Ձեր վստահելի աղբյուրը

ԱՄՆ Չիկագո քաղաքի Lego-ի մասնագիտացված խանութը՝ Citizen Brick-ը, վաճառքի է հանել Ուկրաինայի նախագահ Վլադիմիր Զելենսկիի տեսքով, պատվերով պատրաստված արձանիկներն ու Ուկրաինայի դրոշով մոլոտովի կոկտեյլներ: Հաճախորդները կկարողանան ձեռք բերել մոլոտովի կոկտեյլի Lego տարբերակը 10 դոլարով, մինչդեռ Զելենսկիի մոդելը կարժենա 100 դոլար: Ամբողջ հասույթը կուղղվի բարեգործությանը, ներառյալ՝ ուկրաինացի փախստականներին օգնելը:

Աղբյուր՝ gazeta.ru

«Էվերթոնի» նախկին հարձակվողը, ով իր հաջողության գագաթնակետի տարիներին շաբաթական 20,000 ֆունտ էր վաստակում, այժմ այնքան սնանկ վիճակում է, որ ծրագրում է ամառանոցներ կառուցել օրական ընդամենը 150 ֆունտով: Անցյալ ամիս նա ղեկին գրեթե չորս անգամ գերազանցել էր սահմանված արագությունը և 32 ամսով զրկվել մեքենա վարելու իրավունքից: 43-ամյա նախկին ֆուտբոլիստը, ով ավելի քան 100 գոլ է խփել 14 տարբեր ակումբների կազմում, ընդունել է իր մեղավորությունը:

Աղբյուր՝ thesun.co.uk

Զոի Սալդանան պատմել է Ջեյմս Քեմերոնի «Ավատար 2»-ի հատվածից իր տպավորությունների մասին: Դերասանուհին 2021 թվականի վերջին հասցրել է ֆիլմից 20 րոպեն դիտել: Սալդանան պատմել է, որ երբ դիտել է առաջին կադրերը, կորցրել է խոսելու կարողությունն ու սկսել է լաց լինել: «Մի բան, որ իրականում ոչ ոք չգիտի Ջիմ Քեմերոնի մասին, այն է, որ նա շատ լացկան է, նա իսկապես ոսկե սիրտ ունի: Այս պատմությունը կլանող է լինելու»,- ասել է Սալդանան:

Աղբյուր՝ kulturomania.ru

Չորեքշաբթի Ֆրանսիայի բաց առաջնության կազմակերպիչները հատնեցին, որ Նովակ Ջոկովիչին թույլատրվում է պաշտպանել իր տիտղոսը: Ռոլան Գարոսի մրցաշարը պատրաստվում է անցկացնել համաճարակի բռնկումից հետո առաջին Մեծ Սաղավարտը՝ առանց COVID-19-ի հետ կապված որևէ սահմանափակման: Ֆրանսիան երկուշաբթի հանել է սահմանափակումները գրեթե բոլոր հանրային վայրերում, բացառությամբ՝ հիվանդանոցների, ծերանոցների և հասարակական տրանսպորտի:

Աղբյուր՝ reuters.com

«Հսկայական տաղանդի անտանելի ծանրությունը» կոմեդիան լավագույն գնահատականի է արժանացել Rotten Tomatoes կայքում: Ֆիլմը նման գնահատականի է արժանացել South by Southwest (SXSW) ամերիկյան արվեստների փառատոնի ընթացքում ցուցադրությունից հետո: Կինոկարը, որում հայտնի դերասանը մարմնավորել է ինքն իրեն, արժանացել է միայն դրական արձագանքների բոլոր 17 քննադատներից: Ժապավենը դարձել է ամենաբարձր վարկանիշն ունեցողը՝ աստղի ողջ կարիերայի ֆիլմագրության մեջ:

Աղբյուր՝  lenta.ru

Երկրորդ օրն անընդմեջ Սահարա անապատից Եվրոպա մոլեգնող հզոր փոշու փոթորիկը դժվարացրել է շնչառությունը Իսպանիայի մեծ մասում և ստիպել Ֆրանսիայի և Պորտուգալիայի հավաքարարներին լրացուցիչ աշխատանք կատարել մեքենաներից և շենքերից կեղտը հեռացնելու համար:

Աղբյուր՝ apnews.com

Առնվազն 21 երեխա, որոնք ծնվել են փոխնակ մայրության միջոցով, մնացել են Կիևի ռմբապաստարանի մանկասենյակում: Նրանք սպասում են, որ արտերկրում ապրող իրենց կենսաբանական ծնողները իրենց տուն տանեն: Բայց պատերազմը չափազանց ռիսկային է դարձրեց Ուկրաինայի մայրաքաղաք մեկնելը: Իրավիճակի մասին մանրամասներ է ներկայացրել BBC-ի ռեպորտաժը:
 

Արտասահմանից Իսրայել վերադարձած երկու ուղևորների մոտ հայտնաբերվել է կորոնավիրուսի նոր տարբերակ: Այս մասին հայտնել է Yediot Ahronot-ը՝ վկայակոչելով երկրի առողջապահության նախարարության հայտարարությունը: Առողջապահության նախարարությունը հայտնել է, որ երկիր ժամանելուն պես ուղևորների հանձնած ՊՇՌ թեստերը հայտնաբերել են տարբերակ, որը, ըստ երևույթին, օմիկրոն տարբերակի և դրա BA.2 ենթատեսակի միացությունն է:

Աղբյուր՝ ria.ru

Լա Լիգայում «Մալյորկայի» դեմ խաղում խփած գնդակը շնորհիվ Բենզեմայի գոլերի քանակը հասցրեց 412-ի՝ մեկով ավելի, քան Թիերի Անրիինը: Մադրիդի «Ռեալի» հարձակվողը երկուշաբթի իրացրեց «Սոն Մոիքսում» նշանակված 11 մետրանոցը և առաջ մղեց Մադրիդին 2:0 հաշվով, այն բանից հետո, երբ Վինիսիուս Ժունիորը բացեց հաշիվը:

Աղբյուր՝ france24.com

Դրանում նկարահանվել են Ռոուզ Լեսլին և Թեո Ջեյմսը: Սյուժեն հիմնված է Օդրի Նիֆենեգերի համանուն վեպի վրա: Այն պատմում է նկարչուհու մասին, ում ամուսինը ինքնաբուխ ճանապարհորդում է ժամանակի միջով: Մինչ հերոսուհու ամուսինը կատարում է իր առաքելությունը, նրանց հարաբերությունները գնում են անխուսափելի փլուզման: «Ժամանակի մեջ ճամփորդողի կինը» սերիալի պրեմիերան կկայանա մայիսին:

Աղբյուր՝ kulturomania.ru

Գիտաժողովը կկայանա մարտի 25-ին, ժամը` 12։00-ին, Ե. Չարենցի անվան գրականության և արվեստի թանգարանում։ Մարտի 30-ին, ժամը՝ 14:00-ին, կկազմակերպվի երթ՝ դեպի Երևանի քաղաքային պանթեոն: Հարգանքի տուրք կմատուցվի Դերենիկ Դեմիրճյանին: Կլինեն դեմիրճյանասերների և դեմիրճյանագետների ելույթներ, հանրությանը կներկայացվի Դեմիրճյանի համերկրացի Տաճատ Վարդապետյանի նախաձեռնությամբ բարեկարգված նոր շիրմաքարը:

Աղբյուր՝ Դերենիկ Դեմիրճյանի տուն-թանգարան

Գարնանային տոնական համերգները տեղի կունենան մարտի 18-ին և 25-ին, ժամը՝ 18:00-ին, Հայաստանի երաժշտական ընկերության դահլիճում:

Աղբյուր՝ Թ. Ալթունյանի անվան երգի-պարի վաստակավոր անսամբլի տնօրենություն

Կապարե սարկոֆագը և մի քանի դամբարաններ, որոնք հավանաբար թվագրվում են 14-րդ դարով, հնագետները հայտնաբերել են Փարիզի Աստվածամոր տաճարի տակ՝ 2019 թվականին ավերիչ հրդեհից հետո վնասված շենքի վերանորոգման աշխատանքների ժամանակ: Ամենայն հավանականությամբ, մարդակերպ դագաղը պատրաստվել է բարձրաստիճան պաշտոնյայի համար 1300-ական թվականներին՝ տաճարի կառուցումից հարյուր տարի անց:

Աղբյուր՝ gazeta.ru

Ղազախստանի նախագահ Կասիմ-Ժոմարտ Տոկաևն սահմանադրական բարեփոխումներ է առաջարկել՝ սահմանափակելու իր գրասենյակի լիազորությունները, չորեքշաբթի հայտարարելով, որ երկիրը պետք է «սուպերնախագահական» կառավարումից անցում կատարի ուժեղ խորհրդարան ունեցող նախագահական հանրապետության: 

Աղբյուր՝ reuters.com

Ս.թ. մարտի 17-18-ին կանցկացվեն հոբելյանական միջոցառումներ՝ նվիրված նշանավոր գիտնական ու հասարակական գործիչ, ՀՀ ԳԱԱ ակադեմիկոս Սերգեյ Համբարձումյանի 100-ամյակին: Մարտի 17-ին՝ ժամը 11:00-ին, տեղի կունենա այցելություն Սերգեյ Համբարձումյանի շիրիմին՝ Երևանի Քաղաքային պանթեոն: Ժամը 14:00-ին ՀՀ ԳԱԱ նախագահության նիստերի դահլիճում կանցկացվի հոբելյանական հանդիսավոր նիստ: Հոբելյանական միջոցառումները կշարունակվեն մարտի 18-ին՝ Հայ-ռուսական համալսարանում:

Աղբյուր՝ ՀՀ ԳԱԱ տեղեկատվական-վերլուծական ծառայություն 

Դիետոլոգ և խոհարար Սերենա Պունը Eat This, Not That-ին տված հարցազրույցում հայտնել է, որ գարեջրի չափավոր օգտագործման դեպքում՝ այն կարող է դառնալ օրգանիզմի համար օգտակար հակաօքսիդանտների աղբյուր: Մասնագետը նշել է, որ հացահատիկները, որոնցից արտադրվում է փրփուրով ըմպելիքը, պարունակում են պոլիֆենոլներ, իսկ գարու ածիկն ու գայլուկը՝ կվերցետին, էպիկատեխին և գալիկաթթու:

Աղբյուր՝ ria.ru

Հինգշաբթի ինսուլտի ախտանիշներով հիվանդանոց տեղափոխված 25-ամյա Հեյլիի ուղեղում արյան թրոմբ է առաջացել: Նա դուրս է գրվել հիվանդանոցից և հանգստանում է տանը, սակայն փորձությունը ցնցել է զույգին, մասնավորապես՝ 28-ամյա Ջասթինին, ով հավանաբար ավելի մեծ հոգեկան տրավմա է տարել, քան անգամ կինը: Այս մասին PEOPLE ամսագրին հայտնել է երգչին մոտ գտնվող աղբյուրը: Երբ դա տեղի է ունեցել, մեծ խուճապ է առաջացել։ Ջասթինը գրել է բոլորին, ում ճանաչում է և խնդրել աղոթել իր կնոջ համար՝ ոչ պահ չհեռանալով նրա կողքից:

 

Հնդկաստանի Չհատիսգարհ նահանգի Գարյաբանդ շրջանում առնվազն 5 մարդ է զոհվել, ևս 17-ը վիրավորվել են վթարի հետևանքով: Նրանցից 14-ի գտնվում են ծանր վիճակում և հոսպիտալացվել են Ռայպուր քաղաքի (նահանգի մայրաքաղաք) կլինիկա: NDTV-ի փոխանցմամբ՝ ուշ երեկոյան ուղևորներով քարշակ տանող տրակտորը բախվել է բեռնատարին:

Աղբյուր՝ vesti.ru