնել Մեսսին չի պատրաստվում հեռանալ ակումբից երկրպագուների քննադատությունից հետո: Այս մասին հայտնում է RMC Sport-ը: Ֆրանսիական ակումբի երկրպագուները սուլել էին արգենտինացուն՝ Լիգա 1-ի հանդիպումներից մեկում նրա խաղի պատճառով: Լուրեր էին պտտվում, որ Մեսսին պատրաստվում է հեռանալ թիմից, սակայն նա պատրաստվում է շարունակել հանդես գալ «ՊՍԺ»-ում:
Աղբյուր՝ gazeta.ru
Երևան-Մոսկվա-Երևան երթուղով FLYONE ARMENIA ավիաընկերության կանոնավոր ուղիղ չվերթների մեկնարկը տրվել է 2022թ. մարտի 1-ին: Այսօրվանից դրանք կիրականացվեն ամեն օր: Ավիաընկերությունը թռիչքներ է իրականացնում դեպի Մոսկվա, Ստամբուլ և Լիոն:
Աղբյուր՝ FLYONE ARMENIA
Այս մասին Էր Ռիադ կատարած այցից հետո ասվում է չորեքշաբթի Մեծ Բրիտանիայի վարչապետ Բորիս Ջոնսոնի գրասենյակի կողմից տարածված հայտարարության մեջ: Մեծ Բրիտանիայի վարչապետ և Սաուդյան Արաբիայի թագաժառանգ Մուհամեդ բեն Սալման Ալ Սաուդը իրենց հանձնառությունն են հայտնել «ուժեղացնել համագործակցությունը պաշտպանության, անվտանգության, առևտրի և մշակույթի ոլորտներում»:
Աղբյուր՝ tass.ru
Ապրիլի 1-ից Կանադան պատվաստված ճանապարհորդներից այլևս կորոնավիրուսի նախնական թեստ չի պահանջի երկիր մուտք գործելու համար: Չորեքշաբթի կառավարության ներկայացուցիչը հաստատել է փոփոխությունը՝ չբացահայտելով ինքնությունը՝ հայտարարությունից առաջ հրապարակային ելույթ ունենալու թույլտվության բացակայության պատճառով: Միացյալ Նահանգները շարունակում է մուտքի համար պահանջել COVID-19 բացասական թեստի արդյունք:
Աղբյուր՝ apnews.com
«Մանչեսթեր Յունայթեդը» հետևում է Թոմաս Տուխելի կարգավիճակին «Չելսիում», քանի որ նրանք ուժեղացնում են նոր մարզիչ գտնելու իրենց որոնումները, ուշադրության տակ պահելով նաև «Սևիլիայի» գլխավոր մարզիչ Յուլեն Լոպետեգին: Առանձնակի հետաքրքրություն են ներկայացնում ևս երեք թեկնածուներ՝ «ՊՍԺ»-ի Մաուրիսիո Պոչետինոն, «Այաքսի» Էրիկ Տեն Հագը և Իսպանիայի հավաքականի Լուիս Էնրիկեն:
Աղբյուր՝ theguardian.com
Ինդիանա նահանգում չորեքշաբթի կեսօրին մոտ հրդեհ է բռնկվել ամերիկյան Walmart մանրածախ ցանցի խոշոր բաշխիչ կենտրոնում: Դեպքի վայրից մի քանի կիլոմետր հեռավորության վրա տեսանելի էին սև ծխի թանձր քուլաները: Հաղորդվում է, որ հրդեհի բռնկման ժամանակ շենքում եղել է մոտ 1000 մարդ: Նախնական տվյալներով՝ նրանց հաջողվել է ժամանակին տարհանել։ Զոհերի մասին տեղեկություն չկա:
Աղբյուր՝ vesti.ru
Չորեքշաբթի տղամարդկանց օլիմպիական և աշխարհի գործող չեմպիոն, ամերիկացի Նեյթան Չենը հրաժարվել է հաջորդ շաբաթ Ֆրանսիայում կայանալիք գեղասահքի աշխարհի առաջնությանը մասնակցելուց: Չենը անցյալ ամիս Պեկինում նվաճեց ձմեռային օլիմպիական ոսկին, սակայն չի հավակնի իր չորրորդ անընդմեջ աշխարհի չեմպիոնի տիտղոսին վնասվածքի պատճառով:
Աղբյուր՝ france24.com
Ռուսաստանի Անվտանգության խորհրդի փոխնախագահ Դմիտրի Մեդվեդևը պաշտոնական ալիք է բացել Telegram-ում: Օգտահաշիվը ստուգված է. այն ստացել է «կապույտ նշան»:
Աղբյուր՝ ria.ru
Տեխասում Նյու Մեքսիկոյի համալսարանի գոլֆի թիմի անդամներին տեղափոխող մեքենան բախվել է պիկապ բեռնատարին: Մահացու վթարի մասնակից ավտոբուսում եղել է ինը ուղևոր, այդ թվում՝ թիմի մարզիչը, ասվում է Հարավարևմտյան համալսարանի հայտարարության մեջ: Ավտոբուսի երկու ուղևորները ծայրահեղ ծանր վիճակում են: Զոհվել են նաև պիկապի վարորդն ու ուղևորը: Մեքենաները բախվել են երեքշաբթի գիշերը Տեխասի արևմուտքում գտնվող Էնդրյուս շրջանում:
Աղբյուր՝ bbc.com
Սպիտակ տանը լրագրողների հետ Բայդենի կարճատև շփման ընթացքում Fox News-ի թղթակիցը հարցրել է ԱՄՆ նախագահին, թե արդյոք նա պատրաստ է «այն ամենից հետո, ինչ մենք տեսանք», իր ռուսաստանցի գործընկերոջն անվանել ռազմական հանցագործ: Սկզբում Բայդենը բացասական պատասխան է տվել և դուրս եկել սենյակից, սակայն հետո վերադարձել է, հստակեցրել հարցը և ասել. «Նա ռազմական հանցագործ է»։
Աղբյուր՝ ria.ru
Մինչև 69,6 կգ քաշային կարգում Բռնցքամարտի համաշխարհային ասոցիացիայի (WBA) և Բռնցքամարտի միջազգային ֆեդերացիայի (IBF) տարածաշրջանային նախկին տիտղոսակիր, ռուս Հուսեյն Բայսանգուրովի հաջորդ մենամարտը կլինի հայազգի Մանուկ Դիլանյանի դեմ: Այս մասին ՏԱՍՍ-ին հայտնել է մենամարտի պրոմոուտեր Զյակի Յունիսովը: Մենամարտը կկայանա մարտի 27-ին Մոսկվայում։
Սաուդյան Արաբիայի ութսունն անց միապետը բժշկական ստուգումներ է անցել. փոխել են նրա սրտի խթանիչ սարքի մարտկոցը: Այս մասին չորեքշաբթի հաղորդել է Սաուդյան Արաբիայի պետական լրատվալան գործակալությունը: Սալման թագավորը մի քանի օր կհանգստանա պրոցեդուրայից և «հաջող բժշկական հետազոտություններից» հետո, նշել է լրատվական գործակալությունը:
Աղբյուր՝ apnews.com
Լրահոս
Տեսանյութեր
2025-ը կդիմավորենք Եռաբլուրում. Բագրատ Սրբազան
